完整藏文原文 · 德格版页 当前仅加载第 38 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀུན་ཡོངས་སུ་དྲི་བའི་བསམ་པ་ཅན། །བརྟུལ་ཞུགས་བཟང་པོ་ལྡན་པ་དལ་གྱིས་ལོངས། །ཆོས་ཀྱི་ནན་ཏན་ཀུན་ལ་རབ་གནས་པ། །ལམ་རྣམས་རྗེས་སུ་ཀུན་ཚོལ་རབ་གནས་པ། །སངས་རྒྱས་སྲས་ཀྱི་སྨོན་ལམ་རབ་གནས་པ། །ཡོན་ཏན་ཆོས་རྣམས་
D44.038.0304b01.01ཀུན་གྱི་སྣོད་ཁྱོད་ལོངས། །མོས་པ་ཕུན་སུམ་ཚོགས་པ་ཅི་འདྲ་བས། །ཁྱོད་ཀྱིས་ང་ལ་ཕྱག་འདི་བྱས་པ་ནི། །སངས་རྒྱས་ཐམས་ཅད་འཁོར་དུ་མངོན་སུམ་དུ། །རིང་པོར་མི་ཐོགས་ཡོངས་སུ་འབྱུང་བར་འགྱུར། །སྐྱོ་བའི་ཡིད་མེད་ནོར་{བཟངས་,བཟང་}ལེགས་པ་ཡིན། །
D44.038.0304b02.01སངས་རྒྱས་ཀུན་གྱི་སྨོན་ལམ་སེམས་ལྡན་པ། །བརྟུལ་ཞུགས་བརྟན་ཁྱོད་རིང་པོར་མི་ཐོགས་པར། །སངས་རྒྱས་ཀུན་གྱི་ཡོན་ཏན་མཐར་ཕྱིན་འགྱུར། །ཡེ་ཤེས་སྤྱོད་ཡུལ་རྣམ་པར་མཐར་ཕྱིན་པའི། །འཇམ་དཔལ་གན་དུ་ནོར་{བཟངས་,བཟང་}ཁྱོད་སོང་སྟེ། །བཟང་
D44.038.0304b03.01པོ་སྤྱོད་པ་དམ་པ་མཆོག་དྲིས་ཤིག །དེ་ཚུལ་ཁྱོད་འཇུག་དེ་ནས་བྱེད་པར་འགྱུར། །དེ་ལྟར་བྱམས་པ་ཆགས་མེད་སྤྱོད་ཡུལ་གྱིས། །ནོར་{བཟངས་,བཟང་}ཡང་དག་ལེགས་པས་འཕགས་མཐོང་ནས། །འཁོར་རྣམས་ཀུན་ལ་མངོན་པར་བསྟན་བྱས་ཏེ། །དེ་ཡི་
D44.038.0304b04.01ཡོན་ཏན་ལེགས་མཛོད་འདི་བརྗོད་དོ། །འདི་འདྲའི་རྗེས་སུ་བསྟན་པ་དམ་པ་དང་། །གདམས་ངག་དེ་འདྲ་ནོར་{བཟངས་,བཟང་}ཐོས་གྱུར་ནས། །དགའ་བའི་ཤུགས་ཀྱིས་དབང་པོ་མངོན་བརླན་པས། །མཆི་མའི་རྒྱུད་མང་རབ་ཏུ་དེས་ཀྱང་བླགས། །དགའ་བའི་
D44.038.0304b05.01ཉམས་ཆེན་ཉམས་སུ་མྱོང་བར་འགྱུར། །དབང་པོ་ཚིམ་ནས་ཤུགས་ཀྱིས་དབུགས་ཀྱང་ཕྱུང་། །ནོར་{བཟངས་,བཟང་}ལངས་ཏེ་ཐལ་མོ་རབ་སྦྱར་ནས། །བྱམས་པ་དེ་ལ་བསྐོར་བ་རབ་ཏུ་བྱས། །དེ་ཡི་ལག་ཏུ་འཇམ་དཔལ་སེམས་དབང་གིས། །མེ་ཏོག་ཕྲེང་བ་
D44.038.0304b06.01རིན་ཆེན་མཛེས་པ་དག །བྱང་ཆུབ་སེམས་དཔའི་སྨོན་པས་མངོན་འཐོན་པ། །ཡིད་དུ་འོང་བ་མང་པོ་བྱུང་བར་གྱུར། །ནོར་{བཟངས་,བཟང་}དེ་ཚེ་རབ་ཏུ་དགའ་གྱུར་ནས། །དགའ་བར་དེ་དག་བྱམས་པ་དེ་ལ་གཏོར། །དེ་ཚེ་དེ་ཡི་མགོ་ལ་ཀུན་ནས་བྱུགས། །
D44.038.0304b07.01