完整藏文原文 · 德格版页 当前仅加载第 38 函德格 273b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བགྱི་བ་དང་། ཇི་ལྟར་ནན་ཏན་ཏུ་བགྱི་བ་འཕགས་པས་བདག་ལ་བཀའ་སྩལ་དུ་གསོལ། དེ་སྐད་ཅེས་སྨྲས་པ་དང་། བྱིས་པའི་སློབ་དཔོན་ཀུན་གྱི་བཤེས་གཉེན་གྱིས་ཚོང་དཔོན་གྱི་བུ་ནོར་{བཟངས་,བཟང་}ལ་འདི་སྐད་ཅེས་སྨྲས་སོ། །རིགས་ཀྱི་བུ་ཚོང་དཔོན་གྱི་བུ་བཟོ་
D44.038.0273b01.01མངོན་པར་ཤེས་པ་ཞེས་བྱ་བ་འདི་ནི་བྱང་ཆུབ་སེམས་དཔའ་ལས་ཡི་གེའི་ཤེས་པ་སློབ་སློབ་པ་ཡིན་གྱིས་འདིའི་གན་དུ་སོང་སྟེ་དྲིས་དང་། འདི་ནི་ཁྱོད་ལ་ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱོད་པ་ལ་བསླབ་པར་བྱ་བ་དང་། ཇི་ལྟར་ནན་ཏན་ཏུ་བྱ་
D44.038.0273b02.01བ་སྟོན་པར་འགྱུར་རོ་ཞེས་ནས། ཚོང་དཔོན་གྱི་བུ་ནོར་{བཟངས,བཟང}། ཚོང་དཔོན་གྱི་བུ་བཟོ་མངོན་པར་ཤེས་པ་གང་ན་བ་དེར་སོང་སྟེ། ཕྱིན་ནས་ཚོང་དཔོན་གྱི་བུ་བཟོ་མངོན་པར་ཤེས་པའི་རྐང་པ་གཉིས་ལ་སྤྱི་བོས་ཕྱག་འཚལ་ནས། ཚོང་དཔོན་གྱི་བུ་བཟོ་མངོན་པར་
D44.038.0273b03.01ཤེས་པའི་མདུན་དུ་འདུག་སྟེ། ཐལ་མོ་སྦྱར་ནས་འདི་སྐད་ཅེས་སྨྲས་སོ། །འཕགས་པ་བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ན། ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱོད་པ་ལ་བསླབ་པར་བགྱི་བ་
D44.038.0273b04.01དང་། ཇི་ལྟར་ནན་ཏན་ཏུ་བགྱི་བ་མ་འཚལ་ཏེ། འཕགས་པ་ནི་བྱང་ཆུབ་སེམས་དཔའ་རྣམས་ལ་གདམས་ངག་དང་རྗེས་སུ་བསྟན་པ་མཛད་དོ། །ཞེས་བདག་གིས་ཐོས་ན། ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱོད་པ་ལ་བསླབ་
D44.038.0273b05.01པར་བགྱི་བ་དང་། ཇི་ལྟར་ནན་ཏན་ཏུ་བགྱི་བ་འཕགས་པས་བདག་ལ་བཀའ་སྩལ་དུ་གསོལ། དེས་སྨྲས་པ། རིགས་ཀྱི་བུ་ཁོ་བོ་ནི་བྱང་ཆུབ་སེམས་དཔའི་རྣམ་པར་ཐར་པ་བཟོ་མངོན་པར་ཤེས་པ་དང་ལྡན་པ་ཐོབ་པ་སྟེ། རིགས་ཀྱི་བུ་དེ་ལྟར་ཁོ་བོ་ཡི་གེའི་མ་མོ་
D44.038.0273b06.01སློབ་པའི་ཚེ་ཡི་གེ་ཨ་བརྗོད་པ་དང་། བྱང་ཆུབ་སེམས་དཔའི་མཐུས་ཤེས་རབ་ཀྱི་ཕ་རོལ་ཏུ་ཕྱིན་པའི་སྒོ་ཡུལ་ཐ་མི་དད་པ་ཞེས་བྱ་བ་ཁོང་དུ་ཆུད་དོ། །ར་ཞེས་བྱ་བ་བརྗོད་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་སྒོ་གཞིའི་བྱེ་བྲག་མཐའ་ཡས་པ་ཞེས་བྱ་བ་
D44.038.0273b07.01