完整藏文原文 · 德格版页 当前仅加载第 38 函德格 296a 版页；藏文 NFD、目录标记与异常页序保留在来源切片中，重复版页行以稳定序号区分。
བསྐལ་བར་ཡང་། །འགྲོ་དོན་བརྩོན་འགྲུས་སྐྱོ་མེད་སྤྱོད་པ་རྣམ་སྤྱོད་པ། །ཞིང་གཅིག་ཇི་བཞིན་དེ་བཞིན་ཕྱོགས་རྣམས་ཀུན་ཏུ་སྟེ། །བསམ་པ་རྡོ་རྗེ་བཞིན་བརྟན་དེ་དག་གནས་འདི་ཡིན། །གང་རྣམས་ཕྱོགས་བཅུའི་བདེ་གཤེགས་རྣམས་ཀྱི་
D44.038.0296a01.01ཆོས་སྤྲིན་ལ། །སྟན་གཅིག་གནས་བཞིན་རྨོངས་པ་མེད་པར་འཐུང་བྱེད་ཀྱང་། །ཕྱི་མཐའི་བསྐལ་པ་ཁྲག་ཁྲིག་འགྲངས་པར་མི་ངོམས་སེམས། །བློ་ཆེན་རྒྱ་མཚོ་ལྟ་བུའི་གནས་ནི་འདི་འདྲའོ། །གང་རྣམས་ཞིང་མང་རྒྱ་མཚོ་བརྗོད་དུ་མེད་འདོང་ཞིང་། །
D44.038.0296a02.01མགོན་པོའི་འཁོར་རྣམས་རྒྱ་མཚོར་ཡོངས་སུ་འཇུག་བྱེད་ལ། །རྒྱལ་བའི་མཆོད་པ་སྣ་ཚོགས་རྒྱ་མཚོ་རབ་བྱེད་པ། །ཆགས་མེད་སྤྱོད་ཡུལ་མངའ་བ་དེ་དག་གནས་འདི་ཡིན། །བརྟན་པ་གྲངས་རྣམས་སྨོན་ལམ་རྒྱ་མཚོར་འཇུག་བྱེད་ཅིང་། །སྤྱོད་པ་རྒྱ་མཚོར་
D44.038.0296a03.01མཐའ་དང་དབུས་མེད་ཞུགས་གྱུར་ཏེ། །འགྲོ་ལ་ཕན་ཕྱིར་བསྐལ་པ་རྒྱ་མཚོ་མང་སྤྱོད་པ། །ཡོན་ཏན་འབྱུང་གནས་དེ་དག་གནས་ནི་འདི་འདྲ་འོ། །གང་རྣམས་སྐྲ་རྩེ་གཅིག་ཏུ་ཞིང་རྣམས་ཐམས་ཅད་དང་། །སངས་རྒྱས་ཐམས་ཅད་བསྐལ་པ་མཐའ་དང་དབུས་
D44.038.0296a04.01མེད་པ། །འཛུད་ཅིང་དེ་ཡི་ཚུལ་ལ་འཇུག་ཀྱང་རྨོངས་{མྱེད་,མེད་}པ། །ཆགས་པ་མེད་པའི་མིག་ཅན་རྣམས་ཀྱི་གནས་འདི་ཡིན། །གང་རྣམས་སེམས་ཀྱི་སྐད་ཅིག་གཅིག་ལ་རྒྱ་མཚོ་ཡི། །བསྐལ་བ་འཛུད་བྱེད་ཞིང་དང་སངས་རྒྱས་འགྲོ་བ་རྣམས། །དེ་བཞིན་
D44.038.0296a05.01འཛུད་བྱེད་བསྒྲིབས་མེད་ཡེ་ཤེས་དྲན་གནས་པ། །ཡོན་ཏན་མཐར་ཕྱིན་དེ་དག་གནས་ནི་འདི་འདྲའོ། །གང་རྣམས་ཞིང་མང་ཐམས་ཅད་རྡུལ་དུ་བགྲང་བྱས་ཤིང་། །ཆུ་བོ་མ་ལུས་ཐམས་ཅད་ཐིགས་པས་ཚད་བཟུང་སྟེ། །དེ་སྙེད་གྲངས་སུ་སྨོན་ལམ་མངོན་
D44.038.0296a06.01པར་སྒྲུབ་བྱེད་པ། །ཆགས་མེད་བགྲང་བ་དེ་དག་གནས་ནི་འདི་འདྲའོ། །སྨོན་ལམ་གཟུངས་དང་ཏིང་འཛིན་སྒོ་ལ་འཇུག་བྱ་བ། །བསམ་གཏན་རྣམ་ཐར་སྨོན་ལམ་སྒོ་རྣམས་དེ་བཞིན་ཏེ། །བསྐལ་པ་མཐའ་ཡས་མངོན་པར་སྒྲུབ་ཅིང་རྣམ་
D44.038.0296a07.01