完整藏文原文 · 德格版页 当前仅加载第 38 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་གྱི་ཁམས་འབྱམ་ཀླས་པར་གཏོགས་པའི་སེམས་ཅན་ཐམས་ཅད་ཀྱིས་རྣམ་པར་{དམྱིགས་,དམིགས་}པར་གྱུར་པ་མཐོང་ངོ་། །འདི་ལྟ་སྟེ། བྱང་ཆུབ་སེམས་དཔའི་ཁྱུ་མཆོག་གི །མཐུ་ཕྱུང་བ་དང་། རྣམ་པར་འཕྲུལ་པ་བསམ་གྱིས་མི་ཁྱབ་པ་ཐོབ་པས།
D44.038.0097b01.01བ་སྤུའི་བུ་ག་ཐམས་ཅད་ནས། སེམས་ཅན་ཐམས་ཅད་དང་མཉམ་པའི་སྐྱེ་བ་སྣ་ཚོགས་སུ་སྤྲུལ་པའི་ལུས་ཀྱི་སྤྲིན་མངོན་པར་འཐོན་ཏེ། འཇིག་རྟེན་གྱི་ཁམས་ཐམས་ཅད་དུ། གཏོགས་པའི་སེམས་ཅན་ཐམས་ཅད་ལ་རྒྱས་པར་ཁྱབ་པར་བྱས་
D44.038.0097b02.01ནས། མངོན་སུམ་དུ་བརྟུལ་ཞུགས་ཐམས་ཅད་ཀྱི་ཡིད་དམ་ལས་མི་གཡོ་བར་ཡོངས་སུ་བསྟན་པ་དང་། སེམས་ཅན་གྱི་ཁམས་དང་མཉམ་པའི་དཀའ་ཐུབ་དང་། བརྟུལ་ཞུགས་ཀྱི་དཀྱིལ་འཁོར་སྣ་ཚོགས་རབ་ཏུ་སྟོན་པ་དང་། འཇིག་རྟེན་
D44.038.0097b03.01ཐམས་ཅད་དུ་གནས་པ་མེད་པ་དང་། ཡུལ་ཐམས་ཅད་ལ་ལྟོས་པ་མེད་པ་དང་། འཁོར་བ་ཐམས་ཅད་དུ་གནས་པ་ལས་ཕྱིར་ཕྱོགས་པ་དང་། ལྷ་དང་མིའི་ཕུན་སུམ་ཚོགས་པ་རྒུད་པའི་སྒོར་གཞོལ་བ་ཡོངས་སུ་སྟོན་པ་དང་། མི་སྡུག་པའི་དཀྱིལ་འཁོར་རབ་
D44.038.0097b04.01ཏུ་སྟོན་པ་དང་། འཇིག་རྟེན་གྱི་སྡུག་པའི་འདུ་ཤེས་ཀྱིས་ཕྱིན་ཅི་ལོག་རྣམ་པར་བཟློག་པ་དང་། མི་རྟག་པ་དང་། གཡོ་བ་དང་། འཇིག་པ་དང་། འགྱུར་བའི་ཆོས་ཉིད་ཡོངས་སུ་སྟོན་པ་དང་། འདུ་བྱེད་ཐམས་ཅད་ཀྱི་ཆོས་ཉིད་སྡུག་བསྔལ་
D44.038.0097b05.01ཞིང་བདག་མེད་པ་ཡོངས་སུ་སྟོན་པ་དང་། དེ་བཞིན་གཤེགས་པའི་ཡུལ་ལ་གནས་པ་དང་། མི་འབྲལ་བར་མོས་པར་བྱེད་པ་དང་། དེ་བཞིན་གཤེགས་པའི་ཚུལ་ཁྲིམས་ཤིན་ཏུ་དག་པར་བྱ་བའི་ཕྱིར། སེམས་ཅན་རྣམས་ལ་ཡང་
D44.038.0097b06.01དག་པར་བསྐུལ་བ་དང་། སེམས་ཅན་ཐམས་ཅད་ཀྱི་བསམ་པ་ཇི་ལྟ་བ་བཞིན་གྱི་སྒྲས་ཚུལ་ཁྲིམས་ཀྱི་སྤྱོད་པ་ཡོངས་སུ་སྟོན་པ་དང་། སེམས་ཅན་ཐམས་ཅད་ཡོངས་སུ་ཚིམ་པར་བྱེད་པའི་ཚུལ་ཁྲིམས་ཀྱི་དྲི་ཞིམ་པོ་ཡོངས་སུ་སྟོན་པ་བྱེད་ཅིང་།
D44.038.0097b07.01