完整藏文原文 · 德格版页 当前仅加载第 38 函德格 305a 版页；藏文 NFD、目录标记与异常页序保留在来源切片中，重复版页行以稳定序号区分。
བྱམས་པས་ཚིགས་སུ་བཅད་པ་འདི་དག་སྨྲས། །རྒྱལ་བའི་སྲས་པོ་ནོར་{བཟངས་,བཟང་}ལེགས་སོ་ལེགས། །དེ་ལྟར་ཁྱོད་ནི་ཡོངས་སུ་མི་སྐྱོ་བས། །ང་དང་འཇམ་དཔལ་ཅི་འདྲ་ཅི་བཞིན་དུ། །ཡོན་ཏན་སྣོད་དུ་ཁྱོད་ནི་མྱུར་དེ་འགྱུར། །ཐོས་ནས་ནོར་{བཟངས་,བཟང་}
D44.038.0305a01.01དགའ་བའི་ཚིག་བརྗོད་པ། །འདི་འདྲའི་དགེ་བཤེས་བདག་དང་ཕྲད་པ་ནི། །སྲིད་པ་བརྒྱ་ཕྲག་འགྲངས་པར་ཤིན་ཏུ་དཀོན། །བདག་གིས་དེ་རིང་འདིར་ཕྱིན་ཤིན་ཏུ་ལེགས། །ཡོན་ཏན་ཀུན་གྱི་ཕ་རོལ་ཕྱིན་གྱུར་པ། །འཇམ་དཔལ་ཁྱོད་ཀྱི་བྱིན་རླབས་བཟང་པོ་ཡིས། །བདག་གིས་
D44.038.0305a02.01བཤེས་གཉེན་འདི་དག་དཀོན་པ་རྙེད། །ཁྱོད་དང་བདག་ཏུ་མྱུར་དུ་འགྲོགས་པར་རོ།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་བཅུ་དགུ་པ། དེ་ནས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}བྱང་ཆུབ་སེམས་དཔའ་སེམས་དཔའ་ཆེན་
D44.038.0305a03.01པོ་བྱམས་པའི་མདུན་དུ་འདུག་སྟེ། ཐལ་མོ་སྦྱར་ནས་འདི་སྐད་ཅེས་སྨྲས་སོ། །འཕགས་པ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་ན་ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱོད་པ་ལ་བསླབ་པར་བགྱི་བ་དང་། ཇི་ལྟར་
D44.038.0305a04.01ནན་ཏན་དུ་བགྱི་བ་མ་འཚལ་ཏེ། འཕགས་པ་བྱམས་པ་ནི་དེ་བཞིན་གཤེགས་པ་ཐམས་ཅད་ཀྱིས་སྐུ་ཚེ་གཅིག་གིས་ཐོགས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་སྟེ། གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྐུ་ཚེ་གཅིག་གིས་ཐོགས་
D44.038.0305a05.01པ་དེ་ནི་བྱང་ཆུབ་སེམས་དཔའི་རྣམ་པར་འགོད་པ་ཐམས་ཅད་ལས་ཡང་དག་པར་འདས་པ་ལགས། དེ་ནི་བྱང་ཆུབ་སེམས་དཔའི་སྐྱོན་མེད་པར་རབ་ཏུ་ཞུགས་པ་ལགས། དེ་ནི་ཕ་རོལ་ཏུ་ཕྱིན་པ་ཐམས་ཅད་ཡོངས་སུ་རྫོགས་པ་ལགས། དེ་ནི་བཟོད་པའི་སྒོ་
D44.038.0305a06.01ཐམས་ཅད་དུ་ཞུགས་པ་ལགས། དེས་ནི་བྱང་ཆུབ་སེམས་དཔའི་ས་ཐམས་ཅད་རབ་ཏུ་བརྙེས་པ་ལགས། དེ་ནི་བྱང་ཆུབ་སེམས་དཔའི་རྣམ་པར་ཐར་བའི་སྒོ་ཐམས་ཅད་ལ་རྣམ་པར་རོལ་པ་ལགས། དེས་ནི་ཏིང་ངེ་འཛིན་ཐམས་ཅད་ཡོངས་སུ་བསྒྲུབས་པ་
D44.038.0305a07.01