完整藏文原文 · 德格版页 当前仅加载第 38 函德格 331a 版页；藏文 NFD、目录标记与异常页序保留在来源切片中，重复版页行以稳定序号区分。
པར་དག་པའི་ཚུལ་བསྟན་པས་སྣ་ཚོགས་རྣམ་པ་ཐ་དད་པ་དང་། སྤྱོད་པ་དང་སྨོན་ལམ་བརྗོད་པ་སྣ་ཚོགས་རྣམ་པ་ཐ་དད་པ་དང་། ཆོས་བསྟན་ཅིང་རྣམ་པར་དགོད་པ་དང་། སེམས་ཅན་ཡོངས་སུ་སྨིན་པར་བྱ་བའི་ཐབས་སྣ་ཚོགས་རྣམ་པ་ཐ་
D44.038.0331a01.01དད་པ་དང་། རིང་བསྲེལ་བགོ་བ་དང་། བསྟན་པ་གནས་པའི་བྱིན་གྱི་རླབས་ཡོངས་སུ་བསྟན་པ་སྣ་ཚོགས་རྣམ་པ་ཐ་དད་པས་ཆོས་ཀྱི་འཁོར་ལོ་བསྐོར་ཞིང་ལྷའི་གནས་སུ་འགྲོ་བ་མཐོང་སྟེ། དེ་དག་ཐམས་ཅད་ནའང་ཚོང་དཔོན་གྱི་བུ་ནོར་{བཟངས་,བཟང་}ཉིད་རྐང་པའི་
D44.038.0331a02.01དྲུང་ན་འདུག་པར་རང་རང་གིས་ཤེས་པར་གྱུར་ཏོ། །དེའི་འཁོར་གྱི་དཀྱིལ་འཁོར་ཐམས་ཅད་དང་། བྱ་བ་ཐམས་ཅད་ཡོངས་སུ་བསྟན་པ་དང་། ཚེའི་ཚད་རྣམ་པ་ཐ་དད་པ་ཐམས་ཅད་ལ་དྲན་པ་མ་ཉམས་པའི་བྱིན་གྱི་རླབས་ཀྱིས་འདུ་ཤེས་ཀྱི་རྣམ་པ་ཐམས་
D44.038.0331a03.01ཅད་ཁོང་དུ་ཆུད་པའི་ཡེ་ཤེས་ཀྱི་ས་ལ་གནས་པས། ཁང་པ་བརྩེགས་པ་དེ་དག་གི་དྲིལ་དང་། དྲིལ་བུ་གཡེར་ཀའི་དྲ་བ་དང་། རོལ་མོ་དང་། གླུ་ལ་{སྩོགས་,སོགས་}པའི་{དམྱིགས་,དམིགས་}པ་ཅི་སྙེད་ཅིག་ཡོད་པ་དེ་དག་ཐམས་ཅད་ལས། ཆོས་ཀྱི་སྤྲིན་གྱི་འབྲུག་སྒྲ་བསམ་གྱིས་མི་ཁྱབ་པ་
D44.038.0331a04.01འབྱུང་བ་ཐོས་པར་གྱུར་ཏེ། ལ་ལ་ལས་ནི་བྱང་ཆུབ་ཀྱི་སེམས་རྣམ་པ་ཐ་དད་པ་དང་། ལ་ལ་ལས་ནི་ཕ་རོལ་ཏུ་ཕྱིན་པའི་སྤྱོད་པ་དང་། སྨོན་ལམ་རྣམ་པ་ཐ་དད་པ་དང་། ལ་ལ་ལས་ནི་ས་ཚད་མེད་པ་རྣམ་པ་ཐ་དད་པ་དང་། ལ་ལ་ལས་ནི་མངོན་པར་ཤེས་
D44.038.0331a05.01པ་བསམ་གྱིས་མི་ཁྱབ་པས་རྣམ་པར་འཕྲུལ་བ་རྣམ་པ་ཐ་དད་པ་དང་། ལ་ལ་ལས་ནི་དེ་བཞིན་གཤེགས་པའི་མཆོད་པ་སྣ་ཚོགས་རྣམ་པ་ཐ་དད་པ་དང་། ལ་ལ་ལས་ནི་སངས་རྒྱས་ཀྱི་ཞིང་གི་རྒྱན་རྣམ་པ་ཐ་དད་པ་དང་། ལ་ལ་ལས་ནི་དེ་བཞིན་གཤེགས་པའི་
D44.038.0331a06.01ཆོས་ཀྱི་སྤྲིན་ཚད་མེད་པ་རྣམ་པ་ཐ་དད་པ་དང་། དེ་བཞིན་དུ་ཆོས་ཐམས་ཅད་ཀྱི་སྒྲ་གོང་དུ་ཇི་སྐད་དུ་བརྗོད་པ་ཐམས་ཅད་ཐོས་པར་གྱུར་ཏོ། །ལ་ལ་ལས་ནི་ཐམས་ཅད་མཁྱེན་པ་ཉིད་དུ་འཇུག་པའི་སྒྲ་ཐོས་ཏེ། འཇིག་རྟེན་གྱི་ཁམས་ཆེ་གེ་མོ་ཞིག་ཅེས་བྱ་
D44.038.0331a07.01