完整藏文原文 · 德格版页 当前仅加载第 38 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
བཅུའི་ཡེ་ཤེས་ཀྱི་སའི་ལམ་ཡོངས་སུ་སྟོན་པར་གྱུར་ཅིག །དེ་བཞིན་གཤེགས་པའི་ས་དང་། དེ་བཞིན་གཤེགས་པའི་ཡུལ་དང་། ཐམས་ཅད་མཁྱེན་པའི་ཡེ་ཤེས་ཀྱི་ཚུལ་རྒྱ་མཚོ་དང་། སངས་རྒྱས་ཀྱི་ཡེ་ཤེས་ཀྱི་སྤྱོད་ཡུལ་དང་།
D44.038.0085a01.01སངས་རྒྱས་ཀྱི་ཡུལ་དང་། སྟོབས་བཅུ་ཡོངས་སུ་གྲུབ་པ་དང་། སངས་རྒྱས་ཀྱི་གཟུངས་ཀྱི་སྟོབས་དང་། སངས་རྒྱས་ཐམས་ཅད་ཀྱི་སྐུ་མཆོག་ཏུ་གྱུར་པ་ཡོངས་སུ་སྟོན་པར་ཤོག་ཤིག །ཡོངས་སུ་བསྟན་ནས་ཀྱང་། སངས་རྒྱས་ཐམས་ཅད་
D44.038.0085a02.01ཀྱི་མཉམ་པ་ཉིད་ཀྱི་གནས་ལ་རབ་ཏུ་དགོད་པར་ཤོག་ཤིག་པར་བསྐྱེད་དོ། །རིགས་ཀྱི་བུ་ཁོ་མོ་ནི་སེམས་ཅན་ཡུན་རིང་པོ་ནས་ན་ཞིང་ནད་ཀྱིས་ཡོངས་སུ་སྐྱོ་བ། ལུས་ཉམ་ཆུང་བ་དང་། རྒས་པ། རྒ་བའི་ཟིལ་གྱིས་ནོན་པ་དང་། མགོན་མེད་
D44.038.0085a03.01པ་དང་། ཕོངས་ཤིང་དབུལ་བ་དང་། ལོག་པར་ལྟུང་བ་དང་། ཡུལ་གཞན་དུ་ཕྱིན་པ་དང་། ཕྱོགས་ལོག་པར་ཞུགས་པ་དང་། བཙོན་ར་ན་འདུག་པ་དང་། ཆད་པས་བཅད་པ་དང་། ཉེས་པ་བྱུང་སྟེ། རྒྱལ་པོས་གསད་པར་བཀྲི་བ་རྣམས་ཀྱང་སྲོག་དང་
D44.038.0085a04.01བྲལ་གྱི་འཇིགས་པ་ལས་ཡོངས་སུ་བསྐྱབ་པའི་ཕྱིར་གནས་སོ། །རིགས་ཀྱི་བུ་དེ་ལྟར་ཁོ་མོ་ནི་སེམས་ཅན་ནད་པ་རྣམས་ཀྱི་ནད་ཐམས་ཅད་ནི་ཐབས་ཐམས་ཅད་ཀྱིས་གསོ་བ་ནན་ཏན་དུ་བྱེད་དོ། །རྒས་པ་དང་རྒ་བའི་ཟིལ་གྱིས་ནོན་པ་རྣམས་ལ་ནི་བསྙེན་
D44.038.0085a05.01བཀུར་བ་དང་། རིམ་གྲོ་དང་། ཡོ་བྱད་ཀྱིས་མི་ཕོངས་པར་ཡོངས་སུ་བསྡུད་པ་བྱེད་དོ། །མགོན་མེད་པའི་སེམས་ཅན་རྣམས་ལ་མགོན་བྱེད་དོ། །ཕོངས་ཤིང་དབུལ་བ་རྣམས་ལ་ནི་ནོར་དང་། གསེར་གྱི་ཕུང་པོས་ཡོངས་སུ་སྡུད་དོ། །ལོག་པར་
D44.038.0085a06.01ལྟུང་བ་རྣམས་ནི་དོན་འཐུན་པས་ཡོངས་སུ་སྡུད་དོ། །ཡུལ་གཞན་དུ་ཕྱིན་པ་རྣམས་ནི། རང་གི་ཡུལ་དུ་ཕྱིན་པར་བྱེད་དོ། །ཕྱོགས་ལོག་པར་ཞུགས་པ་རྣམས་ནི། ཕྱོགས་མ་ནོར་བར་འཛུད་དོ། །
D44.038.0085a07.01