完整藏文原文 · 德格版页 当前仅加载第 38 函德格 229b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་ཤིང་ཁོང་དུ་ཆུད་དོ། །སྦྱིན་པའི་ཕ་རོལ་ཏུ་ཕྱིན་པའི་ཚུལ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །བྱང་ཆུབ་སེམས་དཔའི་ཚུལ་ཁྲིམས་དང་བརྟུལ་ཞུགས་ཀྱི་དཀྱིལ་འཁོར་ཡོངས་སུ་དག་པ་མངོན་པར་བསྒྲུབ་པ་མཛད་པའི་ཚུལ་དག་ཀྱང་ཤེས་ཤིང་ཁོང་
D44.038.0229b01.01དུ་ཆུད་དོ། །བྱང་ཆུབ་སེམས་དཔའི་བཟོད་པ་བརྙེས་པའི་ཚུལ་དག་ཀྱང་ཤེས་ཤིང་ཁོང་དུ་ཆུད་དོ། །བྱང་ཆུབ་སེམས་དཔའི་བརྩོན་འགྲུས་ཀྱི་ཤུགས་དྲག་པོ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །བསམ་གཏན་གྱི་ཡན་ལག་ཐམས་ཅད་ཡོངས་
D44.038.0229b02.01སུ་རྫོགས་པར་མཛད་པའི་ཚུལ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །ཤེས་རབ་ཀྱི་དཀྱིལ་འཁོར་ཡོངས་སུ་དག་པར་མཛད་པའི་ཚུལ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །འཇིག་རྟེན་གྱི་ཁམས་ཀྱི་སྐྱེ་གནས་ཐམས་ཅད་དུ་སྐུའི་
D44.038.0229b03.01གཟུགས་བརྙན་ཡོངས་སུ་བསྟན་པ་མཛད་པའི་ཐབས་ཀྱི་ཚུལ་དག་ཀྱང་ཤེས་ཤིང་ཁོང་དུ་ཆུད་དོ། །ཀུན་ཏུ་བཟང་པོའི་སྤྱོད་པ་དང་སྨོན་ལམ་གྱི་དཀྱིལ་འཁོར་ཡོངས་ས་དག་པར་མཛད་པའི་ཚུལ་དག་ཀྱང་ཤེས་ཤིང་ཁོང་དུ་ཆུད་དོ། །ཞིང་རྒྱ་མཚོ་
D44.038.0229b04.01ཐམས་ཅད་ཡོངས་སུ་རྒྱས་པར་མཛད་པ་དག་ཀྱང་ཤེས་ཤིང་ཁོང་དུ་ཆུད་དོ། །སངས་རྒྱས་ཀྱི་ཞིང་ཐམས་ཅད་ཡོངས་སུ་དག་པར་མཛད་པའི་ཚུལ་རྒྱ་མཚོ་དག་ཀྱང་། ཤེས་ཤིང་ཁོང་དུ་ཆུད་དོ། །དེ་བཞིན་གཤེགས་པ་
D44.038.0229b05.01ཐམས་ཅད་ལས་ཡེ་ཤེས་སྣང་བར་གྱུར་པ། རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །སངས་རྒྱས་ཐམས་ཅད་ཀྱི་བྱང་ཆུབ་ཡོངས་སུ་གནས་པ་མཛད་པའི་རྣམ་པར་འཕྲུལ་པ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །དེ་བཞིན་
D44.038.0229b06.01གཤེགས་པའི་ཡེ་ཤེས་སྣང་བ་རབ་ཏུ་བརྙེས་པའི་ཚུལ་དག་ཀྱང་ཤེས་ཤིང་ཁོང་དུ་ཆུད་དོ། །ཐམས་ཅད་མཁྱེན་པ་ཉིད་དུ་ཞུགས་ཏེ་ཐུགས་སུ་ཆུད་པའི་ཚུལ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །མངོན་པར་རྫོགས་པར་འཚང་རྒྱ་བའི་རྣམ་པར་འཕྲུལ་
D44.038.0229b07.01