完整藏文原文 · 德格版页 当前仅加载第 4 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་བགྱིས་ལགས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་འཁོར་ལྔ་བརྒྱ་དང་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་བདག་གིས་འཁོར་ལ་བལྟས་ལགས་ཏེ། བདག་ལེགས་པར་གསུངས་པའི་
D1.004.0065b01.01ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་འཐོབ་པ་ལྟ་ན། བདག་དགེ་སྦྱོང་ཆེན་པོའི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །འོད་སྲུང་ཚུར་ཤོག །ཚངས་པར་སྤྱད་པ་སྤྱོད་ཅིག །དེ་ཉིད་ཀྱིས་ཚེ་དང་ལྡན་པ་དེ་དག་རབ་ཏུ་བྱུང་བ་
D1.004.0065b02.01དང་། དེས་བསྙེན་པར་རྫོགས་པ་དང་། དེས་དགེ་སློང་གི་དངོས་པོར་གྱུར་ཏོ། །དེའི་ཚེ་ལྟེང་རྒྱས་འོད་སྲུང་རལ་པ་ཅན་གྱི་སྤུན་ཆུ་ཀླུང་འོད་སྲུང་དང་། ག་ཡཱ་འོད་སྲུང་གཉིས་འཁོར་ཉིས་བརྒྱ་ལྔ་བཅུ་ལྔ་བཅུ་དང་ཆུ་ཀླུང་ནཻ་རཉྫ་ནའི་འཇུག་ངོགས་ཀྱི་འགྲམ་གྱི་བསྟི་གནས་ན་དཀའ་ཐུབ་སྤྱོད་
D1.004.0065b03.01དོ། །ཆུ་ཀླུང་འོད་སྲུང་དང་། ག་ཡཱ་འོད་སྲུང་སྤུན་གྱིས་གཡང་གཞི་དང་། ཤིང་ཤུན་དང་། ཁར་བ་དང་། རིལ་བ་སྤྱི་བླུགས་དང་། བླུགས་གཟར་དེ་དག་ཆུ་ཀླུང་ནཻ་རཉྫ་ནས་ཁྱེར་བ་མཐོང་ངོ་། །མཐོང་ནས་ཀྱང་དེ་དག་འདི་སྙམ་དུ་སེམས་ཏེ། བདག་ཅག་གི་ཚངས་པ་
D1.004.0065b04.01མཚུངས་པར་སྤྱོད་པ་རྣམས་རྒྱལ་པོའམ། ཆོམ་རྐུན་ནམ། མེའམ། ཆུས་ཉེས་དམིགས་འགའ་ཞིག་བྱུང་བར་མ་གྱུར་གྲང་། མ་ལ་བདག་ཅག་གིས་ཚངས་པ་མཚུངས་པར་སྤྱོད་པ་རྣམས་བཙལ་ལོ་སྙམ་མོ། །དེ་ནས་ཆུ་ཀླུང་འོད་སྲུང་དང་། ག་ཡཱ་འོད་སྲུང་སྤུན་དག་ལྟེང་
D1.004.0065b05.01རྒྱས་འོད་སྲུང་རལ་པ་ཅན་ཚོལ་ཞིང་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་གང་ན་བ་དེར་དོང་བ་དང་དེའི་ཚེ་ཚེ་དང་ལྡན་པ་ལྟེང་རྒྱས་འོད་སྲུང་རལ་པ་ཅན་སྐྲ་བྱི་སྣམ་སྦྱར་བགོས་ནས་འཁོར་ལྔ་བརྒྱ་དང་བཅོམ་ལྡན་འདས་ཀྱི་སྤྱན་སྔ་ན་ཆོས་ཉན་པའི་ཕྱིར་འཁོད་དོ། །ཆུ་ཀླུང་འོད་སྲུང་
D1.004.0065b06.01དང་། ག་ཡཱ་འོད་སྲུང་སྤུན་གྱིས་ལྟེང་རྒྱས་འོད་སྲུང་རལ་པ་ཅན་སྐྲ་བྱི་སྣམ་སྦྱར་བགོས་ནས། བཅོམ་ལྡན་འདས་ཀྱི་སྤྱན་སྔ་ན་ཆོས་ཉན་པའི་ཕྱིར་འདུག་པ་མཐོང་ངོ་། །མཐོང་ནས་ཀྱང་ཚེ་དང་ལྡན་པ་འོད་སྲུང་རལ་པ་ཅན་ལ་འདི་སྐད་ཅེས་སྨྲས་སོ། །འོད་སྲུང་འདི་ནི་མཆོག་ཡིན་
D1.004.0065b07.01