完整藏文原文 · 德格版页 当前仅加载第 38 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་རྣམ་པར་སྤྱོད་པ་ཐམས་ཅད་ལ་གཞོལ་བ་དང་། ཡང་དག་པར་དམིགས་པའི་གཟུགས་བདེན་པ་མེད་པ་དང་། འཇིག་རྟེན་གྱི་རྣམ་པར་དམིགས་པའི་གཟུགས་{བརྫུན་,རྫུན་}པ་མེད་པ་དང་། འཕོ་བ་མེད་པའི་གཟུགས་ཤི་འཕོ་བ་དང་། སྐྱེ་བ་ལས་
D44.038.0262a01.01འདས་པ་དང་། མི་འཇིག་པའི་གཟུགས་ཆོས་ཀྱི་དབྱིངས་ཀྱི་རང་བཞིན་གྱིས་འཇིག་པ་མེད་པ་དང་། མཚན་ཉིད་མེད་པའི་གཟུགས་དུས་གསུམ་ཚིག་གི་ལམ་དུ་གཞོལ་བ་དང་། མཚན་ཉིད་གཅིག་པའི་གཟུགས་མཚན་ཉིད་མེད་པས་བྱུང་བ་དང་། གཟུགས་བརྙན་
D44.038.0262a02.01ལྟ་བུའི་གཟུགས་འགྲོ་བ་ཐམས་ཅད་ཀྱི་སེམས་དང་བསམ་པ་ཇི་ལྟ་བ་བཞིན་དུ་དམིགས་པ་དང་། སྒྱུ་མ་ལྟ་བུའི་གཟུགས་ཡེ་ཤེས་སྒྱུ་མས་ཡོངས་སུ་གྲུབ་པ་དང་། སྨིག་རྒྱུ་བ་ལྟ་བུའི་གཟུགས་འགྲོ་བའི་འདུ་ཤེས་བཞིན་དུ་བྱིན་གྱིས་རློབ་པ་ལ་གཞོལ་བ་དང་། གྲིབ་མ་ལྟ་
D44.038.0262a03.01བུའི་གཟུགས་སྔོན་གྱི་སྨོན་ལམ་གྱིས་འགྲོ་བ་ཐམས་ཅད་ཀྱི་རྗེས་སུ་འབྲང་བ་དང་། རྨི་ལམ་ལྟ་བུའི་གཟུགས་བསམ་པ་ཇི་ལྟ་བ་བཞིན་དུ་འགྲོ་བས་དམིགས་པ་ལ་མ་འདྲེས་པ་དང་། ཆོས་ཀྱི་དབྱིངས་ཐམས་ཅད་དུ་གཞོལ་བའི་གཟུགས་ནམ་མཁའི་དབྱིངས་ལྟར་རང་
D44.038.0262a04.01བཞིན་ཡོངས་སུ་དག་པ་དང་། སྙིང་རྗེ་ཆེན་པོས་བྱུང་བའི་གཟུགས་སེམས་ཅན་གྱི་རྒྱུད་ཐམས་ཅད་ཡོངས་སུ་བསྐྱང་བ་ལ་བརྩོན་པ་དང་། ཆགས་པ་མེད་པའི་སྒོས་བྱུང་བའི་གཟུགས་སྐད་ཅིག་རེ་རེས་ཆོས་ཀྱི་དབྱིངས་རྒྱས་པར་འགེངས་པ་དང་། མཐའ་དང་
D44.038.0262a05.01དབུས་མེད་པའི་གཟུགས་རྙོག་པ་མེད་པར་འགྲོ་བ་ཐམས་ཅད་ལ་རྟེན་པ་དང་། ཚད་མེད་པའི་གཟུགས་ཚིག་གི་ལམ་ཐམས་ཅད་ལས་ཡང་དག་པར་འདས་པ་དང་། མི་གནས་པའི་གཟུགས་འགྲོ་བ་ཐམས་ཅད་གདུལ་བའི་བྱིན་གྱི་རླབས་ཀྱིས་གྲུབ་པ་དང་།
D44.038.0262a06.01བྱིན་གྱིས་མ་བརླབས་པའི་གཟུགས་བྱིན་གྱི་རླབས་ཀྱིས་འགྲོ་བའི་དོན་ལ་བརྩོན་པ་དང་། མ་བྱུང་བའི་གཟུགས་སྨོན་ལམ་སྒྱུ་མས་ཡོངས་སུ་གྲུབ་པ་དང་། ཟིལ་གྱིས་མ་ནོན་པའི་གཟུགས་འཇིག་རྟེན་ཐམས་ཅད་ལས་མངོན་པར་འཕགས་པ་དང་། ཡང་དག་པ་མ་ཡིན་
D44.038.0262a07.01