完整藏文原文 · 德格版页 当前仅加载第 38 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས། དགེ་སློང་མ་སེང་གེ་རྣམ་པར་བསྒྱིངས་པའི་བཟའ་ཤིང་གི་ར་བ་ཕུན་སུམ་ཚོགས་པ་དང་། ནགས་ཚལ་ཕུན་སུམ་ཚོགས་པ་དང་། གཙུག་ལག་ཁང་ཕུན་སུམ་ཚོགས་པ་དང་། འཆག་ས་ཕུན་སུམ་ཚོགས་པ་དང་། ལོངས་སུ་སྤྱོད་ཕུན་སུམ་ཚོགས་པ་
D44.038.0060a01.01དང་། མལ་ཆ་ཕུན་སུམ་ཚོགས་པ་དང་། འཁོར་གྱི་དཀྱིལ་འཁོར་ཕུན་སུམ་ཚོགས་པ་དང་། དབང་ཆེན་པོ་ཕུན་སུམ་ཚོགས་པ་དང་། རྫུ་འཕྲུལ་དང་རྣམ་པར་འཕྲུལ་པ་ཕུན་སུམ་ཚོགས་པ་དང་། དབྱངས་ཀྱི་རྒྱན་ཕུན་སུམ་ཚོགས་པ་རྣམ་པ་དེ་ལྟ་བུ་མཐོང་སྟེ། ཆོས་ཀྱི་ཚུལ་
D44.038.0060a02.01བསམ་གྱིས་མི་ཁྱབ་པའང་ཐོས་ནས། ཆོས་ཀྱི་སྤྲིན་གྱི་ཆར་ཆེན་པོས་སེམས་མངོན་པར་བརླན་པ་དེའི་ཡིད་ལ་དགེ་སློང་མ་སེང་གེ་རྣམ་པར་བསྒྱིངས་པས། བསམ་པ་རྣམ་པར་དག་པ་ཕུན་སུམ་ཚོགས་པར་བྱས་ཀྱིས་ད་ནི་གཡས་ཕྱོགས་སུ་བསྐོར་བ་ལན་བརྒྱ་སྟོང་
D44.038.0060a03.01དུ་མ་ཞིག་ཏུ་བྱའོ་སྙམ་པ་དང་། དེའི་མོད་ལ་དགེ་སློང་མ་སེང་གེ་རྣམ་པར་བསྒྱིངས་པས། བཟའ་ཤིང་གི་ར་བ་དང་། འཁོར་གྱི་དཀྱིལ་འཁོར་དུ་བཅས་པ་དེ་དག་ཐམས་ཅད་ཀྱང་སྣང་བ་ཆེན་པོས་ཁྱབ་པར་བྱས་སོ། །དེ་ལྟར་གཡས་ཕྱོགས་སུ་བསྐོར་བ་བྱའོ། །སྙམ་དུ་
D44.038.0060a04.01བསམས་ནས་བསྐོར་བ་བྱེད་པའི་ཚེ། འཁོར་ཐམས་ཅད་ནའང་དགེ་སློང་མ་སེང་གེ་རྣམ་པར་བསྒྱིངས་པ་འདུག་པ་མཐོང་ནས་མདུན་དུ་འདུག་སྟེ། ཐལ་མོ་སྦྱར་ནས་འདི་སྐད་ཅེས་སྨྲས་སོ། །འཕགས་མ་བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་
D44.038.0060a05.01སེམས་བསྐྱེད་ན། ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱོད་པ་ལ་བསླབ་པར་བགྱི་བ་དང་། ཇི་ལྟར་ནན་ཏན་དུ་བགྱི་བ་མ་འཚལ་ཏེ། འཕགས་མ་ནི་བྱང་ཆུབ་སེམས་དཔའ་རྣམས་ལ་གདམས་ངག་དང་རྗེས་སུ་བསྟན་པ་མཛད་དོ། །ཞེས་བདག་
D44.038.0060a06.01གིས་ཐོས་ན། འཕགས་མ་ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱོད་པ་ལ་བསླབ་པར་བགྱི་བ་དང་། ཇི་ལྟར་ནན་ཏན་དུ་བགྱི་བ་བདག་ལ་བཤད་དུ་གསོལ། དེས་སྨྲས་པ། རིགས་ཀྱི་བུ་ཁོ་མོ་ནི་བྱང་ཆུབ་སེམས་དཔའི་རྣམ་པར་ཐར་པ་རློམ་སེམས་
D44.038.0060a07.01