完整藏文原文 · 德格版页 当前仅加载第 4 函德格 170b 版页；藏文 NFD、目录标记与异常页序保留在来源切片中，重复版页行以稳定序号区分。
ཟ་བ་ནི་བཀག་པ་མཛད་ཅེ་ན། རིགས་འབར་བ་ལ་བརྟེན་པ་དང་། གང་ཟག་སྡིག་པ་འདོད་པ་རྣམས་ཀྱི་ཕྱོགས་གཞོམ་པའི་དོན་གཉིས་གཟིགས་པ་སྟེ། གང་ཟག་སྡིག་པ་འདོད་པ་རྣམས་དགེ་འདུན་ཁོ་ན་ལ་བརྟེན། དགེ་འདུན་ཁོ་ནའི་ཆེད་དུ་བྱས། དགེ་འདུན་ཁོ་ན་མ་ཤེས་
D1.004.0170b01.01ཤིང་ཡ་མཚན་ཅན་ལྟ་བུར་བྱས་ནས་དགེ་འདུན་ཁོ་ན་དང་ལྷན་ཅིག་རྩོད་པ་བཟུང་ནས་གནས་པར་འགྱུར་དུ་འོང་ངོ་སྙམ་པས་སོ། །གང་གི་ཚེ་ཚེ་དང་ལྡན་པ་འོད་སྲུང་སྟོབས་བཅུ་ལྡན་གྱིས་ལྷ་སྦྱིན་ལ་རྫུ་འཕྲུལ་གྱི་ལམ་གྱི་ལུང་ཕོག་པ་དེའི་ཚེ། དེ་ལ་དགེ་སློང་རྣམས་ཀྱིས་སྨྲས་པ། གནས་
D1.004.0170b02.01བརྟན་ཁྱོད་ཀྱིས་ཅིའི་ཕྱིར་ལྷ་སྦྱིན་ལ་རྫུ་འཕྲུལ་གྱི་ལམ་གྱི་ལུང་ཕོག །དེས་སྨྲས་པ། ཚེ་དང་ལྡན་པ་དག་བདག་གིས་དེ་སྡིག་པ་འདོད་པར་མ་ཤེས་མོད། གལ་ཏེ་བདག་གིས་ཤེས་ན་དེ་ལ་བདག་གིས་རྫུ་ཞེས་བྱ་བ་ཙམ་གྱི་ལུང་ཡང་མི་དབོག་ན་རྫུ་འཕྲུལ་གྱི་ལམ་ལྟ་སྨོས་ཀྱང་
D1.004.0170b03.01ཅི་དགོས། དེ་ནས་ལྷ་སྦྱིན་ལ་དགེ་སློང་རྣམས་ཀྱིས་གཅུགས་པས་སྨྲས་པ། ལྷ་སྦྱིན་ཁྱོད་ཀྱི་དཔལ་དང་སྐལ་བ་ཕུན་སུམ་ཚོགས་པ་ཅི་ཡོད་པ་དེ་ཐམས་ཅད་ནི་གནས་བརྟན་འོད་སྲུང་སྟོབས་བཅུ་ལྡན་ལ་བརྟེན་ཏེ་ཡིན་ན་ཁྱོད་དེའི་དྲུང་དུ་མི་འགྲོའམ། དེ་རྣམས་ཀྱིས་བསམས་
D1.004.0170b04.01པ། བདག་ཅག་གིས་འདི་བསྐུལ་ན་དེའི་དྲུང་དུ་འགྲོ་ཞིང་དེས་འདི་སླར་ཟློག་པར་འགྱུར་རོ་སྙམ་མོ། །དེ་ལ་དེ་ལྟར་བསྐུལ་བ་ན་སྨྲས་པ། ཁོ་བོ་ལ་དེས་ཅི་ཞིག་བྱས། ཁོ་བོས་བརྩོན་འགྲུས་ལ་གནས་ཏེ་ནམ་གྱི་ཆ་སྟོད་དང་ཆ་སྨད་ལ་མི་ཉལ་བར་རྣལ་འབྱོར་ལ་རྗེས་སུ་བརྩོན་
D1.004.0170b05.01པས་གནས་ནས་བསམ་གཏན་དང་པོ་ལ་བརྟེན་ཏེ་རྫུ་འཕྲུལ་འགྲུབ་པར་མ་བྱས་སམ་ཞེས་དེའི་ཚིག་སྨྲས་མ་ཐག་ཁོ་ནར་བྱས་པ་མི་གཟོ་བས་རྫུ་འཕྲུལ་ལས་ཉམས་པར་གྱུར་ཏོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་
D1.004.0170b06.01ལ་ཞུས་པ། བཙུན་པ་ལྷ་སྦྱིན་བྱས་པ་མི་གཟོ་བས་རྫུ་འཕྲུལ་ལས་ཉམས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདི་འདས་པ་ན་ཡང་བྱས་པ་མི་གཟོ་བས་རིག་སྔགས་ལས་ཉམས་པ་དེ་ཉོན་ཅིག་
D1.004.0170b07.01