完整藏文原文 · 德格版页 当前仅加载第 38 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་བརྗོད་པའི་ཚིག་དང་། ངག་གིས་འོ་དོད་བོས་སོ། །རྒྱལ་པོའི་གནས་དེའི་སྐྱེས་པ་དང་བུད་མེད་དང་ཁྱེའུ་དང་། བུ་མོ་བཀྲེས་པ་དང་སྐོམ་པས་མནར་བ་ལུས་ལ་རྒྱན་མེད་པ་སྒྲེན་མོ་གོས་མེད་པ། ཁ་དོག་དང་མདོག་མི་སྡུག་པ་ལུས་གས་ཤིང་རྩུབ་པ། སྡུག་བསྔལ་
D44.038.0167b01.01ཞིང་ཡིད་མི་བདེ་ལ། མི་དགའ་བ་དེ་དག་ཐམས་ཅད་ཀྱང་བདེ་བ་ནི་མངོན་པར་འདོད། སྡུག་བསྔལ་གྱི་འཇིགས་པས་ནི་བརླ་ཁྱེར་ནས་རྒྱལ་པོ་ཤེས་པའི་སྐྱེས་བུ་ཆེན་པོ་ཆོས་ཐམས་ཅད་ཀྱི་ང་རོའི་གདུགས་ཀྱི་དཀྱིལ་འཁོར་རབ་ཏུ་སྒྲོག་པ། དེ་ལ་བདེ་བ་ཐམས་ཅད་ཐོབ་
D44.038.0167b02.01པར་བྱ་བའི་འདུ་ཤེས་དང་། སྡུག་བསྔལ་ཐམས་ཅད་དང་མི་འགྲོགས་པར་བྱ་བའི་འདུ་ཤེས་དང་། འཚོ་བའི་བསམ་པ་དང་ལྡན་ཞིང་གཏེར་ཐོབ་པར་བྱ་བའི་འདུ་ཤེས་དང་། མུ་སྟེགས་མཐོང་བར་བྱ་བའི་འདུ་ཤེས་དང་། ལམ་ཆེན་པོ་ལ་ནན་ཏན་དུ་བྱ་བའི་འདུ་ཤེས་
D44.038.0167b03.01དང་། གྲུ་ཆེན་པོའི་འདུ་ཤེས་དང་། ཡེ་ཤེས་ཀྱི་གླིང་ཆེན་པོའི་འདུ་ཤེས་དང་། དོན་ཆེན་པོ་རབ་ཏུ་ཐོབ་པར་བྱ་བའི་འདུ་ཤེས་དང་། མཐོ་རིས་ཀྱི་དགའ་བ་དང་བདེ་བ་ཐམས་ཅད་རབ་ཏུ་ཐོབ་པར་བྱ་བའི་འདུ་ཤེས་ཀྱིས་མགོན་དང་སྐྱབས་ཚོལ་བར་གྱུར་ཏོ། །རྒྱལ་པོ་
D44.038.0167b04.01ཆོས་ཐམས་ཅད་ཀྱི་ང་རོའི་གདུགས་ཀྱི་དཀྱིལ་འཁོར་རབ་ཏུ་སྒྲོག་པས་འཁོར་ཀུན་ནས་སློང་བ་མང་པོ་སྙིང་རྗེ་རྗེ་སྐད་དུ་འབོད་པའི་འོ་དོད་ཆེན་པོ་དེ་ཐོས་ནས། དེ་སྙིང་རྗེ་ཆེན་པོའི་སྒོ་བརྒྱ་སྟོང་གྲངས་མེད་པ་ཕྲག་བཅུ་ལ་ཞུགས་པར་གྱུར་ཏོ། །དེ་སྙིང་རྗེ་ཆེན་པོའི་
D44.038.0167b05.01ཚུལ་ཡིད་ལ་བབ་པའི་སེམས་སུ་གྱུར་ནས། ཡུད་ཙམ་ཞིག་རྩེ་གཅིག་ཏུ་བསམས་ཏེ་སྙིང་རྗེ་ཆེན་པོ་དང་ལྡན་པའི་ཚིག་བཅུ་བརྗོད་དོ། །བཅུ་གང་ཞེ་ན། ཀྱེ་ཧུད་ཀྱེ་སེམས་ཅན་འདི་དག་ནི་འཁོར་བའི་གཡང་ས་ཆེན་པོར་ལྷུང་ཡང་སྐྱབས་མེད་པ་ལྟ་ན། བདག་
D44.038.0167b06.01ནམ་ཞིག་འཁོར་བའི་གཡང་ས་ཆེན་པོར་ལྷུང་བའི་སེམས་ཅན་རྣམས་དེ་བཞིན་གཤེགས་པའི་ས་ལ་དགོད་པས་གནས་སུ་འགྱུར། ཀྱི་ཧུད་ཀྱེ་སེམས་ཅན་འདི་དག་ཉོན་མོངས་པའི་གནོད་པས་གཙེས་ཤིང་སྐྱབས་མེད་པ་ལྟ་ན། ནམ་ཞིག་བདག་སེམས་ཅན་ཉོན་མོངས་
D44.038.0167b07.01