完整藏文原文 · 德格版页 当前仅加载第 4 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་དག་པ། མེས་པོའི་ཕྱོགས་དང་། ཕྱི་མོའི་ཕྱོགས་ཟུང་བདུན་རྒྱུད་ཀྱིས་བཟུང་སྟེ་རིགས་ལ་གཏམ་གྱིས་མ་ཕོག་པ། ཀློག་ཏུ་འཇུག་པ། གསང་ཚིག་འཛིན་པ། རིག་བྱེད་གསུམ་པོ་སྒྲ་ངེས་པར་སྦྱོར་བ་དང་། ཤེས་གསལ་དང་བཅས་པ་དང་། ཡི་གེ་
D1.004.0125a01.01རབ་ཏུ་འབྱེད་པ་དང་བཅས་པ་དང་ལྔ་པོ་དེ་ལྟ་བུ་བྱུང་བ་ཅན་རྣམས་ཀྱི་ཕ་རོལ་དུ་ཕྱིན་ཅིང་ལུང་སྟོན་པར་བྱེད་པ། གཟུགས་བཟང་པོ་བལྟ་ན་སྡུག་པ་མཛེས་པ་ཞིག་ཡོད་དེ། བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་ངྷའི་བྲམ་ཟེའི་ཁྱེའུ་ལྔ་བརྒྱ་ཙམ་ལ་བྲམ་ཟེ་རྣམས་ཀྱི་གསང་ཚིག་ཀློག་ཏུ་འཇུག་
D1.004.0125a02.01གོ། །དགེ་སློང་དག་བཻ་བྷི་ཊིང་གའི་གྲོང་ཁྱེར་གྱི་གྲོང་རྡལ་ན་རྫ་མཁན་དགའ་སྐྱོང་ཞེས་བྱ་བ་སངས་རྒྱས་ལ་མངོན་པར་དད་པ། ཆོས་དང་དགེ་འདུན་ལ་མངོན་པར་དད་པ། སངས་རྒྱས་ལ་སྐྱབས་སུ་སོང་བ། ཆོས་དང་དགེ་འདུན་ལ་སྐྱབས་སུ་སོང་བ། སངས་རྒྱས་ལ་གཅིག་ཏུ་
D1.004.0125a03.01བྱེད་པ། ཆོས་དང་དགེ་འདུན་ལ་གཅིག་ཏུ་བྱེད་པ། སངས་རྒྱས་ལ་ཡིད་གཉིས་དང་དང་ཐེ་ཚོམ་མེད་པ། ཆོས་དང་དགེ་འདུན་དང་། སྡུག་བསྔལ་བ་དང་། ཀུན་འབྱུང་བ་དང་། འགོག་པ་དང་། ལམ་ལ་ཡིད་གཉིས་དང་ཐེ་ཚོམ་མེད་པ། བདེན་པ་མཐོང་བ།
D1.004.0125a04.01འབྲས་བུ་ཐོབ་ཅིང་རྟོགས་པ། ལོ་མ་དང་གཏུན་སྤངས་པ་ཞིག་གནས་ཏེ། གཞན་དུ་ན་དེ་གང་ན་ཆུས་བརྐོས་པའམ། བྱི་བྲུན་མ་གཏོགས་པ་རང་གི་ལག་གིས་ས་མི་རྐོ་ཞིང་བརྐོར་མི་འཇུག་གོ། །དེ་ནས་ས་ལུས་ཀྱིས་བླངས་ནས་སྲོག་ཆགས་མེད་པའི་ཆུས་སྤྲུས་ཏེ། སྣོད་
D1.004.0125a05.01རྣམས་བྱས་ཤིང་མཐའ་གཅིག་ཏུ་བཞག་ནས་འདི་སྐད་ཅེས་འཕགས་པ་དག་ཚུར། བཞིན་{བཟངས་,བཟང་}དག་ཚུར། ཏིལ་ལམ། འབྲས་སམ། མོན་སྲན་སྡེའུ་ལ་སོགས་པའམ། མོན་སྲན་གྲེའུ་ལ་སོགས་པ་མཐའ་གཅིག་ཏུ་ཞོག་ལ་ཁྱེད་ཅག་ལས་གང་ཞིག་སྣོད་གང་དོན་
D1.004.0125a06.01དུ་གཉེར་བ་དེ་ལོང་ལ་དེང་ཤིག་ཅེས་སྨྲས་ཤིང་དེས་དེ་ལས་ཕ་མ་ལོང་བ་གཉིས་གསོ་བ་དང་། ཡང་དག་པར་རྫོགས་པའི་སངས་རྒྱས་འོད་སྲུང་ལ་དུས་དུས་སུ་བསོད་སྙོམས་འབུལ་ལོ། །བྲམ་ཟེའི་ཁྱེའུ་བླ་མའི་གྲོགས་པོ་དང་། སྙིང་དུ་སྡུག་པ་དང་། ནེའུ་ཟླ་ཡང་ཡིན་
D1.004.0125a07.01