完整藏文原文 · 德格版页 当前仅加载第 38 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཚུལ་ཐམས་ཅད་དང་། སྐྱེས་པའི་རབས་ཀྱི་ཚུལ་ཐམས་ཅད་དང་། ལྷའི་དབང་པོའི་ཚེ་ཐམས་ཅད་དང་། འཇིག་རྟེན་གྱི་དབང་པོའི་འགྲོ་བའི་རྒྱུད་ཐམས་ཅད་དང་། དབང་ཕྱུག་གི་ས་ཐམས་ཅད་དང་། འགྲོ་བའི་རྒྱུད་དུ་སྣང་བ་ཐམས་
D44.038.0271a01.01ཅད་གང་དང་གང་སེམས་ཅན་ཡོངས་སུ་སྨིན་པར་བྱ་བའི་དོན་དུ་སྐྱེས་པར་གྱུར་པ་དེ་དག་ཐམས་ཅད་དུ་ཡང་ཁོ་མོ་ཉིད་འདིའི་ཡུམ་དུ་གྱུར་ཏེ། སྲིད་པ་ཐམས་ཅད་དུ་ཡང་ཁོ་མོ་ཉིད་དང་འབྲལ་བ་མེད་པར་ཡུམ་དུ་གྱུར་ཏོ། །བྱང་ཆུབ་སེམས་དཔའི་སྐྱེ་བའི་སྒོ་ཐམས་
D44.038.0271a02.01ཅད་དུ་སྐད་ཅིག་སྐད་ཅིག་བྱང་ཆུབ་སེམས་དཔའི་སྐྱེ་བའི་རྣམ་པར་འཕྲུལ་པ་བསྟན་པར་གྱུར་བ་དེ་དག་ཐམས་ཅད་དུའང་ཁོ་མོ་ཉིད་འདིའི་ཡུམ་དུ་གྱུར་ཏོ། །འདས་པའི་དེ་བཞིན་གཤེགས་པ་མཐའ་དང་དབུས་མེད་པ་ཚད་མེད་པ་དག་གི་ཡུམ་དུའང་ཁོ་མོ་
D44.038.0271a03.01གྱུར་ཏོ། །ཕྱོགས་བཅུའི་དེ་བཞིན་གཤེགས་པ་ད་ལྟར་བྱུང་བ་མཐའ་དང་དབུས་མེད་པ་ཚད་མེད་པ་དག་གི་ཡུམ་དུ་ཡང་ཁོ་མོ་གྱུར་ཏེ། དེ་བཞིན་གཤེགས་པ་ཇི་སྙེད་ཅིག་གི་སྲིད་པ་ཐ་མ་ལ་ཁོ་མོ་བྱང་ཆུབ་སེམས་དཔའི་ཡུམ་དུ་གྱུར་པའི་དེ་བཞིན་
D44.038.0271a04.01གཤེགས་པ་དེ་དག་ཐམས་ཅད་ཀྱི་སྐུ་ལྟེ་བའི་དཀྱིལ་འཁོར་ནས་འོད་ཟེར་མང་པོ་བྱུང་ཞིང་ཁོ་མོའི་ལུས་དང་སེམས་རབ་ཏུ་སྣང་བར་མཛད་དོ། །རིགས་ཀྱི་བུ་ཁོ་མོས་བྱང་ཆུབ་སེམས་དཔའི་རྣམ་པར་ཐར་པ་སྨོན་ལམ་ཆེན་པོའི་ཡེ་ཤེས་སྒྱུ་མའི་རྣམ་པས་
D44.038.0271a05.01རྣམ་པར་བརྒྱན་པ་འདི་ཤེས་པར་ཟད་ན། ཁོ་མོས་བྱང་ཆུབ་སེམས་དཔའི་སྙིང་རྗེ་ཆེན་པོའི་སྙིང་པོ་དང་ལྡན་པ་ཐམས་ཅད་མཁྱེན་པ་ཉིད་དུ་ཡོངས་སུ་སྨིན་པར་བྱ་བ་དང་། གདུལ་བས་མི་ངོམས་པའི་ལྟོ་ཅན་དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་པ།
D44.038.0271a06.01བ་སྤུའི་རྩེ་མོ་ལས་འབྱུང་བར་སྟོན་པ་ལ་དབང་བསྒྱུར་བ་དེ་དག་གི་སྤྱོད་པ་ཤེས་པའམ། ཡོན་ཏན་བརྗོད་པར་ནུས་རེ་སྐན། །སོང་རིགས་ཀྱི་བུ་སུམ་ཅུ་རྩ་གསུམ་གྱི་དབང་པོའི་གནས་དེ་ཉིད་ན་ལྷའི་བུ་དྲན་པ་དང་ལྡན་པའི་བུ་མོ་ལྷ་དབང་འོད་ཅེས་བྱ་བ་འདུག་
D44.038.0271a07.01