完整藏文原文 · 德格版页 当前仅加载第 38 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཁྱབ་པར་ཡང་དག་པར་སྐྱེད་པའོ། །བྱང་ཆུབ་སེམས་དཔའི་དབང་པོ་བརྟན་པའི་{མྱི་,མི་}གུ་སྐྱེད་པར་བྱེད་པའོ། །དགེ་བའི་བཤེས་གཉེན་རྣམས་ནི་བདག་ངན་སོང་གི་གཡང་ས་ཐམས་ཅད་ནས་སྐྱོབ་པའོ། དགེ་བའི་བཤེས་གཉེན་རྣམས་ནི་བདག་ཆོས་མཉམ་པ་ཉིད་ཀྱི་
D44.038.0036b01.01ཚུལ་ཁོང་དུ་ཆུད་པར་བྱ་བ་ལ་གཞོག་པའོ། །དགེ་བའི་བཤེས་གཉེན་རྣམས་ནི་བདག་ལ་ལམ་བདེ་བ་དང་། མི་བདེ་བ་སྟོན་པའོ། དགེ་བའི་བཤེས་གཉེན་རྣམས་ནི་བདག་ལ་ཐེག་པ་ཆེན་པོ་ཡོངས་སུ་སྟོན་པའོ། །དགེ་བའི་བཤེས་གཉེན་རྣམས་ནི་བདག་ལ་བྱང་ཆུབ་སེམས་
D44.038.0036b02.01དཔའ་ཀུན་ཏུ་བཟང་པོའི་སྤྱོད་པའི་གདམས་ངག་གིས་འདེམས་པའོ། །དགེ་བའི་བཤེས་གཉེན་རྣམས་ནི་བདག་ལ་ཐམས་ཅད་མཁྱེན་པ་ཉིད་ཀྱི་གྲོང་ཁྱེར་གྱི་ལམ་སྟོན་པའོ། །དགེ་བའི་བཤེས་གཉེན་རྣམས་ནི་བདག་ཐམས་ཅད་མཁྱེན་པའི་གནས་སུ་ཕྱིན་པར་སྐྱེལ་བའོ། །
D44.038.0036b03.01དགེ་བའི་བཤེས་གཉེན་རྣམས་ནི་བདག་ཆོས་ཀྱི་དབྱིངས་ཀྱི་ཚུལ་རྒྱ་མཚོ་ལ་འཇུག་པར་བྱེད་པའོ། དགེ་བའི་བཤེས་གཉེན་རྣམས་ནི་བདག་ལ་དུས་གསུམ་གྱི་ཤེས་བྱ་རྒྱ་མཚོའི་ཚུལ་རབ་ཏུ་སྟོན་པའོ། །དགེ་བའི་བཤེས་གཉེན་རྣམས་ནི་བདག་ལ་འཕགས་པའི་ཚོགས་
D44.038.0036b04.01ཀྱི་དཀྱིལ་འཁོར་ཐམས་ཅད་རབ་ཏུ་སྟོན་པའོ། །དགེ་བའི་བཤེས་གཉེན་རྣམས་ནི་བདག་གི་དཀར་པོའི་ཆོས་ཐམས་ཅད་རྣམ་པར་འཕེལ་བར་བྱེད་པའོ་ཞེས་དེ་དེ་ལྟར་དུ་ཞིང་སྨྲེ་སྔགས་འདོན་པའི་ཚེ། ནམ་མཁའི་དབྱིངས་ལ་འཁོད་པའི་ལྷའི་ཚོགས་དང་། རྟག་ཏུ་ཕྱི་བཞིན་
D44.038.0036b05.01འབྲང་ཞིང་ཡང་དག་པར་བསྐུལ་བ་དང་། སངས་རྒྱས་ཀྱི་ཕོ་ཉ་ལྟར་གྱུར་པའི་བྱང་ཆུབ་སེམས་དཔའ་རྣམས་འདི་སྐད་འཛེར་ཏོ། །རིགས་ཀྱི་བུ་དགེ་བའི་བཤེས་གཉེན་གྱི་གདམས་ངག་ལ་ཞུགས་པའི་བྱང་ཆུབ་སེམས་དཔའ་ནི་སངས་རྒྱས་བཅོམ་ལྡན་འདས་རྣམས་
D44.038.0036b06.01ཀྱང་ཐུགས་ཤིན་ཏུ་དགྱེས་པར་འགྱུར་བ་ཡིན། དགེ་བའི་བཤེས་གཉེན་གྱི་ཚིག་དང་། མི་འགལ་བར་གནས་པའི་བྱང་ཆུབ་སེམས་དཔས་ནི་ཐམས་ཅད་མཁྱེན་པ་ཉིད་དུའང་ཤིན་ཏུ་བསྙེན་པ་ཡིན། དགེ་བའི་བཤེས་གཉེན་གྱི་ཚིག་ལ་ཐེ་ཙོམ་མི་ཟ་བའི་བྱང་ཆུབ་
D44.038.0036b07.01