完整藏文原文 · 德格版页 当前仅加载第 38 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་རབ་ཏུ་རྟོགས་ལ། ངག་གི་ལམ་དང་ངེས་པའི་ཚིག་ཐམས་ཅད་བརྗོད་པས་ཀྱང་། སེམས་ཅན་རྣམས་ལ་ཆོས་སྟོན་པ་དང་། སེམས་ཅན་ཐམས་ཅད་སེམས་ཅན་མེད་པར་ཡང་རབ་ཏུ་ཤེས་ལ།
D44.038.0224a01.01སེམས་ཅན་གྱི་ཁམས་གདུལ་བའི་ཚུལ་ལས་ཀྱང་{མྱི་,མི་}ལྡོག་པ་དང་། ཆོས་ཐམས་ཅད་མ་སྐྱེས་པ་དང་། མ་འགགས་པར་ཡང་ཁོང་དུ་ཆུད་ལ་དེ་བཞིན་གཤེགས་པ་ཐམས་ཅད་ལ་མཆོད་ཅིང་རིམ་གྲོར་བྱ་བའི་སྦྱོར་བ་ལས་ཀྱང་ཕྱིར་{མྱི་,མི་}
D44.038.0224a02.01ལྡོག་པ་དང་། ཆོས་ཐམས་ཅད་ལ་ལས་དང་རྣམ་པར་སྨྱིན་པ་མ་མཆིས་པར་ཡང་རྟོགས་ལ། དགེ་བའི་ལས་མངོན་པར་འདུ་བྱ་བའི་སྦྱོར་བ་ལས་ཀྱང་། ཕྱིར་མི་ལྡོག་པ་མ་འཚལ་ཏོ། །དེ་སྐད་ཅེས་སྨྲས་པ་དང་། ཤཱཀྱའི་བུ་མོ་གོ་པས་
D44.038.0224a03.01ཚོང་དཔོན་གྱི་བུ་ནོར་{བཟངས་,བཟང་}ལ་འདི་སྐད་ཅེས་སྨྲས་སོ། །རིགས་ཀྱི་བུ་དེ་ལྟར་ཁྱོད་བྱང་ཆུབ་སེམས་དཔའི་སྤྱོད་པའི་ཆོས་ཉིད་རྣམ་པ་དེ་ལྟ་བུས་དྲི་བར་སེམས་པ་ལེགས་སོ་ལེགས་སོ། །དྲི་བ་བརྗོད་པ་དེ་དག་ཀྱང་ཀུན་ཏུ་བཟང་པོའི་
D44.038.0224a04.01སྨོན་ལམ་དང་སྤྱོད་པ་ལ་མངོན་དུ་གྱུར་པའི་ཚིག་གོ །རིགས་ཀྱི་བུ་དེ་བས་ན་ལེགས་པར་ཉོན་ལ་ཤིན་ཏུ་ཡིད་ལ་ཟུང་ཤིག་དང་། སངས་རྒྱས་ཀྱི་བྱིན་གྱི་རླབས་ཀྱིས་བསྟན་པར་བྱའོ། རིགས་ཀྱི་བུ། ཆོས་བཅུ་དང་ལྡན་པའི་བྱང་ཆུབ་སེམས་དཔའ་
D44.038.0224a05.01རྣམས་ནི་བྱང་ཆུབ་སེམས་དཔའི་སྤྱོད་པ་རྣམ་པ་འདི་ལྟ་བུ་མིག་འཕྲུལ་གྱི་གཞིའི་དཔེ་དང་འདྲ་བ། ཡེ་ཤེས་ཀྱི་འོད་ཀུན་ཏུ་འབྱུང་བ་ཡོངས་སུ་རྫོགས་པར་བྱེད་དོ། །བཅུ་གང་ཞེ་ན་འདི་ལྟ་སྟེ། དགེ་བའི་བཤེས་གཉེན་རླབས་པོ་ཆེ་ལ་བརྟེན་པ་དང་།
D44.038.0224a06.01མོས་པ་རྒྱ་ཆེན་པོ་རབ་ཏུ་ཐོབ་པ་དང་། དགེ་བའི་བསམ་པ་རླབས་པོ་ཆེ་རྣམ་པར་དག་པ་དང་། བསོད་ནམས་དང་ཡེ་ཤེས་རྒྱ་མཚོ་ཡངས་པས་རབ་ཏུ་བརྟན་པའི་སེམས་དང་། སངས་རྒྱས་སྐྱེ་བ་འབྱུང་བའི་ཆོས་བསྟན་པ་ཆེན་པོ་ཐོས་པ་རབ་ཏུ་
D44.038.0224a07.01