完整藏文原文 · 德格版页 当前仅加载第 38 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ཚད་མེད་པ་ནི་བྱང་ཆུབ་སེམས་དཔའི་ས་དང་པོ་ལ་རབ་ཏུ་བཀོད་དོ། །སེམས་ཅན་ཚད་མེད་པ་ནི་བྱང་ཆུབ་སེམས་དཔའི་ས་གཉིས་པ་དང་། གསུམ་པ་དང་བཞི་པ་དང་ལྔ་པ་དང་། དྲུག་པ་དང་བདུན་པ་དང་། བརྒྱད་པ་དང་དགུ་པ་ལ་རབ་ཏུ་བཀོད་དོ། །སེམས་ཅན་ཚད་མེད་པ་
D44.038.0123b01.01ནི་བྱང་ཆུབ་སེམས་དཔའི་ས་བཅུ་པ་ལ་རབ་ཏུ་བཀོད་དོ། །སེམས་ཅན་ཚད་མེད་པ་ནི་བྱང་ཆུབ་སེམས་དཔའི་སྤྱོད་པ་སྨོན་ལམ་གྱི་ཁྱད་པར་ཅན་ལ་བཙུད་དོ། །སེམས་ཅན་ཚད་མེད་པ་ནི་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་དང་། སྨོན་ལམ་རྣམ་པར་དག་པ་ལ་རབ་
D44.038.0123b02.01ཏུ་བཀོད་དོ། །དེ་ལྟར་དེ་བཞིན་གཤེགས་པ་དེས་སངས་རྒྱས་ཀྱི་ཁྱུ་མཆོག་གི་མཐུ་ཕྱུང་བ་དང་། རྣམ་པར་འཕྲུལ་པ་བསམ་གྱིས་མི་ཁྱབ་པས་ཆོས་ཀྱི་འཁོར་ལོ་བསྐོར་བས་སེམས་ཀྱི་སྐད་ཅིག་རེ་རེ་ལ་སེམས་ཅན་གྱི་ཁམས་མཐའ་དང་དབུས་མེད་པ་རྣམ་པར་དུལ་བར་གྱུར་ཏོ། །
D44.038.0123b03.01འཇིག་རྟེན་གྱི་ཁམས་དེའི་སེམས་ཅན་ཐམས་ཅད་ཀྱིས་ཀྱང་དེ་བཞིན་གཤེགས་པ་དེའི་སྐུ་སྣ་ཚོགས་དང་། ཐབས་མཁས་པ་སྣ་ཚོགས་ཀྱིས་བསྒྲུབས་པའི་ཆོས་བསྟན་པ་ཡོངས་སུ་ཤེས་པར་གྱུར་ཏེ། རྒྱལ་པོའི་ཕོ་བྲང་རིན་པོ་ཆེའི་མེ་ཏོག་སྒྲོན་མའི་སེམས་ཅན་
D44.038.0123b04.01གཟུགས་དང་། ཁ་དོག་དང་ཡུལ་དང་ལོངས་སྤྱོད་ཀྱིས་རྒྱགས་ཤིང་དྲེགས་ཏེ་གཅིག་ལ་གཅིག་ཁྱད་དུ་གསོད་པ་དེ་རྣམས་གདུལ་བའི་དོན་དུ་བྱང་ཆུབ་སེམས་དཔའ་ཀུན་དུ་བཟང་པོས་ཁ་དོག་དང་གཟུགས་མཆོག་ཏུ་ཕྱིན་པར་མངོན་པར་སྤྲུལ་ཏེ། རྒྱལ་པོའི་ཕོ་བྲང་
D44.038.0123b05.01དེར་ཕྱིན་ཏོ། །དེའི་འོད་ཤིན་ཏུ་ཡངས་པས་རྒྱལ་པོའི་གནས་དེ་དག་ཐམས་ཅད་དུ་ཡོངས་སུ་སྣང་བར་གྱུར་ཏེ། རྒྱལ་པོའི་གནས་དེའི་འོད་དང་། འཁོར་ལོས་སྒྱུར་བའི་རྒྱལ་པོ་རྣམ་པར་སྣང་བ་རིན་ཆེན་པདྨོའི་དཔལ་གྱི་གཙུག་ཕུད་སྙིང་པོའི་ལུས་ལས་བྱུང་བའི་འོད་དང་།
D44.038.0123b06.01བུད་མེད་རིན་པོ་ཆེའི་འོད་དང་། རིན་པོ་ཆེའི་ཤིང་གི་འོད་དང་། ནོར་བུ་རིན་པོ་ཆེ་ཆེན་པོའི་འོད་དང་། གཉི་ཟླ་དང་གཟའ་སྐར་དང་རྒྱུ་སྐར་གྱི་འོད་དང་། འཛམ་བུའི་གླིང་ན་འོད་ཇི་སྙེད་ཅིག་ཡོད་པ་དེ་དག་ཐམས་ཅད་ཀྱང་མི་སྣང་བར་གྱུར་ཏེ། དཔེར་ན་ཉི་མ་ཤར་ཏེ་མུན་
D44.038.0123b07.01