完整藏文原文 · 德格版页 当前仅加载第 4 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
ཤཱ་རིའི་བུ་དང་། མཽད་གལ་གྱི་བུ་ཆེན་པོ་གཉིས་མནར་མེད་པའི་སེམས་ཅན་དམྱལ་བ་ཆེན་པོའི་ནང་དུ་དོང་ངོ་། །དེ་ནས་ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་སྨྲས་པ། ཚེ་དང་ལྡན་པ་མཽད་གལ་གྱི་བུ་ཆེན་པོ་སེམས་ཅན་དམྱལ་བ་
D1.004.0291b01.01རྣམས་ལ་སོམས་ཤིག །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་ཇི་ལྟར་སེམས་མཉམ་པར་གཞག་ན་ཆར་པའི་རྒྱུན་གཏུན་ཤིང་ཙམ་འབབ་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་པ་དང་། ཆུ་དེ་མནར་མེད་པའི་ལྕེ་རྣམས་ཀྱི་བར་དུ་བསྐམས་སོ། །
D1.004.0291b02.01དེ་བཞིན་དུ་གཉའ་ཤིང་དང་། ཤིང་རྟའི་སྲོག་ཤིང་ཙམ་གྱི་ཆར་གྱི་རྒྱུན་དག་དབབ་པར་བརྩམས་པ་དང་། ཆུ་དེ་ཡང་བར་དུ་བསྐམས་སོ། །དེ་ནས་ཚེ་དང་ལྡན་པ་ཤཱ་རིའི་བུས་མོས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། དམྱལ་བ་དེ་ཐམས་ཅད་ཆུས་
D1.004.0291b03.01བཀང་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་སྨྲས་པ། ལྷ་སྦྱིན་གང་ཡིན་པ་དེ་ཚུར་ཤོག །ལྷ་སྦྱིན་བརྒྱ་སྟོང་ཕྲག་དུ་མ་འོངས་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་སྨྲས་པ། བཅོམ་ལྡན་འདས་ཀྱི་གཅུང་ལྷ་སྦྱིན་གང་ཡིན་པ་དེ་ཚུར་ཤོག་ཤིག །
D1.004.0291b04.01དེ་ནས་ལྷ་སྦྱིན་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་གང་ན་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུའི་རྐང་པ་གཉིས་ལ་གཏུགས་པ་དང་དེ་གཉིས་ཀྱིས་སྨྲས་པ། ཁྱོད་ལ་གནོད་པའི་ཁྱད་པར་ཅུང་ཟད་ཡོད་དམ་
D1.004.0291b05.01དེས་སྨྲས་པ། རེ་ཞིག་མནར་མེད་པའི་སེམས་ཅན་རྣམས་ཀྱི་སྤྱི་ཐུན་གང་ཡིན་པ་དེ་ལྟ་ཞོག་གི། །བདག་ལ་གང་ཟག་པ་ལྷག་པ་མཆིས་པ་གང་ལགས་པ་དེ་གསོན་ཅིག །ལྕགས་ཀྱི་རི་འབར། རབ་ཏུ་འབར། ཀུན་ཏུ་རབ་ཏུ་འབར་ཏེ། མེ་ལྕེ་གཅིག་
D1.004.0291b06.01ཏུ་གྱུར་པ་དག་མཆིས་ནས་བདག་ལ་ཏིལ་བཞིན་འཐག་པར་བགྱིད་དོ། །སོག་ལེ་ཕྱོགས་གཉིས་ཀ་ན་སོ་མཆིས་པས་ཡན་ལག་དང་ཉིང་ལག་རྣམས་འཐུབ་པར་བགྱིད་དོ། །ལྕགས་ཀྱི་ཐོ་བ་འབར། རབ་ཏུ་འབར། ཀུན་ཏུ་རབ་ཏུ་འབར་ཏེ། མེ་ལྕེ་
D1.004.0291b07.01