完整藏文原文 · 德格版页 当前仅加载第 38 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
པས་རྗེས་སུ་འབྲང་བར་བྱ་བ་དང་། བློ་གྲོས་ཀྱིས་རྣམ་པར་དབྱེ་བ་དང་། རིག་པས་ཁོང་དུ་ཆུད་པར་བྱ་བ་དང་། བློས་ཤིན་ཏུ་ཡངས་པར་བྱ་བ་དང་། ལུས་ཀྱིས་རེག་པར་བྱས་ཏེ། རྣམ་པར་སྤྱད་པ་དང་། རྗེས་སུ་འཇུག་པར་བྱེད་ཅིང་། མཐར་གྱིས་མཚན་
D44.038.0148a01.01མོའི་ལྷ་མོ་གྲོང་ཁྱེར་ཐམས་ཅད་བསྲུང་བ་འབྱུང་བའི་གཟི་བརྗིད་དཔལ་གང་ན་བ་དེར་ཕྱིན་པ་དང་། མཚན་མོའི་ལྷ་མོ་གྲོང་ཁྱེར་ཐམས་ཅད་བསྲུང་བ་འབྱུང་བའི་གཟི་བརྗིད་དཔལ་པདྨོའི་ཁྲི་ཆེན་པོ། ནོར་བུ་རིན་པོ་ཆེའི་རྒྱལ་པོ་གྲོང་ཁྱེར་དང་། གནས་ཐམས་ཅད་རབ་ཏུ་སྣང་བར་
D44.038.0148a02.01བྱེད་པའི་སྙིང་པོ་ཅན་ལ་ཕྱོགས་ཐམས་ཅད་དང་། འགྲོ་བ་ཐམས་ཅད་ལ་མངོན་དུ་གྱུར་པའི་ལུས་དང་། འགྲོ་བ་ཐམས་ཅད་ཀྱི་གཟུགས་དང་། མཉམ་པའི་ལུས་དང་སེམས་ཅན་ཐམས་ཅད་ལ་མངོན་དུ་གྱུར་པའི་ལུས་དང་། འགྲོ་བ་ཐམས་ཅད་ཀྱིས་མ་གོས་པའི་ལུས་
D44.038.0148a03.01དང་། འགྲོ་བ་ཐམས་ཅད་དང་རང་བཞིན་མཉམ་པའི་ལུས་དང་། འགྲོ་བ་ཐམས་ཅད་ལས་མངོན་པར་འཕགས་པའི་ལུས་དང་། འགྲོ་བ་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བ་ལ་མཐུན་པའི་ལུས་དང་། འགྲོ་བ་ཐམས་ཅད་དུ་སྒྲ་རབ་ཏུ་སྒྲོགས་པའི་ལུས་དང་།
D44.038.0148a04.01འགྲོ་བ་ཐམས་ཅད་དུ་འཕོ་བ་མེད་པའི་ལུས་དང་། སྒྲིབ་པ་ཐམས་ཅད་ཤིན་ཏུ་བཅོམ་པའི་ལུས་དང་། དེ་བཞིན་ཉིད་ཀྱི་རང་བཞིན་གྱི་ལུས་དང་། འགྲོ་བ་ཐམས་ཅད་གདུལ་བར མཐར་ཕྱིན་པར་བྱེད་པའི་ལུས་སུ་འདུག་ཅིང་། མཚན་མོའི་ལྷ་མོ་བརྗོད་དུ་མེད་པའི་འཁོར་གྱིས་
D44.038.0148a05.01བསྐོར་ཏེ། འདུག་པ་མཐོང་ནས། དགའ་རངས་ཏེ་མགུ་ཞིང་ཉམས་བདེ་ལ་ཚིམ་ཞིང་ཡིད་བདེ་བ་སྐྱེས་ནས། མཚན་མོའི་ལྷ་མོ་གྲོང་ཁྱེར་ཐམས་ཅད་བསྲུང་བ་འབྱུང་བའི་གཟི་བརྗིད་དཔལ་གྱི་རྐང་པ་གཉིས་ལ་སྤྱི་བོས་ཕྱག་འཚལ་ཏེ། མཚན་མོའི་ལྷ་མོ་གྲོང་ཁྱེར་ཐམས་ཅད་བསྲུང་
D44.038.0148a06.01བ་འབྱུང་བའི་གཟི་བརྗིད་དཔལ་ལ་ལན་བརྒྱ་སྟོང་དུ་མར་གཡས་ཕྱོགས་སུ་བསྐོར་བ་བྱས་ནས། མཚན་མོའི་ལྷ་མོ་གྲོང་ཁྱེར་ཐམས་ཅད་བསྲུང་བ་འབྱུང་བའི་གཟི་བརྗིད་དཔལ་གྱི་མདུན་དུ་འདུག་སྟེ། ཐལ་མོ་སྦྱར་ནས་འདི་སྐད་ཅེས་སྨྲས་སོ། །ལྷ་མོ་བདག་བླ་ན་མེད་པ་
D44.038.0148a07.01