完整藏文原文 · 德格版页 当前仅加载第 38 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཉན་ཐོས་དང་། རང་སངས་རྒྱས་ཀྱི་སར་ལྟུང་གིས་འཇིགས་ཤིང་བག་ཚ་བའི་སེམས་ཅན་རྣམས་ཀྱི་ཉན་ཐོས་དང་། རང་སངས་རྒྱས་ཀྱི་སར་ལྟུང་བའི་འཇིགས་པ་རྣམ་པར་བཟློག་པ་དང་། འཁོར་བའི་གནས་སྣ་ཚོགས་ཀྱི་སྡུག་བསྔལ་གྱིས་
D44.038.0115b01.01འཇིགས་ཤིང་སྐྲག་པ་རྣམས་ཀྱི་འཁོར་བའི་གནས་སྣ་ཚོགས་ཀྱི་སྡུག་བསྔལ་ཀྱི་འཇིགས་པ་རྣམ་པར་བཟློག་པ་དང་། སེམས་ཅན་སྐལ་བ་མི་མཉམ་པ་དང་ཕྲད་ཀྱིས་འཇིགས་ཤིང་བག་ཚ་བ་རྣམས་ཀྱི་སེམས་ཅན་སྐལ་བ་མི་མཉམ་པ་དང་ཕྲད་པའི་
D44.038.0115b02.01འཇིགས་པ་རྣམ་པར་བཟློག་པ་དང་། དུས་མི་བཟང་བར་སྐྱེས་ཀྱིས་འཇིགས་ཤིང་བག་ཚ་བ་རྣམས་ཀྱི་དུས་མི་བཟད་པར་སྐྱེ་བའི་འཇིགས་པ་རྣམ་པར་བཟློག་པ་དང་། རིགས་ངན་པར་སྐྱེས་ཀྱིས་འཇིགས་ཤིང་བག་ཚ་བ་རྣམས་ཀྱི་རིགས་ངན་པར་སྐྱེ་བའི་འཇིགས་
D44.038.0115b03.01པ་རྣམ་པར་བཟློག་པ་དང་། སྡིག་ཏོའི་ལས་བྱས་ཀྱིས་འཇིགས་ཤིང་བག་ཚ་བ་རྣམས་ཀྱི། སྡིག་ཏོའི་ལས་བྱེད་པའི་འཇིགས་པ་རྣམ་པར་བཟློག་པ་དང་། ལས་དང་ཉོན་མོངས་པའི་སྒྲིབ་པས་འཇིགས་ཤིང་སྔང་བ་རྣམས་ཀྱི་ལས་དང་ཉོན་མོངས་པའི་སྒྲིབ་པའི་
D44.038.0115b04.01འཇིགས་པ་རྣམ་པར་བཟློག་པ་དང་། འདུ་ཤེས་ཀྱི་རྣམ་པ་སྣ་ཚོགས་ཀྱིས་གནས་དང་འཆིང་བས་འཇིགས་ཤིང་སྔང་བ་རྣམས་ཀྱི་འདུ་ཤེས་རྣམ་པ་སྣ་ཚོགས་ཀྱི་གནས་དང་། འཆིང་བའི་འཇིགས་པ་རྣམ་པར་བཟློག་པའི་ཕྱིར་སེམས་ཅན་ཐམས་ཅད་
D44.038.0115b05.01ལ་སོ་སོར་མངོན་ཏུ་གྱུར་པར་གནས་པ་མཐོང་ངོ་། །འདི་ལྟ་སྟེ་སྒོ་ང་ལས་སྐྱེས་པའི་སེམས་ཅན་དང་། མངལ་ནས་སྐྱེས་པ་དང་། དྲོད་གཤེར་ལས་སྐྱེས་པ་དང་། རྫུས་ཏེ་སྐྱེས་པ་དང་། གཟུགས་ཡོད་པ་དང་། གཟུགས་མེད་པ་དང་། འདུ་ཤེས་ཡོད་
D44.038.0115b06.01པ་དང་། འདུ་ཤེས་མེད་པ་དང་། འདུ་ཤེས་ཡོད་པའང་མ་ཡིན། འདུ་ཤེས་མེད་པ་ཡང་མ་ཡིན་པའི་སེམས་ཅན་ཐམས་ཅད་ཡོངས་སུ་བསྐྱབ་པའི་སྨོན་ལམ་གྱི་སྟོབས་མངོན་པར་བསྒྲུབ་པ་དང་། བྱང་ཆུབ་སེམས་དཔའི་ཏིང་ངེ་འཛིན་གྱི་ཤུགས་
D44.038.0115b07.01