完整藏文原文 · 德格版页 当前仅加载第 38 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
དགོད་པར་བྱ་བའི་ཕྱིར་ཆོས་སྟོན་ཏོ། །གྲོང་རྡལ་ན་འཁོད་པའི་སེམས་ཅན་རྣམས་ལ་ཆོས་ཀྱི་རྒྱལ་པོའི་ཕོ་བྲང་དུ་གནས་པར་འགྱུར་བར་བྱ་བའི་ཕྱིར་ཆོས་སྟོན་ཏོ། །ཕྱོགས་མཚམས་ན་འཁོད་པའི་སེམས་ཅན་རྣམས་ལ་དུས་གསུམ་མཉམ་པ་ཉིད་ཀྱི་ཡེ་
D44.038.0136a01.01ཤེས་རབ་དུ་ཐོབ་པར་བྱ་བའི་ཕྱིར་ཆོས་སྟོན་ཏོ། །ཕྱོགས་ན་གནས་པའི་སེམས་ཅན་རྣམས་ལ་ཆོས་ཐམས་ཅད་ཀྱི་ཡེ་ཤེས་མངོན་པར་ཤེས་པར་བྱ་བའི་ཕྱིར་ཆོས་སྟོན་ཏོ། །འདོད་ཆགས་ལ་གཅིག་ཏུ་དགའ་བའི་སེམས་ཅན་རྣམས་ལ་མི་སྡུག་པའི་སྒོས་འཁོར་བའི་སྲེད་པ་རྣམ་
D44.038.0136a02.01པར་བཟློག་པའི་ཕྱིར་ཆོས་སྟོན་ཏོ། །ཞེ་སྡང་ལ་སྤྱོད་པའི་སེམས་ཅན་རྣམས་ལ་བྱམས་པ་ཆེན་པོའི་ཚུལ་རྒྱ་མཚོ་ལ་འཇུག་པར་བྱ་བའི་ཕྱིར་ཆོས་སྟོན་ཏོ། །གཏི་མུག་ལ་སྤྱོད་པའི་སེམས་ཅན་རྣམས་ལ་ཆོས་ཐམས་ཅད་ཀྱི་སྒོ་རྒྱ་མཚོ་རབ་ཏུ་འབྱེད་པའི་ཡེ་ཤེས་མངོན་པར་
D44.038.0136a03.01ཤེས་པར་བྱ་བའི་ཕྱིར་ཆོས་སྟོན་ཏོ། །ཆ་མཉམ་པ་ལ་སྤྱོད་པའི་སེམས་ཅན་རྣམས་ལ་ཐེག་པ་ཐམས་ཅད་ཀྱི་སྨོན་ལམ་གྱི་ཚུལ་རྒྱ་མཚོས་ཁྱད་པར་དུ་འགྲོ་བར་བྱ་བའི་ཕྱིར་ཆོས་སྟོན་ཏོ། །འཁོར་བའི་ཡུལ་གྱི་དགའ་བའི་བསམ་པ་ཅན་གྱི་སེམས་ཅན་རྣམས་ལ་
D44.038.0136a04.01འཁོར་བའི་ཡུལ་ལ་དགའ་བ་རྣམ་པར་བཟློག་པའི་ཕྱིར་ཆོས་སྟོན་ཏོ། །འཁོར་བའི་སྡུག་བསྔལ་ཐམས་ཅད་ཀྱིས་གཙེས་པའི་སེམས་ཅན་རྣམས་ལ་འཁོར་བའི་སྡུག་བསྔལ་ཐམས་ཅད་ཀྱིས་ཉེ་བར་ཉོན་མོངས་བ་མེད་པར་བྱ་བའི་ཕྱིར་ཆོས་སྟོན་ཏོ། །དེ་བཞིན་
D44.038.0136a05.01གཤེགས་པས་འདུལ་བའི་སེམས་ཅན་རྣམས་ལ་མི་སྐྱེ་བའི་གནས་ཡང་དག་པར་བསྟན་པའི་ཕྱིར་ཆོས་སྟོན་ཏོ། །ཕུང་པོ་ལ་གནས་པའི་བསམ་པ་ཅན་གྱི་སེམས་ཅན་རྣམས་ལ་གཞི་མེད་པའི་ཆོས་ཀྱི་སྤྱོད་ཡུལ་ལ་རྣམ་པར་སྤྱོད་པར་བྱ་བའི་ཕྱིར་ཆོས་སྟོན་ཏོ། །
D44.038.0136a06.01བསམ་པ་ཞུམ་པའི་སེམས་ཅན་རྣམས་ལ་ལམ་གྱི་རྒྱུན་གྱི་ཁྱད་པར་ཡང་དག་པར་བསྟན་པར་བྱ་བའི་ཕྱིར་ཆོས་སྟོན་ཏོ། །མཐོ་བའི་ང་རྒྱལ་ཅན་གྱི་སེམས་ཅན་རྣམས་ལ་ཆོས་ཐམས་ཅད་མཉམ་པ་ཉིད་ཀྱི་བཟོད་པ་ཡང་དག་པར་བསྟན་པར་བྱ་བའི་ཕྱིར་ཆོས་སྟོན་ཏོ། །
D44.038.0136a07.01