完整藏文原文 · 德格版页 当前仅加载第 38 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་ཏེ། དེའི་ཚེ་སེམས་འདི་སྙམ་དུ་བསྐྱེད་དོ། །བདག་གིས་དགེ་བའི་རྩ་བ་གང་ཅི་བསྩགས་པ་དེས་བདག་ཀྱང་ལུས་འདི་འདྲ་བར་ཐོབ་པར་ཤོག་ཤིག །རྒྱན་འདི་འདྲ་བ་དང་། མཚན་འདི་འདྲ་བ་དང་། སྤྱོད་ལམ་འདི་འདྲ་བ་དང་། རྫུ་འཕྲུལ་འདི་འདྲ་བར་ཤོག་ཤིག །ཇི་ལྟར་
D44.038.0124b01.01འདིས་མཚན་མོ་མུན་ནག་གི་ནང་ན་སེམས་ཅན་རྣམས་ལ་སྣང་བ་ཆེན་པོ་བསྐྱེད་དེ། སངས་རྒྱས་སྐྱེ་བ་ཡོངས་སུ་བརྗོད་པ་དེ་བཞིན་དུ། བདག་གིས་ཀྱང་སེམས་ཅན་རྣམས་ཀྱི་མི་ཤེས་པའི་མུན་པ་བསྩལ་ཏེ་ཡེ་ཤེས་ཆེན་པོ་འདི་སྣང་བསྐྱེད་པར་བྱའོ། །གང་དང་གང་དུ་སྐྱེས་པ་ཐམས་
D44.038.0124b02.01ཅད་དུའང་དགེ་བའི་བཤེས་གཉེན་འདི་དང་མི་འབྲལ་བར་ཤོག་ཤིག །དེ་ནས་རིགས་ཀྱི་བུ་འཁོར་ལོས་སྒྱུར་བའི་རྒྱལ་པོ་རྣམ་པར་སྣང་བ་རིན་ཆེན་པདྨོ་དཔལ་གྱི་གཙུག་ཕུད་སྙིང་པོ་ཡན་ལག་བཞིའི་དཔུང་གི་ཚོགས་དང་ལྷན་ཅིག །རིན་པོ་ཆེ་བདུན་དང་ལྷན་ཅིག །བུད་མེད་ཀྱི་ཚོགས་
D44.038.0124b03.01ཀྱི་འཁོར་དང་ལྷན་ཅིག་བུ་དང་བློན་པོ་དང་། ལྗོངས་ཀྱི་མི་དང་ལྷན་ཅིག་ཏུ་རྒྱལ་པོའི་རྫུ་འཕྲུལ་ཆེན་པོ་དང་། རྒྱལ་པོའི་མཐུ་ཆེན་པོས་རྒྱལ་པོའི་གནས་རིན་པོ་ཆེའི་མེ་ཏོག་སྒྲོན་མ་དེ་ནས་འཕགས་ཏེ་གྱེན་ཏུ་ནམ་མཁའ་ལ་དཔག་ཚད་གཅིག་ཙམ་དུ་མངོན་པར་འཕགས་ནས།
D44.038.0124b04.01འཛམ་བུའི་གླིང་ཐམས་ཅད་དང་། གླིང་བཞི་པའི་འཇིག་རྟེན་གྱི་ཁམས་ཐམས་ཅད་སྣང་བ་ཆེན་པོས་རྒྱས་པར་བཀང་སྟེ། སེམས་ཅན་ཐམས་ཅད་སངས་རྒྱས་བལྟ་བ་ལ་ཡོངས་སུ་བསྐུལ་བའི་དོན་དུ་རིན་པོ་ཆེའི་རི་ཐམས་ཅད་ལ་གཟུགས་བརྙན་མངོན་པར་བསྟན་ཅིང་གླིང་བཞི་པའི་
D44.038.0124b05.01འཇིག་རྟེན་གྱི་ཁམས་སུ་གཏོགས་པའི་སེམས་ཅན་རྣམས་ལ་མངོན་སུམ་དུ་གནས་ཏེ་སངས་རྒྱས་ལ་བལྟ་བ་དེ་ཚིགས་སུ་བཅད་དེ་གླུའི་དབྱངས་ཀྱིས་བསྔགས་པ། །ལུས་ཅན་ཐམས་ཅད་སྐྱབས་མཛད་པའི། །སངས་རྒྱས་འཇིག་རྟེན་བྱུང་བར་གྱུར། །འཇིག་རྟེན་གཙོ་བོ་དེ་བལྟ་
D44.038.0124b06.01བར། །ཀུན་ཀྱང་ལངས་ཏེ་འདོང་བར་གྱིས། །ལུས་ཅན་ཀུན་ལ་ཕན་དོན་དུ། །ཆོས་རབ་སྟོན་པར་གང་མཛད་པའི། །དེ་བཞིན་གཤེགས་པ་འབྱུང་བ་ནི། །བསྐལ་པ་བྱེ་བའི་བརྒྱ་ལམ་ནའོ། །འཇིག་རྟེན་ཕྱིན་ཅིར་ལོག་གྱུར་ཅིང་། །མི་ཤེས་སྒྲིབ་པས་བསྒྲིབས་གྱུར་ཏེ། །འཁོར་
D44.038.0124b07.01