完整藏文原文 · 德格版页 当前仅加载第 4 函德格 165a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱིས་ཆོས་འདུལ་བ་ལེགས་པར་གསུངས་པའི་སྒོ་ནས་རྗེས་སུ་སྲུང་བར་འདོད་པ་མི་མངའོ། །དགེ་སློང་དག་ང་ནི་ཁྱེད་ལ་ཚར་བཅད་ཅིང་ཚར་བཅད་ཅིང་། ཐག་བཅུག་ཅིང་ཐག་བཅུག་ཅིང་རབ་ཏུ་སྨྲའི་ཁྱེད་ལ་ངོ་ནི་མི་བྱེད་དེ། རྫ་མཁན་གྱིས་རྫ་མ་ཚོས་པ་རྣམས་
D1.004.0165a01.01ལ་བྱ་བ་བཞིན་དུ་གང་རུང་བ་དེ་འཇོག་པར་ཟད་པས་ངའི་ཚིག་གི་ལམ་རྣམས་བཟོད་པར་ཡང་གྱིས་ཤིག །དེ་ནས་ལྷ་སྦྱིན་གྱིས་ཀོ་ཀ་ལི་ཀ་དང་། ཁཎྜ་དྲ་བྱ་དང་། ཀ་ཏི་མོ་ར་ཀ་ཏི་ཥྱ་དང་། རྒྱ་མཚོས་བྱིན་ལ་སྨྲས་པ། ཀོ་ཀ་ལི་ཀ་དང་། ཁཎྜ་དྲ་བྱ་དང་། ཀ་ཏི་མོ་ར་ཀ་ཏི་ཥྱ་དང་། རྒྱ་མཚོས་
D1.004.0165a02.01བྱིན་དག་ཚུར། དགེ་སྦྱོང་གཽ་ཏ་མ་འདུག་བཞིན་དུ་ཉན་ཐོས་ཀྱི་དགེ་འདུན་མཐུན་པ་དབྱེ་བ་དང་འཁོར་ལོ་དབྱེ་བར་བྱའོ། །དེས་ན་བདག་ཅག་ཤི་སྟེ་འདས་ན་ཡང་། དགེ་སྦྱོང་གཽ་ཏ་མ་དེ་ལྟར་རྫུ་འཕྲུལ་ཆེ་བ། དེ་ལྟར་མཐུ་ཆེ་བ་འདུག་བཞིན་དུ་ལྷ་སྦྱིན་དང་། ཀོ་ཀ་ལི་ཀ་དང་། ཁཎྜ་དྲ་བྱ་
D1.004.0165a03.01དང་། ཀ་ཏི་མོ་ར་ཀ་ཏི་ཥྱ་དང་། རྒྱ་མཚོས་བྱིན་གྱིས་ཉན་ཐོས་ཀྱི་དགེ་འདུན་མཐུན་པ་ཕྱེ་བ་དང་། འཁོར་ལོ་ཕྱེ་བ་བྱས་སོ་ཞེས་ཕྱོགས་དང་ཕྱོགས་མཚམས་སུ་གྲགས་པ་དང་། སྒྲ་དང་ཚིགས་སུ་བཅད་པ་སྙན་པ་རྒྱ་ཆེར་འབྱུང་བར་འགྱུར་རོ། །དེ་རྣམས་ཀྱིས་སྨྲས་པ། ལྷ་སྦྱིན་བདག་ཅག་
D1.004.0165a04.01གིས་ནི་བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་མཐུན་པ་དབྱེ་བ་དང་། འཁོར་ལོ་དབྱེ་བར་བྱ་མི་ནུས་སོ། །དེ་ཅིའི་ཕྱིར་ཞེ་ན། ཚེ་དང་ལྡན་པ་ལྷ་སྦྱིན་བཅོམ་ལྡན་འདས་ཀྱི་ཉན་ཐོས་རྫུ་འཕྲུལ་ཆེ་བ་མཐུ་ཆེ་བ་ལྷའི་མིག་དང་ཕ་རོལ་གྱི་སེམས་རིག་པ་དག་ཡོད་ལ། དེ་དག་ནི་རྒྱང་རིང་པོ་
D1.004.0165a05.01ནས་ཀྱང་མཐོང་ལ། དྲུང་ན་འདུག་ཀྱང་མི་སྣང་བ་དག་ཡིན་ཏེ། དེ་རྣམས་ཀྱི་སེམས་ཀྱིས་སེམས་ཁྱབ་པར་བྱས་ནས། ཡིད་ཀྱིས་ཡིད་རྣམ་པར་ཤེས་ཀྱི། དེ་རྣམས་ཀྱིས་བདག་ཅག་བསྐྱོད་པ་ཉིད་ཀྱིས་ཤེས་པར་འགྱུར་རོ། །དེས་སྨྲས་པ། ཀོ་ཀ་ལི་ཀ་དག་ཚུར་ཐབས་ཡོད་ཀྱིས་
D1.004.0165a06.01བདག་ཅག་དགེ་སློང་གནས་བརྟན་གནས་བརྟན་རྣམས་ཀྱི་དྲུང་དུ་སོང་ལ་གནས་བརྟན་དག་ཐུགས་ལས་ཆུང་ངུར་མཛོད་ཅིག་དང་། བདག་ཅག་གིས་གནས་བརྟན་རྣམས་ལ་ཡོ་བྱད་ཐམས་ཅད་ཀྱིས་མི་བྲེལ་བར་བགྱིའོ་ཞེས་ཡོ་བྱད་ཐམས་ཅད་ཀྱིས་བསྟབ་པར་བྱ་ཞིང་དགེ་སློང་གསར་བུ་རྣམས་ལ་ཡང་
D1.004.0165a07.01