完整藏文原文 · 德格版页 当前仅加载第 38 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སེམས་ཅན་རྣམས་ལ་འཕགས་པའི་དགེ་འདུན་དང་། དེ་བཞིན་གཤེགས་པ་མཐོང་བར་བྱ་བ་ལ་ཡང་དག་པར་གཞོལ་བར་བྱ་བའི་ཕྱིར་ཆོས་སྟོན་ཏོ། །ལོངས་སྤྱོད་ཀྱི་དྲེགས་པས་མྱོས་པའི་སེམས་ཅན་རྣམས་ལ་བཟོད་པའི་ཕ་རོལ་ཏུ་ཕྱིན་པ་ཡོངས་སུ་
D44.038.0135a01.01རྫོགས་པར་བྱ་བའི་ཕྱིར་ཆོས་སྟོན་ཏོ། །གླུ་དང་གར་དང་རོལ་མོ་ལ་མངོན་པར་དགའ་བའི་སེམས་ཅན་རྣམས་ལ་ཆོས་ཀྱི་དགའ་བ་ལ་མོས་པར་བྱ་བའི་ཕྱིར་ཆོས་སྟོན་ཏོ། །ཡུལ་གྱི་དགའ་བ་ལ་ཆགས་པའི་སེམས་ཅན་རྣམས་ལ་དེ་བཞིན་གཤེགས་པའི་ཡུལ་ལ་ཡང་དག་པར་
D44.038.0135a02.01གཞོལ་བར་བྱ་བའི་ཕྱིར་ཆོས་སྟོན་ཏོ། །ཁྲོ་བས་ཡོངས་སུ་ནོན་པའི་སེམས་ཅན་རྣམས་ལ་བཟོད་པའི་ཕ་རོལ་ཏུ་ཕྱིན་པ་ལ་རབ་ཏུ་དགོད་པར་བྱ་བའི་ཕྱིར་ཆོས་སྟོན་ཏོ། །སེམས་ཅན་ལེ་ལོ་ཅན་རྣམས་ལ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པར་བྱ་བའི་ཕྱིར་
D44.038.0135a03.01ཆོས་སྟོན་ཏོ། །སེམས་རྣམ་པར་མྱོས་པའི་སེམས་ཅན་རྣམས་ལ་དེ་བཞིན་གཤེགས་པའི་བསམ་གཏན་གྱི་ཕ་རོལ་ཏུ་ཕྱིན་པ་རབ་ཏུ་ཐོབ་པར་བྱ་བའི་ཕྱིར་ཆོས་སྟོན་ཏོ། །ལྟ་བུའི་རྣམ་པ་ཐིབས་པོར་སུབས་པའི་སེམས་ཅན་མ་རིག་པའི་མུན་ནག་ན་འཐོམས་པ་རྣམས་ལ་
D44.038.0135a04.01ལྟ་བའི་རྣམ་པ་ཐིབས་པོ་དང་མ་རིག་པའི་མུན་པ་རྣམ་པར་བསྩལ་བའི་ཕྱིར་ཆོས་སྟོན་ཏོ། །ཤེས་རབ་འཆལ་བ་ཅན་གྱི་སེམས་ཅན་རྣམས་ལ་ཤེས་རབ་ཀྱི་ཕ་རོལ་ཏུ་ཕྱིན་པ་རབ་ཏུ་ཐོབ་པར་བྱ་བའི་ཕྱིར་ཆོས་སྟོན་ཏོ། །ཁམས་གསུམ་པ་ལ་མངོན་པར་ཞེན་པའི་སེམས་
D44.038.0135a05.01ཅན་རྣམས་ལ་འཁོར་བ་ལས་འབྱུང་བར་བྱ་བའི་ཕྱིར་ཆོས་སྟོན་ཏོ། །དམའ་བ་ལ་མོས་པའི་སེམས་ཅན་རྣམས་ལ་དེ་བཞིན་གཤེགས་པའི་བྱང་ཆུབ་ཏུ་སྨོན་ལམ་ཡོངས་སུ་རྫོགས་པར་བྱ་བའི་ཕྱིར་ཆོས་སྟོན་ཏོ། །བདག་ལ་ཕན་པར་བརྩོན་པའི་སེམས་ཅན་རྣམས་ལ་
D44.038.0135a06.01སེམས་ཅན་ཐམས་ཅད་ལ་ཕན་པར་བྱ་བའི་སྨོན་ལམ་ཡོངས་སུ་རྫོགས་པར་འགྱུར་བར་བྱ་བའི་ཕྱིར་ཆོས་སྟོན་ཏོ། །བསམ་པ་ཉམ་ཆུང་བའི་སེམས་ཅན་རྣམས་ལ་བྱང་ཆུབ་སེམས་དཔའི་སྟོབས་ཀྱི་ཕ་རོལ་ཏུ་ཕྱིན་པ་རྣམ་པར་དག་པར་བ་བའི་ཕྱིར་ཆོས་སྟོན་ཏོ། །
D44.038.0135a07.01