完整藏文原文 · 德格版页 当前仅加载第 38 函德格 214a 版页；藏文 NFD、目录标记与异常页序保留在来源切片中，重复版页行以稳定序号区分。
དྲི་ཟའི་དབང་པོ་ཐམས་ཅད་ཀྱིས་སྔོན་གྱི་སངས་རྒྱས་ལ་རིམ་གྲོར་བྱས་པའི་གླུའི་དབྱངས་སྙན་ཅིང་ཡིད་དུ་འོང་བའི་ང་རོ་དང་སྦྱར་ཏེ་བསྟོད་པའི་སྤྲིན་གྱིས་མངོན་པར་བསྟོད་པ། ལྷ་མ་ཡིན་གྱི་དབང་པོ་ཐམས་ཅད་ཀྱིས་ང་རྒྱལ་དང་རློམ་པ་དང་།
D44.038.0214a01.01དྲེགས་པ་ཐམས་ཅད་བཏང་ཞིང་ཤིན་ཏུ་བཏུད་དེ་ཕྱག་བྱ་བ། ནམ་མཁའ་ལྡིང་གི་དབང་པོ་ཐམས་ཅད་ཀྱིས་རིན་པོ་ཆེའི་སྣམ་བུ་ཀུན་ཏུ་སྤྱངས་ཏེ། ནམ་མཁའ་ཀུན་ནས་བརྒྱན་པར་བྱ་བ། མི་འམ་ཅིའི་དབང་པོ་ཐམས་ཅད་ཀྱིས་བྱང་ཆུབ་སེམས་དཔའི་ཡོན་ཏན་
D44.038.0214a02.01ཡོངས་སུ་བརྗོད་ཅིང་རོལ་མོ་དང་གླུའི་དབྱངས་ལ་བརྩོན་པ་དང་། ཉམས་རབ་ཏུ་བདེ་བས་ཀུན་ནས་བལྟ་བ། ལྟོ་འཕྱེ་ཆེན་པོའི་དབང་པོ་ཐམས་ཅད་ཀྱིས་ཤིན་ཏུ་དགའ་བ་དང་། མོས་པ་སྐྱེས་པས་ཡོངས་སུ་བལྟ་ཞིང་སྒྲ་སྙན་པ་ཕྱུང་སྟེ། རྒྱན་གྱི་སྤྲིན་
D44.038.0214a03.01ཐམས་ཅད་ཀྱི་ཆར་མངོན་པར་དབབ་པ་བྱུང་བར་གྱུར་ཏེ། རིགས་ཀྱི་བུ་འདི་ནི་བྱང་ཆུབ་སེམས་དཔའ་སྐྱེ་བའི་རྣམ་པར་འཕྲུལ་པ་ལུམ་བི་ནིའི་ནགས་ཚལ་དུ་བྱུང་བ་བཅུ་པའོ། །རིགས་ཀྱི་བུ་བྱང་ཆུབ་སེམས་དཔའ་སྐྱེ་བའི་རྣམ་པར་འཕྲུལ་པ་བཅུ་པོ་དེ་དག་
D44.038.0214a04.01ལུམ་བི་ནིའི་ནགས་ཚལ་དུ་བྱུང་བར་གྱུར་ནས། དེའི་རྗེས་ལ་བྱང་ཆུབ་སེམས་དཔའ་འོད་ཚད་མེད་བསམ་གྱིས་མི་ཁྱབ་པ་མངའ་བ། བལྟ་ན་གཏང་{མྱི་,མི་}བྲ་བ་ཞིག་ལྷ་མོ་སྒྱུ་མའི་རུམ་ནས་བལྟམ་སྟེ། ནམ་མཁའི་དབྱིངས་རུམ་ནས་ཉི་མའི་དཀྱིལ་འཁོར་
D44.038.0214a05.01ཤར་བ་ལྟ། སྤྲིན་གྱི་ཚོགས་རུམ་ནས་གློག་གི་ཕྲེང་བ་འགྱུ་བ་ལྟ། རི་ཆེན་པོའི་སྤོ་རུམ་ནས་ཉི་མ་ཤར་ཀའི་སྤྲིན་ཀོ་ལྟ། མུན་པ་སྟུག་རུམ་ནས་སྒྲོན་མ་ཆེན་པོ་བྱུང་བ་ལྟ་སྟེ། མངོན་པར་བལྟམ་པར་གྱུར་ཏོ། །དེ་ལྟར་བྱང་ཆུབ་
D44.038.0214a06.01སེམས་དཔའ་ལྷ་མོ་སྒྱུ་མའི་ལུས་ལས་གཟུགས་བརྙན་ལྟར་བསྟན་པའི་ཆོས་ཉིད་དང་། རྨི་ལམ་ལྟར་བསྟན་པའི་ཆོས་ཉིད་དང་། སྒྱུ་མའི་རྣམ་པའི་གཟུགས་རྣམ་པར་{དམྱིགས་,དམིགས་}པ་ལྟར་བསྟན་པའི་ཆོས་ཉིད་དང་། འགྲོ་བ་དང་འོང་བ་{མྱེད་,མེད་}པའི་ཆོས་
D44.038.0214a07.01