完整藏文原文 · 德格版页 当前仅加载第 38 函德格 351a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་པའི་སྤྲིན་ཐམས་ཅད་མཁྱེན་པ་ཉིད་དུ་ཡང་དག་པར་འབྱུང་བས་དགའ་བའི་ཤུགས་རྣམ་པར་འཕེལ་བར་བྱེད་པ། སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་ཆར་མངོན་པར་འཐོན་ནས་མངོན་པར་འབབ་པ་མཐོང་
D44.038.0351a01.01ངོ་། །དེས་དེའི་བ་སྤུའི་བུ་ག་ཐམས་ཅད་ལས་བ་སྤུའི་སྒོ་རེ་རེ་ནས་ཀྱང་མངོན་པར་རྫོགས་པར་འཚང་རྒྱ་བའི་སྤྲིན་སངས་རྒྱས་ཀྱི་ཞིང་ཐམས་ཅད་དུ་མངོན་པར་རྫོགས་པར་འཚང་རྒྱ་བ་སྟོན་པ། ཐམས་ཅད་མཁྱེན་པ་ཉིད་དུ་
D44.038.0351a02.01ཡང་དག་པར་འབྱུང་བའི་ཆོས་ཀྱི་སྤྲིན་ཆེན་པོ་རྣམ་པར་འཕེལ་བར་བྱེད་པ། སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་མངོན་པར་འཐོན་པ་མཐོང་ངོ་། །དེ་ནས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}བྱང་ཆུབ་སེམས་དཔའ་ཀུན་ཏུ་བཟང་
D44.038.0351a03.01པོའི་རྫུ་འཕྲུལ་གྱི་ཡུལ་དེ་ལྟ་བུ་མཐོང་ནས། དགའ་རངས་ཏེ་མགུ་ཞིང་ཉམས་བདེ་ལ་ཚིམ་ཞིང་ཡིད་བདེ་བ་སྐྱེས་ནས། དེ་བས་ཀྱང་ཤས་ཆེར་བྱང་ཆུབ་སེམས་དཔའ་ཀུན་ཏུ་བཟང་པོའི་ལུས་ལ་སེམས་སེམས་པ་དང་། བྱང་ཆུབ་སེམས་དཔའ་
D44.038.0351a04.01ཀུན་ཏུ་བཟང་པོའི་ཡན་ལག་རེ་རེ་དང་། ཡན་ལག་རྣམ་པར་ཕྱེ་བ་རེ་རེ་དང་། ལུས་ཀྱི་ཆ་རེ་རེ་དང་། ལུས་ཀྱི་ཆ་རྣམ་པར་ཕྱེ་བ་རེ་རེ་དང་། ཡན་ལག་གི་ཕྱོགས་རེ་རེ་དང་། ཡན་ལག་གི་ཕྱོགས་རྣམ་པར་ཕྱེ་བ་རེ་རེ་དང་། ལུས་རེ་རེ་དང་། ལུས་རྣམ་
D44.038.0351a05.01པར་ཕྱེ་བ་རེ་རེ་དང་། བ་སྤུའི་བུ་ག་རེ་རེ་དང་བ་སྤུའི་བུ་ག་རྣམ་པར་ཕྱེ་བ་རེ་རེ་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རླུང་གི་ཕུང་པོ་དང་བཅས། ཆུའི་ཕུང་པོ་དང་བཅས། སའི་ཕུང་པོ་དང་བཅས། {མྱེའི་,མེའི་}ཕུང་པོ་དང་བཅས། རྒྱ་མཚོ་དང་བཅས།
D44.038.0351a06.01གླིང་དང་བཅས། ཆུ་ཀླུང་དང་བཅས། རིན་པོ་ཆེའི་རི་དང་བཅས། རི་རབ་དང་བཅས། ཁོར་ཡུག་དང་བཅས། གྲོང་དང་གྲོང་ཁྱེར་དང་། ལྗོངས་དང་ཡུལ་དང་ཁམས་དང་རྒྱལ་པོའི་གནས་དང་བཅས། ནགས་ཚལ་དང་བཅས། ཁང་ཁྱིམ་དང་བཅས།
D44.038.0351a07.01