完整藏文原文 · 德格版页 当前仅加载第 38 函德格 324a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱིས་ཀྱང་ཡོངས་སུ་གཟུང་བར་མི་ནུས་སོ། །རིགས་ཀྱི་བུ་འདི་ལྟ་སྟེ་དཔེར་ན། མཚོན་ཆ་ཐམས་ཅད་ཀྱིས་མི་ཚུགས་པ་གང་དུ་ཡང་རྡོ་རྗེས་མི་ཚུགས་པ་མེད་དེ་ཁ་མི་འབབ་བོ། །དེ་བཞིན་དུ་སེམས་ཅན་ཡོངས་སུ་སྨིན་པར་བྱ་བ་དང་། གདུལ་བའམ། དུས་གསུམ་
D44.038.0324a01.01གྱི་བསྐལ་པར་སྤྱད་པའི་སྡུག་བསྔལ་དང་འགྲོགས་པར་བྱ་བ་གང་དུ་ཉན་ཐོས་དང་རང་སངས་རྒྱས་ཀྱི་སྨོན་ལམ་དང་ཡེ་ཤེས་ཀྱི་མཚོན་ཆས་རྡུགས་པ་ཐམས་ཅད་མཁྱེན་པ་ཉིད་དུ་སེམས་བསྐྱེད་པའི་རྡོ་རྗེའི་མཚོན་ཆ་ཆེན་པོ་ཐོགས་པའི་བྱང་ཆུབ་སེམས་དཔའ་
D44.038.0324a02.01ཡོངས་སུ་སྐྱོ་བའི་ཡིད་མེད་པས་ནི་མི་བཟོད་པ་མེད་དེ། ཁ་མི་འབབ་བོ། །རིགས་ཀྱི་བུ་འདི་ལྟ་སྟེ་དཔེར་ན། རྡོ་རྗེ་ནི་གཞན་དུ་ན་རྡོ་རྗེ་ཉིད་ལས་གྱུར་པའི་གཞི་མ་གཏོགས་པར་སའི་ཕྱོགས་གང་གིས་ཀྱང་གཟུང་བར་མི་ནུས་སོ། །དེ་བཞིན་དུ་བྱང་ཆུབ་སེམས་དཔའི་
D44.038.0324a03.01འབྱུང་བའི་སྨོན་ལམ་གྱི་ཚོགས་རྡོ་རྗེ་ནི་གཞན་དུ་ན་ལྷག་པའི་བསམ་པས་བྱང་ཆུབ་ཏུ་སེམས་བསྐྱེད་པ་རྡོ་རྗེ་བརྟན་པའི་ས་གཞི་མ་གཏོགས་པར། ཉན་ཐོས་དང་། རང་སངས་རྒྱས་ཐམས་ཅད་ཀྱིས་གཟུང་བར་མི་ནུས་སོ། །རིགས་ཀྱི་བུ་འདི་ལྟ་སྟེ་དཔེར་ན། རྒྱ་མཚོ་
D44.038.0324a04.01ཆེན་པོའི་སྣོད་རྡོ་རྗེའི་གཞི་སྲ་ཞིང་གསེབ་མེད་པས་ཆུ་གསང་དུ་འཛག་པར་མི་འགྱུར་རོ། །དེ་བཞིན་དུ་བྱང་ཆུབ་སེམས་དཔའི་དགེ་བའི་རྩ་བ་བྱང་ཆུབ་ཀྱི་སེམས་རྡོ་རྗེ་གསེབ་མེད་པ་ཡོངས་སུ་བསྔོས་པའི་གཞི་ཅན་ལ་གནས་པ་ཡང་སྲིད་པར་སྐྱེ་བ་ཐམས་
D44.038.0324a05.01ཅད་ཀྱིས་ཟད་པར་མི་འགྱུར་རོ། །རིགས་ཀྱི་བུ་འདི་ལྟ་སྟེ་དཔེར་ན། རྡོ་རྗེའི་གཞི་ལ་བརྟེན་པའི་ས་ཆེན་པོ་ནི་འཇིག་པར་མི་འགྱུར་རོ། །དམའ་བར་མི་འགྱུར་རོ། །དེ་བཞིན་དུ་བྱང་ཆུབ་ཏུ་སེམས་བསྐྱེད་པ་རྡོ་རྗེ་སྲ་བའི་གཞི་ལ་བརྟེན་པའི་བྱང་ཆུབ་སེམས་དཔའི་སྨོན་ལམ་
D44.038.0324a06.01རྣམས་ཀྱང་ཁམས་གསུམ་ཐམས་ཅད་དུ་འཇིག་པར་མི་འགྱུར་དམའ་བར་མི་འགྱུར་རོ། །རིགས་ཀྱི་བུ་འདི་ལྟ་སྟེ་དཔེར་ན། རྡོ་རྗེ་ནི་ཆུས་བངས་པའམ་རུལ་བར་མི་འགྱུར་རོ། །དེ་བཞིན་དུ་བྱང་ཆུབ་ཏུ་སེམས་བསྐྱེད་པ་རྡོ་རྗེ་ཡང་ལས་དང་ཉོན་མོངས་པ་ཐམས་
D44.038.0324a07.01