完整藏文原文 · 德格版页 当前仅加载第 38 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟར་བཅོམ་ལྡན་འདས་རྣམ་པར་སྣང་མཛད་ཀྱི་སངས་རྒྱས་དང་། བྱང་ཆུབ་སེམས་དཔའི་སྤྱོད་པ་རྒྱ་མཚོ་ཆོས་ཀྱི་དབྱིངས་ཐམས་ཅད་དུ་བྱུང་བ་ཤེས་ཤིང་ཁོང་དུ་ཆུད་དེ། མངོན་པར་བསྒྲུབས་པ་དེ་བཞིན་དུ། དེ་བཞིན་གཤེགས་པ་ཐམས་
D44.038.0230b01.01ཅད་ཀྱི་སངས་རྒྱས་དང་། བྱང་ཆུབ་སེམས་དཔའི་སྤྱོད་པ་རྒྱ་མཚོ་དང་། ཡེ་ཤེས་ཀྱི་སྒྱུ་མའི་དྲ་བ་མཐའ་ཡས་པ་ལ་འཇུག་པ། ཆོས་ཀྱི་དབྱིངས་མཐའ་ཡས་པ་རྒྱས་པར་འགེངས་པ། སྒོ་མཐའ་ཡས་པ་ནས་ཤིན་ཏུ་བསྟན་པར་བྱ་བ། ཕྱི་
D44.038.0230b02.01མའི་མཐའི་བསྐལ་པར་གནས་པ་ལ་འཇིག་པས་བསྟན་པར་བྱ་བ། ཕྱོགས་བཅུའི་འཇིག་རྟེན་གྱི་ཁམས་རྒྱ་མཚོ་ཆོས་ཀྱི་དབྱིངས་ཀྱི་ཀླས་པ། ནམ་མཁའི་མཐས་གཏུགས་པར་བྱུང་བ་ཐམས་ཅད་ཀྱང་མ་འདྲེས་པར་ཤེས་ཤིང་།
D44.038.0230b03.01ཁོང་དུ་ཆུད་དེ་མངོན་པར་སྒྲུབ་བོ། །དེ་ཅིའི་ཕྱིར་ཞེ་ན། རིགས་ཀྱི་བུ་བྱང་ཆུབ་སེམས་དཔའི་རྣམ་པར་ཐར་པ། བྱང་ཆུབ་སེམས་དཔའི་ཏིང་ངེ་འཛིན་གྱི་ཚུལ་རྒྱ་མཚོ་ཐམས་ཅད་ལ་རྣམ་པར་བལྟ་བའི་ཡུལ་གྱི་ཡུལ་ནི་དེ་ལྟ་བུ་སྟེ།
D44.038.0230b04.01དེའི་ཕྱིར་དེ་ལ་སྙོམས་པར་ཞུགས་ན་སེམས་ཅན་ཐམས་ཅད་ཀྱི་སེམས་དང་། སྤྱོད་པའི་ཚུལ་རབ་ཏུ་ཤེས་སོ། །སེམས་ཅན་ཐམས་ཅད་ཀྱི་དགེ་བའི་ཚོགས་ཀྱང་རབ་ཏུ་ཤེས་སོ། །སེམས་ཅན་ཐམས་ཅད་ཀྱི་ཀུན་ནས་ཉོན་མོངས་པ་
D44.038.0230b05.01དང་། རྣམ་པར་བྱང་བའི་ཡེ་ཤེས་ཀྱི་ཚུལ་རྣམས་ཀྱང་རབ་ཏུ་ཤེས་སོ། །སེམས་ཅན་ཐམས་ཅད་ཀྱི་ལས་སྣ་ཚོགས་ཀྱང་རབ་ཏུ་ཤེས་སོ། །ཉན་ཐོས་ཐམས་ཅད་ཀྱི་ཏིང་ངེ་འཛིན་གྱི་སྒོ་རྣམས་ཀྱང་རབ་ཏུ་ཤེས་སོ། །ཉན་ཐོས་ཐམས་ཅད་
D44.038.0230b06.01ཀྱི་ཏིང་ངེ་འཛིན་གྱི་ས་ཡང་རབ་ཏུ་ཤེས་སོ། །རང་སངས་རྒྱས་ཐམས་ཅད་ཀྱི་རྣམ་པར་ཐར་པ་ཞི་བས་རྣམ་པར་འཕྲུལ་པ་ཡང་ཤེས་ཤིང་ཁོང་དུ་ཆུད་དོ། །བྱང་ཆུབ་སེམས་དཔའ་ཐམས་ཅད་ཀྱི་ཏིང་ངེ་འཛིན་རྒྱ་མཚོའི་ཚུལ་དག་ཀྱང་རབ་
D44.038.0230b07.01