完整藏文原文 · 德格版页 当前仅加载第 38 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
མོ་པ་རྣམས་ལ་གཏོང་བའི་ཚེ། ཡིད་མི་དགའ་བར་ཡང་འགྱུར་རོ། །ནམ་ཞིག་ན་ངས་ཁྱོད་བོར་ཏེ་དེ་བཞིན་གཤེགས་པའི་བསྟན་པ་ལ་རབ་ཏུ་འབྱུང་བར་འགྱུར་བ་དེ་ལྟ་བུའི་དུས་ཀྱང་ཡོད་དེ། དེའི་ཚེའང་ཁྱོད་ཡིད་མི་དགའ་བར་འགྱུར་རོ། །ཞེས་
D44.038.0241a01.01ནས་རྒྱལ་བུ་གཟི་བརྗིད་ཀྱི་བདག་བོས་དེའི་ཚེ། བུ་མོ་དགའ་བའི་འོད་ཀྱི་དཔལ་ཤིན་ཏུ་སྦྱངས་པ་ལ་ཚིགས་སུ་བཅད་དེ་སྨྲས་པ། །ངས་ནི་འགྲོ་ཀུན་སྙིང་རྗེ་རབ་བསྐྱེད་དེ། །ཡུན་རིང་མཆོག་ནས་བྱང་ཆུབ་རབ་ཞུགས་པས། །ཡང་དག་བྱང་ཆུབ་ཚོགས་ཆེན་རྒྱ་
D44.038.0241a02.01མཚོ་རྣམས། །ཚད་མེད་ཐམས་ཅད་ཡོངས་སུ་རྫོགས་བྱ་དགོས། །བསྐལ་པ་རྒྱ་མཚོ་མཐའ་དང་དབུས་{མྱེད་,མེད་}པར། །མཁའ་ལྟར་ཚད་{མྱེད་,མེད་}སྨོན་ལམ་རྣམ་སྦྱངས་ཤིང་། །དེ་བཞིན་གཤེགས་པ་བཞུགས་པའི་ས་ཡི་རྣམས། །བསྐལ་པ་མཐའ་
D44.038.0241a03.01ཡས་ཡོངས་སུ་སྦྱངས་ཡང་དགོས། །རྒྱལ་བ་དུས་གསུམ་འབྱུང་བ་ཐམས་ཅད་ཀྱི། །ཕ་རོལ་ཕྱིན་པའི་ལམ་ལ་ངས་བསླབས་ཏེ། །ཡེ་ཤེས་བླ་ན་མེད་པའི་ཚུལ་ཆེན་གྱིས། །བྱང་ཆུབ་ལམ་མཆོག་རྣམ་པར་སྦྱངས་ཡང་དགོས། །ཕྱོགས་རྣམས་ཀུན་གྱི་
D44.038.0241a04.01ཞིང་རྣམས་ཐམས་ཅད་ཀྱང་། །ཀུན་ནས་ཉོན་མོངས་རྣམ་པར་སྦྱང་བར་བྱ། །འཇིག་རྟེན་ཀུན་གྱི་མི་ཁོམ་ཐམས་ཅད་དང་། །ངན་སོང་ཀུན་ཀྱང་རྣམ་པར་བཟློག་དགོས་སོ། །ཉོན་མོངས་བསྒྲིབས་ཤིང་གཏི་མུག་མུན་འཐོམས་པའི། །སེམས་ཅན་ཀུན་ཀྱང་
D44.038.0241a05.01མ་ལུས་རྣམ་སྦྱང་དགོས། །སྣ་ཚོགས་ཐབས་ཀྱིས་ཡོངས་སུ་སྦྱང་བྱས་ཏེ། །ཐམས་ཅད་མཁྱེན་ལ་ཚུལ་ལ་དགོད་ཀྱང་དགོས། །ཆགས་མེད་ས་རྣམས་ཀུན་ཀྱང་ངས་སྦྱངས་ཏེ། །བསྐལ་པ་རྒྱ་མཚོར་རྒྱལ་བ་མཆོད་པར་བྱ། །འགྲོ་བ་མ་ལུས་
D44.038.0241a06.01ཀུན་ལ་བྱམས་བསྐྱེད་དེ། །འཇིག་རྟེན་དག་ཏུ་མ་ལུས་སྦྱིན་གཏང་དགོས། །སློང་བ་ཀུན་ནས་འདུས་ཤིང་འོངས་མཐོང་ནས། །ཐམས་ཅད་གཏང་བར་རྟག་ཏུ་བརྩོན་གྱུར་ན། །དེ་ཚེ་ཁྱོད་ནི་ང་སེམས་མི་འཐུན་ཏེ། །ཞུམ་ཞིང་དམའ་ལ་འཇུངས་པར་
D44.038.0241a07.01