完整藏文原文 · 德格版页 当前仅加载第 38 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། འབྱུང་བ་དང་ཡོངས་སུ་འགྲུབ་པ་འདྲི་བ་ལེགས་སོ། །ལེགས་སོ། །རིགས་ཀྱི་བུ་ཆོས་བཅུ་དང་ལྡན་པའི་བྱང་ཆུབ་སེམས་དཔའ་རྣམས་བྱང་ཆུབ་སེམས་དཔའི་སྤྱོད་པ་ལ་ཡོངས་སུ་གྲུབ་པ་ཡིན་ཏེ། བཅུ་གང་ཞེ་
D44.038.0092a01.01ན། འདི་ལྟ་སྟེ། དེ་བཞིན་གཤེགས་པ་ཐམས་ཅད་མངོན་དུ་གྱུར་པར་མཐོང་བའི་ཏིང་ངེ་འཛིན་ཐོབ་པ་རྣམ་པར་དག་པ་དང་། སངས་རྒྱས་ཐམས་ཅད་ཀྱི་སྐུ་མཚན་སྣ་ཚོགས་དང་ལྡན་པ་རྣམ་པར་བལྟ་བའི་མིག་རྣམ་པར་དག་པ་དང་། དེ་བཞིན་གཤེགས་
D44.038.0092a02.01པའི་ཁ་དོག་རྒྱ་མཚོ་མཐའ་དང་དབུས་མེད་པ་རྣམ་པར་{དམྱིགས་,དམིགས་}པར་བྱ་བ་ལ་འཇུག་པ་དང་། སངས་རྒྱས་ཀྱི་ཆོས་སྣང་བའི་དཀྱིལ་འཁོར་རྒྱ་མཚོ་ཚད་མེད་པ་ལ་ཆོས་ཀྱི་དབྱིངས་ཐམས་ཅད་ཀྱི་ཚད་ཀྱིས་འཇུག་པ་དང་། དེ་བཞིན་གཤེགས་པ་ཐམས་ཅད་
D44.038.0092a03.01ཀྱི་བ་སྤུའི་སྒོ་ནས་འོད་ཟེར་རྒྱ་མཚོ་སེམས་ཅན་ཐམས་ཅད་དང་མཉམ་པ་དང་། སེམས་ཅན་སྣ་ཚོགས་ཀྱི་དོན་དུ་བཀྱེ་བ་ལ་འཇུག་པ་དང་། བ་སྤུའི་བུ་ག་རེ་རེ་ནས་འོད་འཕྲོ་བ་རིན་པོ་ཆེ་ཐམས་ཅད་ཀྱི་ཁ་དོག་དུ་འདུག་པ་རྒྱ་མཚོ་སྟོན་པ་དང་། སེམས་ཀྱི་སྐད་
D44.038.0092a04.01ཅིག་རེ་རེ་ལ་སངས་རྒྱས་ཀྱིས་སྤྲུལ་པ་རྒྱ་མཚོས་ཆོས་ཀྱི་དབྱིངས་ཐམས་ཅད་རྒྱས་པར་བཀང་ཞིང་སེམས་ཅན་འདུལ་བའི་བྱིན་གྱི་རླབས་ལ་འཇུག་པ་དང་། དེ་བཞིན་གཤེགས་པའི་གསུང་སེམས་ཅན་ཐམས་ཅད་ཀྱི་དབྱངས་ཀྱི་ཡན་ལག་དང་
D44.038.0092a05.01ལྡན་པས། དུས་གསུམ་དུ་བྱུང་བའི་ཆོས་ཀྱི་འཁོར་ལོའི་སྒྲ་སྒྲོག་པས། མདོ་སྡེ་ཐམས་ཅད་ཀྱི་སྤྲིན་གྱི་འབྲུག་སྒྲ་འབྱིན་པའི་དཀྱིལ་འཁོར་ལ་འཇུག་པ་དང་། སངས་རྒྱས་ཀྱི་མཚན་རྒྱ་མཚོ་མཐའ་དང་དབུས་མེད་པ་ལ་འཇུག་པ་དང་།
D44.038.0092a06.01སངས་རྒྱས་ཀྱི་རྣམ་པར་འཕྲུལ་པ་བསམ་གྱིས་མི་ཁྱབ་པ་ཡོངས་སུ་བསྟན་པས་སེམས་ཅན་འདུལ་བ་ལ་འཇུག་པ་སྟེ། རིགས་ཀྱི་བུ་ཆོས་བཅུ་པོ་འདི་དག་དང་ལྡན་པའི་བྱང་ཆུབ་སེམས་དཔའ་རྣམས་བྱང་ཆུབ་སེམས་དཔའི་སྤྱོད་པ་ལ་ཡོངས་སུ་
D44.038.0092a07.01