完整藏文原文 · 德格版页 当前仅加载第 38 函德格 338a 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཀྱང་། མཐོང་བར་གྱུར་ལ། གནོད་པ་དེ་དག་ཐམས་ཅད་ཀྱིས་ཀྱང་གནོད་པར་བྱ་ཞིང་། ཚོར་བ་དེ་དག་ཀྱང་ཉམས་སུ་མྱོང་བ་ཙམ་དུ་ཤེས་པར་གྱུར་ཏེ། སེམས་ཅན་དམྱལ་བ་པ་དེ་དག་ཀྱང་།
D44.038.0338a01.01མེའི་གདུང་བས། སྡུག་བསྔལ་བ་ཞིག་ཏུ་མཐོང་ངམ། བདག་གིས་མྱོང་བར་གྱུར་ཏམ། ལས་དགེ་བའི་ཚོགས་ཀྱིས་ལྷའི་ཁང་པ་དང་། གནས་ཤིག་མཐོང་བར་གྱུར་ཏམ། ལྷའི་འཁོར་དང་། ལྷ་མོའི་ཚོགས་དང་།
D44.038.0338a02.01རྒྱན་རྣམ་པར་ཕྱེ་བ་ཐམས་ཅད་ཀྱང་མཐོང་བར་གྱུར་ཏེ། བཟའ་ཤིང་གི་ར་བ་དང་། དཀའ་ཐུབ་ཀྱི་ནགས་ཚལ་དང་། ཆུ་ཀླུང་དང་། རྫིང་དང་། རིན་པོ་ཆེའི་རི་དང་། ཡིད་བཞིན་གྱི་ཤིང་དང་། ལོངས་སྤྱོད་མང་པོ་
D44.038.0338a03.01མཐོང་ངོ་། །ཉམས་སུ་མྱོང་པར་གྱུར་ཏེ། ཚེའི་ཡུན་ཀྱང་དེ་དང་མཉམ་པར་ཤེས་པར་གྱུར་ན། དེ་ནི་འདི་ནས་ཀྱང་འཕོས་པ་མེད། དེར་ཡང་སྐྱེས་པ་མེད་དེ། མི་སྣང་བར་མ་གྱུར་བཞིན་དུ། ལས་ཀྱི་ཡུལ་བསམ་གྱིས་
D44.038.0338a04.01{མྱི་,མི་}ཁྱབ་པས་བྱ་བའི་རྣམ་པ་དེ་ལྟ་བུ་དག་ཤེས་ཤིང་མཐོང་ལ་ཉམས་སུ་མྱོང་བར་རུང་ངོ་། །དེ་བཞིན་དུ་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}བྱང་ཆུབ་སེམས་དཔའི་ལས་ཀྱི་ཡུལ་བསམ་གྱིས་མི་ཁྱབ་པའི་ཕྱིར། རྒྱན་རྣམ་པར་
D44.038.0338a05.01སྤྲུལ་པ་དེ་དག་ཐམས་ཅད་ཀྱང་མཐོང་བར་གྱུར་ཏོ། །འདི་ལྟ་སྟེ། དཔེར་ན། སྐྱེས་བུ་འབྱུང་པོའི་གདོན་གྱིས་ནོན་པས་ནི་གཟུགས་ཀྱི་རྣམ་པ་སྣ་ཚོགས་མང་པོ་མཐོང་སྟེ། ཅི་དྲིས་པ་དེ་དག་གི་ལུང་ཡང་སྟོན་ཏོ། །དེ་བཞིན་
D44.038.0338a06.01དུ་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}བྱང་ཆུབ་སེམས་དཔའི་ཡེ་ཤེས་དང་བྱིན་གྱིས་རླབས་ཀྱི་མཐུས་རྒྱན་དེ་དག་ཐམས་ཅད་མཐོང་བར་གྱུར་ཏོ། །འདི་ལྟ་སྟེ་དཔེར་ན། ཀླུའི་ཁང་པར་ཕྱིན་པའི་སྐྱེས་བུ་ནི། ཀླུའི་འདུ་ཤེས་
D44.038.0338a07.01