完整藏文原文 · 德格版页 当前仅加载第 38 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་སེམས་ཅན་ཐམས་ཅད་ཀྱི་སྐྱེ་མཆེད་སྣ་ཚོགས་མཐོང་བར་གྱུར་པའི་ཚེ། ཆོས་ཀྱི་སྐུ་ཐ་དད་པ་མེད་ཅིང་བླ་ན་{མྱེད་,མེད་}པ་ཡོངས་སུ་དག་པར་བྱ་བའི་ཕྱིར་སྨོན་ལམ་མངོན་པར་སྒྲུབ་བོ། །སེམས་ཅན་རྣམས་ཀྱི་ལུས་དང་ངག་དང་སེམས་ཀུན་ནས་ཉོན་མོངས་པ་
D44.038.0221b01.01དང་ལྡན་པར་མཐོང་ན། སེམས་ཅན་ཐམས་ཅད་ཀྱི་ལུས་དང་། ངག་དང་། སེམས་ཀྱི་རྒྱན་ཡོངས་སུ་དག་པར་བྱ་བའི་ཕྱིར་སྨོན་ལམ་མངོན་པར་སྒྲུབ་བོ། །སེམས་ཅན་སྐྱེ་མཆེད་མ་ཚང་བ་དང་། སེམས་ཡོངས་སུ་མ་དག་པ་མཐོང་ན། སེམས་
D44.038.0221b02.01ཅན་ཐམས་ཅད་ཀྱི་སེམས་དང་། སྤྱོད་པ་ཡོངས་སུ་སྦྱོང་ཞིང་བྱང་ཆུབ་སེམས་དཔའི་སྤྱད་པ་ལ་སྤྱོད་པས་ཡོངས་སུ་སྐྱོ་བ་མེད་དོ། །ལྷ་མོ་དེ་ལྟར་བྱང་ཆུབ་སེམས་དཔའ་རྣམས་ནི་ཡོངས་སུ་སྐྱོ་བ་མེད་པའི་སེམས་ཀྱིས་བྱང་ཆུབ་སེམས་དཔའི་སྤྱོད་
D44.038.0221b03.01པ་མཐའ་དང་དབུས་མེད་པ་ལ་སྤྱོད་དེ། དེ་ལྟར་སྤྱོད་པ་ནི་ལྷ་དང་མིའི་ཕུན་སུམ་ཚོགས་པ་ཡོངས་སུ་བསྐྱེད་པས་ལྷ་དང་བཅས་པའི་འཇིག་རྟེན་གྱི་རྒྱན་དུ་གྱུར་པ་ཡིན། བྱང་ཆུབ་ཏུ་སེམས་བསྐྱེད་པ་ལ་རབ་ཏུ་འགོད་པའི་ཕྱིར་ཕ་དང་མར་གྱུར་པ་ཡིན།
D44.038.0221b04.01བྱང་ཆུབ་སེམས་དཔའི་ལམ་དུ་འཛུད་པས་མ་མ་ལྟ་བུར་གྱུར་པ་ཡིན། ངན་སོང་གི་གཡང་སའི་འཇིགས་པ་ལས་བསྲུང་བའི་ཕྱིར་ལྷན་ཅིག་སྐྱེས་པའི་ལྷ་རྟག་ཏུ་ཕྱི་བཞིན་འབྲང་བ་ལྟ་བུར་གྱུར་པ་ཡིན། འཁོར་བའི་རྒྱ་མཚོ་ལས་སྒྲོལ་བའི་ཕྱིར་མཉན་པ་ཆེན་པོ་
D44.038.0221b05.01ལྟ་བུར་གྱུར་པ་ཡིན། བདུད་དང་ཉོན་མོངས་པའི་འཇིགས་པ་ཐམས་ཅད་རྣམ་པར་བཟློག་པའི་ཕྱིར་སྐྱབས་སུ་གྱུར་པ་ཡིན། ཤིན་ཏུ་བསིལ་བའི་རང་བཞིན་ཉེ་བར་སྟོབས་པས་གནས་སུ་གྱུར་པ་ཡིན། སངས་རྒྱས་རྒྱ་མཚོ་ཐམས་ཅད་དུ་འཇུག་པར་བྱེད་པས་
D44.038.0221b06.01མུ་སྟེགས་སུ་གྱུར་པ་ཡིན། ཆོས་རིན་པོ་ཆེའི་གླིང་དུ་སྐྱེལ་བས་མགོན་བྱེད་པར་གྱུར་པ་ཡིན། སངས་རྒྱས་ཀྱི་ཡོན་ཏན་ཐམས་ཅད་ཀྱི་མེ་ཏོག་གིས་སེམས་ཡོངས་སུ་རྒྱས་པར་བྱེད་པས་མེ་ཏོག་ཏུ་གྱུར་པ་ཡིན། བསོད་ནམས་དང་ཡེ་ཤེས་ཀྱི་འོད་ཡངས་
D44.038.0221b07.01