完整藏文原文 · 德格版页 当前仅加载第 4 函德格 57b 版页；藏文 NFD、目录标记与异常页序保留在来源切片中，重复版页行以稳定序号区分。
ཉེ་འཁོར་ན་དགེ་སྦྱོང་ཆེན་པོ་བཞུགས་ན་དེའི་མཐུ་ཞིག་མ་བྱུང་གྲང་སྙམ་བགྱིད་དོ། །འོད་སྲུང་མེ་དེ་སྦར་བར་འདོད་དམ། དགེ་སྦྱོང་ཆེན་པོ་སྦར་དུ་གསོལ། དེ་ནས་འདི་ལྟར་སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང་། ལྷ་རྣམས་ཀྱི་ལྷའི་མཐུས་མེ་དེ་རང་ཉིད་འབར་བར་གྱུར་
D1.004.0057b01.01ཏོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་ན་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་
D1.004.0057b02.01ཀྱི་ནགས་ཚང་ཚིང་ན་བཞུགས་སོ། །དེ་ནས་བྲམ་ཟེའི་ཁྱེའུ་དེ་རྣམས་མེ་ལ་ཡོངས་སུ་སྤྱད་ནས་མེ་བསད་པར་འདོད་ན་མེ་བསད་པར་མ་ནུས་སོ། །བྲམ་ཟེའི་ཁྱེའུ་དེ་རྣམས་ལྟེང་རྒྱས་འོད་སྲུང་རལ་པ་ཅན་གང་ན་བ་དེར་སོང་སྟེ་ལྷགས་ནས་ལྟེང་རྒྱས་འོད་སྲུང་རལ་པ་ཅན་ལ་འདི་སྐད་ཅེས་
D1.004.0057b03.01སྨྲས་སོ། །མཁན་པོ་མཁྱེན་པར་མཛོད་ཅིག །འདིར་བདག་ཅག་ཞུགས་ལ་ཡོངས་སུ་སྤྱད་ནས་ཞུགས་དགུམ་པར་འཚལ་ན་དགུམ་པའི་རྔོ་མ་ཐོག་ལགས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། དགེ་སྦྱོང་ཆེན་པོ་བདག་གི་ཉེ་འཁོར་ན་
D1.004.0057b04.01གནས་པ་དེའི་མཐུ་ཞིག་མ་བྱུང་གྲང་སྙམ་མོ། །དེ་ནས་ལྟེང་རྒྱས་འོད་སྲུང་རལ་པ་ཅན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་གསོལ། འདིར་བདག་གི་བྲམ་ཟེའི་ཁྱེའུ་
D1.004.0057b05.01རྣམས་ཞུགས་ལ་ཡོངས་སུ་སྤྱད་ནས་ཞུགས་དགུམ་པར་འཚལ་ན་དགུམ་པར་རྔོ་མ་ཐོག་ནས་བདག་འདི་སྙམ་དུ་སེམས་ཏེ། བདག་གི་ཉེ་འཁོར་ན་དགེ་སྦྱོང་ཆེན་པོ་བཞུགས་ན་དེའི་མཐུ་ཞིག་མ་བྱུང་གྲང་སྙམ་བགྱིད་དོ། །འོད་སྲུང་མེ་དེ་བསད་དམ། དགེ་སྦྱོང་ཆེན་པོ་དགུམ་
D1.004.0057b06.01དུ་གསོལ། དེ་ནས་འདི་ལྟར་སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང་། ལྷ་རྣམས་ཀྱི་ལྷའི་མཐུས་མེ་དེ་རང་ཉིད་ཤིའོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི་བདག་
D1.004.0057b07.01