完整藏文原文 · 德格版页 当前仅加载第 38 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་ཏུ་བཟང་པོ་རྣམས་ཀྱི་རྣམ་པར་ཐར་པའི་ཚུལ་ནི་ནམ་མཁའི་དབྱིངས་ཀྱིས་ཀླས་པར་ཚད་{མྱེད་,མེད་}དོ། །སེམས་ཅན་གྱི་མིང་དུ་བྱ་བ་ཐམས་ཅད་ཀྱི་དབྱིངས་ལྟར་ཚད་{མྱེད་,མེད་}དོ། །དུས་གསུམ་གྱི་རྒྱུད་རྒྱ་མཚོའི་དབྱིངས་ལྟར་ཚད་མེད་དོ། །ཕྱོགས་རྒྱ་
D44.038.0252a01.01མཚོའི་དབྱིངས་ལྟར་ཚད་མེད་དོ། ཆོས་ཀྱི་དབྱིངས་ཀྱི་ཚུལ་རྒྱ་མཚོའི་དབྱིངས་ལྟར་ཚད་མེད་དོ། །རིགས་ཀྱི་བུ་བྱང་ཆུབ་སེམས་དཔའ་ཀུན་ཏུ་བཟང་པོ་རྣམས་ཀྱི་རྣམ་པར་ཐར་པའི་ཚུལ་གྱི་ལུས་ནི་དེ་བཞིན་གཤེགས་པའི་ཡུལ་དང་མཉམ་པའོ། །དེ་ལྟར་རིགས་ཀྱི་བུ་ཁོ་མོས་
D44.038.0252a02.01བསྐལ་པ་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཅིག་ཏུ་བྱང་ཆུབ་སེམས་དཔའི་སྐུ་ལ་ལྟ་ལྟ་ཡང་བལྟ་བས་མ་ངོམས་ཏེ། རིགས་ཀྱི་བུ་འདི་ལྟ་སྟེ་དཔེར་ན། གཅིག་ཏུ་འདོད་ཆགས་ལ་སྤྱོད་པའི་སྐྱེས་པ་དང་བུད་མེད་ཕན་ཚུན་ནས་ཕྲད་བར་དུས་བྱས་པ་
D44.038.0252a03.01གཉིས་ལ་ནི་སེམས་ཀྱི་རྒྱུད་ཚུལ་བཞིན་མ་ཡིན་པ་ཡིད་ལ་བྱེད་པ་ལས་བྱུང་བ་གཙང་བའི་འདུ་ཤེས་དང་། རྣམ་པར་རྟོག་པས་མྱོས་པ་ལས་བྱུང་བ་ཚད་{མྱེད་,མེད་}པ་ཞིག་སྐྱེའོ། །རིགས་ཀྱི་བུ་དེ་བཞིན་དུ་ཁོ་མོ་བྱང་ཆུབ་སེམས་དཔའི་སྐུ་ལ་ལྟ་ན་བ་སྤུའི་སྒོ་རེ་རེ་ནས་ཀྱང་འཇིག་
D44.038.0252a04.01རྟེན་གྱི་ཁམས་ཀྱི་རྒྱུད་འབྱམ་ཀླས་པ་མཐའ་དང་དབུས་མེད་པ་ཚད་མེད་པར་ཤིན་ཏུ་བསྟན་པ་གཞི་སྣ་ཚོགས་དང་ལྡན་པ། མཚམས་ཀྱི་རྒྱན་སྣ་ཚོགས་དང་ལྡན་པ་དབྱིབས་སྣ་ཚོགས་དང་ལྡན་པ་རིའི་རྒྱན་སྣ་ཚོགས་ཀྱིས་བརྒྱན་པ་སའི་གཞིའི་རྒྱན་སྣ་ཚོགས་བསྟན་དུ་ཡོད་པ་སྤྲིན་སྣ་
D44.038.0252a05.01ཚོགས་དང་ལྡན་པའི་ནམ་མཁའ་ཀུན་ནས་ཁྱབ་པའི་རྒྱན་དང་ལྡན་པ། ཚུལ་དང་{མྱིང་,མིང་}དང་གྲངས་སྣ་ཚོགས་སུ་བརྗོད་པ་སངས་རྒྱས་འབྱུང་བ་དང་དེ་བཞིན་གཤེགས་པའི་རྒྱུད་སྣ་ཚོགས་འབྱུང་བ་སྙིང་པོ་བྱང་ཆུབ་ཀྱི་རྒྱན་སྣ་ཚོགས་ཀྱིས་བརྒྱན་པ། དེ་བཞིན་གཤེགས་པའི་
D44.038.0252a06.01ཆོས་ཀྱི་འཁོར་ལོ་བསྐོར་བའི་རྣམ་པར་འཕྲུལ་པ་སྣ་ཚོགས་དང་ལྡན་པ་དེ་བཞིན་གཤེགས་པའི་འཁོར་གྱི་དཀྱིལ་འཁོར་གྱི་རྒྱན་སྣ་ཚོགས་དང་ལྡན་པ། མདོ་སྡེའི་ཚུལ་སྣ་ཚོགས་ཤིན་ཏུ་བསྟན་པའི་སྒྲ་འབྱུང་བ། ཐེག་པའི་ཚུལ་སྣ་ཚོགས་མངོན་པར་བསྒྲུབ་པ་འབྱུང་བ་དང་ལྡན་
D44.038.0252a07.01