完整藏文原文 · 德格版页 当前仅加载第 38 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེ་བའི་འདུ་ཤེས་ཐོབ་པར་གྱུར་ཏོ། །དེ་བཞིན་གཤེགས་པ་དེ་ཞག་བདུན་ན་སྐྱེ་བར་འགྱུར་རོ་ཞེས་བྱ་བའི་ཚེ། བྱང་ཆུབ་ཀྱི་ཤིང་ཆེན་པོ་དེ་ཉིད་ལས་འོད་ཟེར་སེམས་ཅན་ཐམས་ཅད་རབ་ཏུ་དགའ་བ་དང་། སྤྲོ་བ་དང་མོས་པ་ཡོངས་སུ་འབྱུང་བའི་
D44.038.0122a01.01དབྱངས་ཤེས་བྱ་བ་བྱུང་སྟེ། དེས་སེམས་ཅན་དེ་དག་ལ་ཕོག་ནས་སངས་རྒྱས་མཐོང་བར་འགྱུར་བའི་དགའ་བའི་ཤུགས་ཆེན་པོ་སྐྱེས་པར་གྱུར་ཏོ། །རིགས་ཀྱི་བུ་དེ་ལྟར་འོད་ཟེར་གྱིས་ཡོངས་སུ་སྨིན་པར་བྱ་བའི་ཚུལ་ཚད་མེད་པ་རྣམ་པ་དེ་ལྟ་བུས་ལོ་སྟོང་དུ་སེམས་ཅན་རྣམས་
D44.038.0122a02.01ཡོངས་སུ་སྨྱིན་པར་མཛད་ནས་ཞག་བདུན་པ་ལ་ཐུག་པ་དང་། འཇིག་རྟེན་གྱི་ཁམས་དེ་ཐམས་ཅད་ཡོངས་སུ་བསྐྱོད་པའི་ཚུལ་ཚད་མེད་པས་ཡོངས་སུ་བསྐྱོད་ནས་ཤིན་ཏུ་དག་པར་བྱིན་གྱིས་བརླབས་སོ། །ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་སངས་རྒྱས་ཀྱི་ཞིང་
D44.038.0122a03.01ཡོངས་སུ་དགེ་པ་ཇི་སྙེད་པ་རྒྱན་བསམ་གྱིས་མི་ཁྱབ་པ་རྣམ་པ་སྣ་ཚོགས་དང་ལྡན་པ་དེ་དག་ཐམས་ཅད་ཀྱང་སངས་རྒྱས་ཀྱི་ཞིང་དེར་སེམས་ཀྱི་སྐད་ཅིག་རེ་རེ་ལ་ཡོངས་སུ་བསྟན་པར་གྱུར་ཏོ། །དེ་ནས་ཞག་བདུན་པ་ཐ་མ་ལ་བབ་པ་དང་། འཇིག་རྟེན་གྱི་ཁམས་དེ་ན་སེམས་ཅན་སངས་
D44.038.0122a04.01རྒྱས་མཐོང་བར་འགྱུར་བ་ཡོངས་སུ་སྨིན་པ་དེ་དག་ཐམས་ཅད་སྙིང་པོ་བྱང་ཆུབ་ཏུ་མངོན་པར་གཞོལ་བར་གྱུར་ཏོ། །དེ་ནས་འཇིག་རྟེན་གྱི་ཁམས་དེའི་ཁོར་ཡུག་ཐམས་ཅད་དང་། རི་རབ་ཐམས་ཅད་དང་། རི་ཐམས་ཅད་དང་། ཆུ་ཀླུང་ཐམས་ཅད་དང་། རྒྱ་མཚོ་ཐམས་ཅད་དང་ཤིང་
D44.038.0122a05.01ཐམས་ཅད་དང་། སའི་གཞི་ཐམས་ཅད་དང་། གྲོང་ཁྱེར་ཐམས་ཅད་དང་། ར་བ་ཐམས་ཅད་དང་། གནས་ཐམས་ཅད་དང་། གཞལ་མེད་ཁང་ཐམས་ཅད་དང་། གོས་དང་རྒྱན་དང་ལོངས་སྤྱོད་ཐམས་ཅད་དང་། རོལ་མོའི་ཤིང་ཐམས་ཅད་དང་། རོལ་མོ་བརྡུང་བའི་དབྱངས་
D44.038.0122a06.01ཐམས་ཅད་དང་། སྤྲུལ་པའི་རྒྱན་ཐམས་ཅད་ཀྱི་དམིགས་པ་རེ་རེ་ལས་ཀྱང་དེ་བཞིན་གཤེགས་པ་ཐམས་ཅད་ཀྱི་ཡུལ་དང་། མཐུའི་སྒྲ་རབ་ཏུ་སྒྲོག་པའི་སྤོས་དང་། བདུག་སྤོས་ཐམས་ཅད་ཀྱི་སྤྲིན་མངོན་པར་འཐོན་ཏེ། རིན་པོ་ཆེའི་འོད་འཕྲོ་བའི་སྤྲིན་དང་། སྤོས་དང་བདུག་སྤོས་
D44.038.0122a07.01