完整藏文原文 · 德格版页 当前仅加载第 4 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོབས་དང་། བྱང་ཆུབ་ཀྱི་ཡན་ལག་གི་རིན་པོ་ཆེ་རྣམས་ཀྱི་བགོ་བཤའ་བྱས་སོ།། །།འདུལ་བ་གཞི། བམ་པོ་དགུ་བཅུ་རྩ་གསུམ་པ། ཡང་གང་གི་ཚེ་ཚེ་དང་ལྡན་པ་ཀུན་ཤེས་ཀཽཎྜི་ནྱ་རྒན་པའི་ངང་ལ་འདུག་པ་དེའི་ཚེ་འཁོར་ལ་གདུགས་ལྟ་བུར་
D1.004.0119a01.01བྱས་ཏེ་འདུག་གོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཀུན་ཤེས་ཀཽཎྜི་ནྱས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་འཁོར་ལ་གདུགས་ལྟ་བུར་བགྱིས་ཏེ་མཆིས་ལགས།
D1.004.0119a02.01བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཀུན་ཤེས་ཀཽཎྜི་ནྱ་འདི་ཉིད་ཀྱིས་ལས་བྱས་ཤིང་བསགས་པ་ཚོགས་རྙེད་པ་དག་ནི་ཞེས་བྱ་བ་ནས་ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་ནོ། །དགེ་སློང་དག་སྔོན་བྱུང་བ་གྲོང་ཁྱེར་བཱ་རཱ་ཎ་སཱི་ན་ཁྱིམ་བདག་
D1.004.0119a03.01སྡུམས་བྱེད་ཅེས་བྱ་བ་ཕྱུག་པ་ནོར་མང་བ། ལོངས་སྤྱོད་ཆེ་བ། ཡོངས་སུ་གཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་གནས་སོ། །དེའི་ཚེ་གྲོང་ཁྱེར་བཱ་རཱ་ཎ་སཱི་ན་རྒྱལ་པོ་ཚངས་སྦྱིན་ཞེས་བྱ་བ་འབྱོར་པ་དང་།
D1.004.0119a04.01རྒྱས་པ་དང་། བདེ་བ་དང་། ལོ་ལེགས་པ། སྐྱེ་བོ་དང་། མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་པ་ལས་ཇི་ཙམ་ན་ལྟས་མཁན་རྣམས་ཀྱིས་ལོ་བཅུ་གཉིས་སུ་ཆར་མི་འབབ་བོ་ཞེས་བསྟན་ཏོ། །རྒྱལ་པོ་ཚངས་སྦྱིན་གྱིས་རང་གི་ཡུལ་དུ་དྲིལ་སྒྲོགས་སུ་བཅུག་
D1.004.0119a05.01པ། ངའི་ཡུལ་ན་གནས་པའི་ཤེས་ལྡན་གྲོང་མི་དག་ཉོན་ཅིག །ལྟས་མཁན་རྣམས་ཀྱིས་ལོ་བཅུ་གཉིས་སུ་ཆར་མི་འབབ་བོ་ཞེས་བསྟན་གྱིས། དེ་ལ་ཁྱེད་ཅག་ལས་ལོ་བཅུ་གཉིས་ཀྱི་བཟའ་བ་དང་བཏུང་བ་ཡོད་པ་དེ་དག་ནི་ངའི་ཡུལ་ན་གནས་པར་གྱིས་ཤིག །གཞན་ནི་ཕྱོགས་
D1.004.0119a06.01སྣ་ཚོགས་སུ་དེང་ལ་ལོ་བཅུ་གཉིས་འདས་ནས་སླར་ཤོག་ཤིག །དེ་ནས་ཁྱིམ་བདག་སྡུམས་བྱེད་ཀྱིས་མངན་ལ་སྨྲས་པ། ཀྱེ་ནང་རྗེ་བང་མཛོད་ན་བདག་འཁོར་དང་བཅས་པའི་ལོ་བཅུ་གཉིས་ཀྱི་བཟའ་བ་དང་བཏུང་བ་དག་ཡོད་དམ། དེས་སྨྲས་པ། དཔོན་པོ་མཆིས་སོ། །དེ་ནས་
D1.004.0119a07.01