完整藏文原文 · 德格版页 当前仅加载第 38 函德格 329a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་རྫོགས་པར་བྱ་བ་དང་། ལ་ལར་ནི་བསླབ་པ་ཐམས་ཅད་ལ་མངོན་དུ་འཇུག་པར་བྱ་བ་ཀུན་ཏུ་མཐའ་ཡས་པ་དང་། ལ་ལར་ནི་ཏིང་ངེ་འཛིན་གྱི་སྒོ་ལ་འཇུག་པ་རྒྱ་ཆེན་པོ་དང་། ལ་ལར་ནི་རྣམ་པར་ཐར་པའི་ཚུལ་ཟབ་མོ་དང་།
D44.038.0329a01.01ལ་ལར་ནི་བསམ་གཏན་དང་། ཏིང་ངེ་འཛིན་དང་། སྙོམས་པར་འཇུག་པ་དང་། མངོན་པར་ཤེས་པ་ཞི་བའི་ཡུལ་གྱིས་རྒྱས་པར་དགང་བ་དང་། ལ་ལར་ནི་བྱང་ཆུབ་སེམས་དཔའི་སྤྱོད་པ་དང་། འདུལ་བ་དང་། ཐབས་ཀྱི་སྒོ་ལ་འཇུག་པ་དང་།
D44.038.0329a02.01ལ་ལར་ནི་སྨོན་ལམ་མངོན་པར་བསྒྲུབ་པ་རྒྱ་ཆེ་བ་དང་། ཁང་པ་བརྩེགས་པ་ལ་ལར་ནི། བྱང་ཆུབ་སེམས་དཔའ་བྱམས་པ་སྐལ་བ་མཐུན་པར་སྤྱོད་པའི། བྱང་ཆུབ་སེམས་དཔའ་རྣམས་དང་འགྲོགས་ཤིང་། འཇིག་རྟེན་ལ་ཕན་པར་བྱ་བའི་དོན་
D44.038.0329a03.01དུ། བཟོའི་གནས་སྣ་ཚོགས་དང་། གཙུག་ལག་གི་ཁྱད་པར་སེམས་ཅན་ཐམས་ཅད་ལ། ཕན་པ་དང་བདེ་བར་འགྱུར་བ་དང་། འབྱོར་བ་རྣམས་ཡང་དག་པར་འགྲོ་བ་མཐོང་ངོ་། །ལ་ལར་ནི་བྱང་ཆུབ་སེམས་དཔའ་ཚེ་གཅིག་གིས། ཐོགས་པ་རྣམས་
D44.038.0329a04.01དང་འགྲོགས་ཤིང་། སངས་རྒྱས་ཐམས་ཅད་ཀྱི་ཡེ་ཤེས་ལ་དབང་བསྐུར་བའི་སྒོ་ཡང་དག་པར་འགྲོ་བ་མཐོང་ངོ་། །ཁང་པ་བརྩེགས་པ་ལ་ལར་ནི། བྱང་ཆུབ་སེམས་དཔའ་བྱམས་པ་ཆགས་པ་{མྱེད་,མེད་}ཅིང་། ལོ་བརྒྱ་སྟོང་དུ་མར་མི་གཏོང་བ་ལ་
D44.038.0329a05.01བརྩོན་པ་མཐོང་ངོ་། །ལ་ལར་ནི་ལུང་དཔོག་པ་དང་། ཁ་ཏོན་བྱ་བ་ལ་བརྩོན་པར། ལ་ལར་ནི་ཆོས་ཀྱི་སྒོ་རབ་ཏུ་བརྟགས་པ་ལ་བརྩོན་པར། ལ་ལར་ནི་དམ་པའི་ཆོས་བགྲོ་བ་ལ་བརྩོན་པར། ལ་ལར་ནི་དམ་པའི་ཆོས་བྲི་བ་ལ་བརྩོན་པར།
D44.038.0329a06.01ལ་ལར་ནི་བྱམས་པ་ལ་མཉམ་པར་གཞག་པར། ལ་ལར་ནི་བསམ་གཏན་དང་། ཚད་མེད་པ་ཐམས་ཅད་ལ་མཉམ་པར་གཞག་པར། ལ་ལར་ནི་རྒྱས་པའི་སྐྱེ་མཆེད་དང་། རྣམ་པར་ཐར་པ་ཐམས་ཅད་ལ་མཉམ་པར་གཞག་པར། ཁང་
D44.038.0329a07.01