完整藏文原文 · 德格版页 当前仅加载第 38 函德格 345a 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་ལ་བཞག་ནས་བདག་གི་ཡུལ་ལའང་རབ་ཏུ་བཞག་སྟེ། ཚོང་དཔོན་གྱི་བུ་ནོར་{བཟངས་ཀྱི་,བཟང་གི་}དྲུང་ནས་སོང་ངོ་། ཤིན་ཏུ་རྒྱས་པ་ཆེན་པོའི་མདོ། །སངས་རྒྱས་རྨད་གཅད་ཅེས་བྱ་བ་ལས་སྡོང་པོས་བརྒྱན་པའི་ལེའུ་སྟེ།
D44.038.0345a01.01བཞི་བཅུ་རྩ་ལྔ་པའོ།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་ཉི་ཤུ་གཉིས་པ། དེ་ནས་ཚོང་དཔོན་གྱི་བུ་ནོར་{བཟངས་,བཟང་}དགེ་བའི་བཤེས་གཉེན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་
D44.038.0345a02.01རྡུལ་ཤིན་ཏུ་ཕྲ་བ་སྙེད་བསྙེན་བཀུར་བ། ཐམས་ཅད་མཁྱེན་པ་ཉིད་དུ་ཚོགས་བསགས་པའི་སེམས་དང་ལྡན་པ། དགེ་བའི་བཤེས་གཉེན་ཐམས་ཅད་ཀྱི་གདམས་ངག་དང་རྗེས་སུ་བསྟན་པ་ལ་མཐུན་པར་འཛིན་པས་ཞུགས་པ། དགེ་བའི་བཤེས་གཉེན་ཐམས་
D44.038.0345a03.01ཅད་ཀྱི་དྲུང་དུ་བསམ་པ་མཉམ་པར་འགྲོ་བ། དགེ་བའི་བཤེས་གཉེན་ཐམས་ཅད་དགའ་བར་བྱ་བས་ཡིད་མི་འབྱུང་བའི་བློ་དང་ལྡན་པ། དགེ་བའི་བཤེས་གཉེན་ཐམས་ཅད་ཀྱི་གདམས་ངག་དང་རྗེས་སུ་བསྟན་པའི་ཚུལ་རྒྱ་མཚོའི་རྗེས་སུ་སོང་བ་སྙིང་རྗེ་ཆེན་པོའི་
D44.038.0345a04.01བསམ་པ་རྒྱ་མཚོ་ལས་ཡང་དག་པར་བྱུང་བའི་སྙིང་པོ་དང་ལྡན་པ། བྱམས་པ་ཆེན་པོའི་ཚུལ་གྱི་སྤྲིན་གྱིས་འགྲོ་བ་ཐམས་ཅད་རྣམ་པར་སྣང་བར་བྱས་པ། དགའ་བ་ཆེན་པོའི་ཤུགས་རྣམ་པར་འཕེལ་བའི་ལུས་དང་ལྡན་པ། བྱང་ཆུབ་སེམས་དཔའི་རྣམ་པར་
D44.038.0345a05.01ཐར་པ་རྒྱ་ཆེན་པོ་ལ་རབ་ཏུ་ཞི་བར་རྣམ་པར་དཔྱོད་པ་སྒོ་ཐམས་ཅད་ནས་ལྷུག་པར་འཕྲོ་བའི་གཏོང་བའི་{མྱིག་,མིག་}དང་ལྡན་པ། དེ་བཞིན་གཤེགས་པ་ཐམས་ཅད་ཀྱི་ཡོན་ཏན་རྒྱ་མཚོའི་ནན་ཏན་རབ་ཏུ་རྫོགས་པ་དེ་བཞིན་གཤེགས་པ་ཐམས་ཅད་ཀྱི་མོས་པའི་ལམ་དུ་
D44.038.0345a06.01ཞུགས་པ་ཐམས་ཅད་མཁྱེན་པ་ཉིད་ཀྱི་ཚོགས་ལ་བརྩོན་འགྲུས་ཀྱི་ཤུགས་རྣམ་པར་འཕེལ་བ་བྱང་ཆུབ་སེམས་དཔའ་ཐམས་ཅད་ཀྱི་སེམས་དང་བསམ་པས་ཤིན་ཏུ་སྦྱངས་པའི་བློ་དང་ལྡན་པ། དུས་གསུམ་གྱི་དེ་བཞིན་གཤེགས་པ་ཐམས་ཅད་གཅིག་
D44.038.0345a07.01