完整藏文原文 · 德格版页 当前仅加载第 38 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་དང་། སྐྱེ་བ་མེད་པ་དང་། འགག་པ་མེད་པའི་འོད་རྣམ་པར་{དམྱིགས་,དམིགས་}པ་ཡོངས་སུ་བསྟན་པའི་ཆོས་ཉིད་ཀྱིས་མངོན་པར་འབྱུང་བ་ཡོངས་སུ་བསྟན་ཏོ། །རིགས་ཀྱི་བུ་དེ་ལྟར་ཁོ་མོ་ནི་ལུམ་བུ་ནིའི་ནགས་ཚལ་འདི་ན་གནས་ཤིང་། བཅོམ་ལྡན་
D44.038.0214b01.01འདས་རྣམ་པར་སྣང་མཛད་ཀྱི་སྐུ་ཚེའི་རྣམ་པར་འཕྲུལ་པ་རྒྱ་མཚོ་ལ་ལྟ་ཞིང་ཁོང་དུ་ཆུད་པར་བྱེད་དེ། རིགས་ཀྱི་བུ་ཁོ་མོ་གླིང་བཞི་པ་སྐལ་བ་དང་ལྡན་པ་འདི་ལ་བཅོམ་ལྡན་འདས་རྣམ་པར་སྣང་མཛད་ཀྱི་སྐུ་ཚེའི་རྣམ་པར་འཕྲུལ་པ་ལ་ལྟ་ཞིང་ཁོང་དུ་
D44.038.0214b02.01ཆུད་པར་བྱ་བར་གནས་པ་དེ་བཞིན་དུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ཀྱི་གླིང་བཞི་པ་ཐམས་ཅད་ཀྱི་འཛམ་བུའི་གླིང་བྱེ་བ་ཕྲག་བརྒྱ་ཐམས་ཅད་ནའང་། བཅོམ་ལྡན་འདས་རྣམ་པར་སྣང་མཛད་སྐུ་ཚེའི་རྣམ་པར་
D44.038.0214b03.01འཕྲུལ་པ་བྱེ་བ་ཕྲག་བརྒྱ་ལ་ལྟ་ཞིང་ཁོང་དུ་ཆུད་པར་བྱེད་དོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་དུ་འདུས་པའི་རྡུལ་ཤིན་ཏུ་ཕྲ་བའི་ཁོངས་སུ་ཆུད་པའི་སངས་རྒྱས་ཀྱི་ཞིང་ཐམས་ཅད་རྡུལ་ཤིན་ཏུ་ཕྲ་བ་ལ་འཇུག་
D44.038.0214b04.01པའི་ཡེ་ཤེས་ཀྱིས་ཁོང་དུ་ཆུད་པ་དག་ཏུ་ཡང་སེམས་ཀྱི་སྐད་ཅིག་རེ་རེ་ལ་སེམས་ཀྱིས་ཁོང་དུ་ཆུད་པར་བྱ་བ་རེ་རེས་བཅོམ་ལྡན་འདས་རྣམ་པར་སྣང་མཛད་ཀྱི་སྐུ་ཚེའི་རྣམ་པར་འཕྲུལ་པ་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ལ་ལྟཞིང་ཁོང་
D44.038.0214b05.01དུ་ཆུད་པར་བྱེད་དོ། །དེའི་འོག་མའི་སེམས་ཀྱིས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་རྣམས་ཁོངས་སུ་ཆུད་པའི་སངས་རྒྱས་ཀྱི་ཞིང་དེ་དག་ལས་སངས་རྒྱས་ཀྱི་ཞིང་རེ་རེར་ཡང་དེ་དང་མཉམ་པའི་བྱང་ཆུབ་སེམས་དཔའི་སྐྱེ་བའི་རྣམ་པར་
D44.038.0214b06.01འཕྲུལ་པ་ལ་ལྟ་ཞིང་ཁོང་དུ་ཆུད་པར་བྱེད་དེ། ཚུལ་དེ་ལྟ་བུས་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཤིན་ཏུ་ཕྲ་བའི་ཁོངས་སུ་ཆུད་པའི་སངས་རྒྱས་ཀྱི་ཞིང་རེ་རེ་དག་ཏུ་ཡང་བྱང་ཆུབ་སེམས་དཔའ་སྐྱེ་བའི་རྣམ་པར་འཕྲུལ་པ་ཐམས་ཅད་ལ་ལྟ་ཞིང་།
D44.038.0214b07.01