完整藏文原文 · 德格版页 当前仅加载第 38 函德格 76b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དཔུང་རྒྱན་གྱི་ཕུང་པོ་དང་། རྣ་ཆའི་རྒྱན་གྱི་ཕུང་པོ་དང་། གདུབ་བུའི་ཕུང་པོ་དང་། སྐ་རགས་ཀྱི་ཕུང་པོ་དང་། རྐང་གདུབ་ཀྱི་ཕུང་པོ་དང་། མུ་ཏིག་དམར་པོའི་དྲ་བའི་ཕུང་པོ་དང་། ནོར་བུ་རིན་པོ་ཆེ་སྣ་ཚོགས་ཀྱི་ཕུང་པོ་དང་། ཡན་ལག་དང་ཉིང་ལག་ཐམས་ཅད་ཀྱི་རྒྱན་གྱི་ཕུང་པོ་དང་། ནོར་བུ་རིན་པོ་ཆེ་ཡིད་
D44.038.0076b01.01བཞིན་གྱི་རྒྱལ་པོའི་ཕུང་པོ་དང་། མེ་ཏོག་ཐམས་ཅད་དང་། སྤོས་ཐམས་ཅད་དང་། བདུག་པ་ཐམས་ཅད་དང་། ཕྲེང་བ་ཐམས་ཅད་དང་། བྱུག་པ་ཐམས་ཅད་དང་། ཕྱེ་མ་ཐམས་ཅད་དང་། གོས་ཐམས་ཅད་དང་། གདུགས་ཐམས་ཅད་དང་། རྒྱལ་མཚན་ཐམས་ཅད་དང་།
D44.038.0076b02.01ལྷའི་བ་དན་ཐམས་ཅད་དང་། རོལ་མོ་བརྡུང་བ་ཐམས་ཅད་དང་། རོལ་མོ་དཀྲོལ་བ་ཐམས་ཅད་དང་། འདོད་པའི་ཡུལ་ཐམས་ཅད་དང་། བུ་མོ་བྱེ་བ་བརྒྱ་སྟོང་གྲངས་མེད་པ་དག་ཀྱང་ཉེ་བར་བསྟན་ནས། ཚོང་དཔོན་གྱི་བུ་ནོར་
D44.038.0076b03.01{བཟངས་,བཟང་}ལ་འདི་སྐད་ཅེས་སྨྲས་སོ། །རིགས་ཀྱི་བུ་འདི་དག་ལས་ཁྱེར་ལ། སྦྱིན་པ་མང་པོ་ནི་བྱིན་ཅིག །བསོད་ནམས་མང་པོ་ནི་གྱིས་ཤིག །དེ་བཞིན་གཤེགས་པ་རྣམས་ལ་མཆོད་ཅིག །སེམས་ཅན་མང་པོ་ནི་སྦྱིན་པས་བསྡུ་བའི་དངོས་པོས་ཡོངས་
D44.038.0076b04.01སུ་བསྡུས་ཏེ། གཏོང་བའི་ཕ་རོལ་ཏུ་ཕྱིན་པ་ལ་ཁོད་ཅིག །འཇིག་རྟེན་ནི་སྦྱིན་པ་ལ་སློབས་ཤིག །གཏང་བར་དགའ་བ་ཡོངས་སུ་གཏང་བ་ནི་སྟོན་ཅིག །རིགས་ཀྱི་བུ་ཁྱོད་ལ་ཁོ་བོས་ཇི་ལྟར་ཡོ་བྱད་ཀྱི་རྣམ་པས་བསྡུད་པ་འདི་བཞིན་དུ་སྦྱིན་པའི་བསམ་པ་དང་། མ་
D44.038.0076b05.01བྲལ་བའི་སེམས་ཅན་ཚད་མེད་པ་དག་གི་བསམ་པའི་རྒྱུད་ཀྱང་གཏོང་བས་ཡོངས་སུ་བསྒོ་བ་བྱེད་དོ། །སངས་རྒྱས་དང་ཆོས་དང་དགེ་འདུན་དང་། བྱང་ཆུབ་སེམས་དཔའ་དང་དགེ་བའི་བཤེས་གཉེན་རྣམས་ལའང་དགེ་བའི་རྩ་བ་བསྐྱེད་ཅིང་། བླ་ན་མེད་པ་ཡང་
D44.038.0076b06.01དག་པར་རྫོགས་པའི་བྱང་ཆུབ་ཏུ་ཡང་དག་པར་བསྐུལ་བ་བྱེད་དོ། །རིགས་ཀྱི་བུ་གཞན་ཡང་ཁོ་བོ་ནི་སེམས་ཅན་འདོད་པའི་དགའ་བས་མྱོས་པ། ཡུལ་གྱི་ལོངས་སྤྱོད་ལ་ཡོངས་སུ་ཆགས་པ་རྣམས་ལ་ཡུལ་དེ་དག་མི་སྡུག་པར་བྱིན་གྱིས་རློབ་བོ།།
D44.038.0076b07.01