完整藏文原文 · 德格版页 当前仅加载第 38 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
གྲོར་མཛད་པའི་སྦྱོར་བ་རྒྱ་མཚོ་ཡང་རབ་ཏུ་ཤེས་སོ། །སྔོན་བྱང་ཆུབ་སེམས་དཔའི་སྤྱོད་པ་ཡོངས་སུ་རྫོགས་པར་མཛད་པ་རྒྱ་མཚོ་ཡང་རབ་ཏུ་ཤེས་སོ། །འབྱུང་བའི་རྒྱན་རྒྱ་མཚོ་ཡང་རབ་ཏུ་ཤེས་སོ། །སངས་རྒྱས་བཅོམ་ལྡན་འདས་དེ་དག་གིས་
D44.038.0226b01.01སེམས་ཅན་ཡོངས་སུ་སྨྱིན་པར་མཛད་པ་དང་། བཏུལ་བ་རྒྱ་མཚོ་ཡང་རབ་ཏུ་ཤེས་སོ། །མངོན་པར་འཚང་རྒྱ་བར་མཛད་པ་རྒྱ་མཚོ་ཡང་རབ་ཏུ་ཤེས་སོ། །ཆོས་ཀྱི་འཁོར་ལོ་བསྐོར་བའི་ཁྱུ་མཆོག་གི་མཐུ་དང་རྣམ་པར་འཕྲུལ་པ་ཡང་རབ་ཏུ་ཤེས་སོ། །
D44.038.0226b02.01སངས་རྒྱས་ཀྱི་རྣམ་པར་འཕྲུལ་པ་རྒྱ་མཚོ་ཐམས་ཅད་ཀྱང་རབ་ཏུ་ཤེས་སོ། །སངས་རྒྱས་བཅོམ་ལྡན་འདས་དེ་དག་གི་འཁོར་གྱི་དཀྱིལ་འཁོར་རྣམ་པར་ཕྱེ་བ་དག་ཀྱང་རབ་ཏུ་ཤེས་སོ། །འཁོར་གྱི་དཀྱིལ་འཁོར་དེ་དག་ན་ཉན་ཐོས་ཇི་སྙེད་ཅིག་འཁོད་པ་
D44.038.0226b03.01དེ་དག་གི་འབྱུང་བའི་ཚུལ་ཡང་རབ་ཏུ་ཤེས་སོ། །སྔོན་གྱི་དགེ་བའི་རྩ་བ་ཡང་རབ་ཏུ་ཤེས་སོ། །ལམ་བསྒོམས་པ་སྣ་ཚོགས་ཀྱང་རབ་ཏུ་ཤེས་སོ། །ཡེ་ཤེས་ཐོབ་པར་བྱ་བ་ཕུན་སུམ་ཚོགས་ཤིང་རྣམ་པར་དག་པའི་བྱེ་བྲག་ཀྱང་རབ་ཏུ་ཤེས་སོ། །དེ་བཞིན་
D44.038.0226b04.01གཤེགས་པ་དེ་དག་གིས་སེམས་ཅན་ཇི་སྙེད་ཅིག་རང་སངས་རྒྱས་ཀྱི་བྱང་ཆུབ་ལ་བཀོད་པ་དེ་དག་ཀྱང་རབ་ཏུ་ཤེས་སོ། །རང་སངས་རྒྱས་དེ་དག་གི་སྔོན་གྱི་དགེ་བའི་རྩ་བ་ཇི་སྙེད་ཅིག་ཡོད་པ་དེ་དག་ཀྱང་རབ་ཏུ་ཤེས་སོ། །རང་སངས་རྒྱས་དེ་དག་གིས་རང་སངས་རྒྱས་ཀྱི་བྱང་ཆུབ་
D44.038.0226b05.01ཁོང་དུ་ཆུད་པ་ཇི་སྙེད་ཅིག་ཡོད་པ་དེ་དག་ཀྱང་རབ་ཏུ་ཤེས་སོ། །རང་སངས་རྒྱས་དེ་དག་གི་ཞི་བའི་རྣམ་པར་སྤྱོད་པ་ལ་རྣམ་པར་རྩེ་བའི་རྣམ་པར་ཐར་པའི་སྒོ་ཇི་སྙེད་ཅིག་ཡོད་པ་དེ་དག་ཀྱང་རབ་ཏུ་ཤེས་སོ། །རང་སངས་རྒྱས་དེ་དག་གི་རྫུ་འཕྲུལ་གྱི་རྣམ་
D44.038.0226b06.01པར་འཕྲུལ་པ་ཇི་སྙེད་ཅིག་ཡོད་པ་དེ་དག་ཀྱང་རབ་ཏུ་ཤེས་སོ། །རང་སངས་རྒྱས་དེ་དག་གིས་སེམས་ཅན་ཇི་སྙེད་ཅིག་ཡོངས་སུ་སྨྱིན་པར་བྱས་པ་དེ་དག་ཀྱང་རབ་ཏུ་ཤེས་སོ། །རང་སངས་རྒྱས་དེ་དག་གི་ཆོས་བསྟན་པ་ཇི་སྙེད་ཅིག་བརྗོད་པ་དེ་དག་ཀྱང་
D44.038.0226b07.01