完整藏文原文 · 德格版页 当前仅加载第 38 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
ཏོ། །རིགས་ཀྱི་བུ་དེ་ལྟར་བྱང་ཆུབ་སེམས་དཔའི་འོད་ཟེར་དེ་དག་ཁོ་མོའི་ལུས་སུ་དོང་མ་ཐག་ཏུ་དེའི་མོད་ལ་བྱང་ཆུབ་སེམས་དཔའི་འོད་ཟེར་གྱི་སྒོའི་དཀྱིལ་འཁོར་དེ་དག་གིས་བྱང་ཆུབ་སེམས་དཔའ་གང་དག་གི་སྐྱེ་བའི་ཚུལ་དང་། རྣམ་པར་འཕྲུལ་བ་རྣམ་པར་
D44.038.0265b01.01དམིགས་པར་བྱས་པ་དེ་དག་ཐམས་ཅད་ཀྱང་ཁོ་མོས་མཐོང་བར་གྱུར་ཏེ། དེ་དག་ཐམས་ཅད་ཀྱང་སྙིང་པོ་བྱང་ཆུབ་ཏུ་གཤེགས་ནས། སེང་གེའི་གདན་ལ་བཞུགས་ཤིང་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་གྱིས་བསྐོར་ཏེ། འཇིག་རྟེན་གྱི་དབང་པོ་
D44.038.0265b02.01རྣམས་ཀྱིས་བསྐོར་ཅིང་། ཆོས་ཀྱི་འཁོར་ལོ་བསྐོར་བ་མང་པོ་མཐོང་ངོ་། །དེ་བཞིན་གཤེགས་པ་དེ་དག་གིས་སྔོན་བྱང་ཆུབ་སེམས་དཔའི་སྤྱོད་པ་མཛད་པའི་ཚེ། དེ་བཞིན་གཤེགས་པ་ཇི་སྙེད་ཅིག་བསྙེན་བཀུར་བ་དེ་དག་ཐམས་ཅད་ཀྱང་ཁོ་མོས་དང་པོ་
D44.038.0265b03.01ཐུགས་བསྐྱེད་པ་དང་། སྐྱེ་བའི་རྣམ་པར་འཕྲུལ་པ་དང་བཅས་མངོན་པར་རྫོགས་པར་བྱང་ཆུབ་པ་དང་། ཆོས་ཀྱི་འཁོར་ལོ་བསྐོར་བ་དང་། མྱ་ངན་ལས་འདའ་བའི་རྣམ་པར་འཕྲུལ་བ་དང་བཅས། སངས་རྒྱས་ཀྱི་ཞིང་ཡོངས་སུ་དག་པའི་རྒྱན་དང་
D44.038.0265b04.01བཅས་པར་མཐོང་ངོ་། །དེ་བཞིན་གཤེགས་པ་དེ་དག་གི་སྤྲུལ་པའི་དཀྱིལ་འཁོར་སེམས་ཀྱི་སྐད་ཅིག་རེ་རེ་ལ་ཆོས་ཀྱི་དབྱིངས་ཐམས་ཅད་རྒྱས་པར་འགེངས་པ་དེ་དག་ཐམས་ཅད་ཀྱང་ཁོ་མོས་མཐོང་བར་གྱུར་ཏོ། །རིགས་ཀྱི་བུ་དེ་ལྟར་ཁོ་མོའི་ལུས་སུ་བྱང་ཆུབ་སེམས་དཔའི་
D44.038.0265b05.01འོད་ཟེར་དེ་དག་དོང་མ་ཐག་ཏུ་ཁོ་མོའི་ལུས་ཀྱང་འགྲོ་བ་ཐམས་ཅད་ལས་མངོན་པར་འཕགས་པར་གྱུར་ཏེ། རུམ་ནམ་མཁའི་དབྱིངས་ལྟར་ཡངས་པར་གྱུར་ཀྱང་མིའི་ལུས་ལས་ལྷག་པར་ཡང་མི་སྣང་ངོ་། །ཕྱོགས་བཅུ་ན་བྱང་ཆུབ་སེམས་དཔའི་མངལ་གྱི་
D44.038.0265b06.01གནས་དང་། ཁང་ཁྱིམ་དང་རྒྱན་ཇི་སྙེད་ཅིག་ཡོད་པ་དེ་དག་ཐམས་ཅད་ཀྱང་ཁོ་མོའི་ལུས་ཀྱི་ཁོངས་སུ་ཆུད་པ་དང་། ཁོ་མོའི་ལུས་སུ་ཤོང་བར་གྱུར་པར་སྣང་བར་གྱུར་ཏོ། །རིགས་ཀྱི་བུ་དེ་ལྟར་ཁོ་མོའི་ལུས་སུ་བྱང་ཆུབ་སེམས་དཔའི་མངལ་
D44.038.0265b07.01