完整藏文原文 · 德格版页 当前仅加载第 38 函德格 316a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྲུལ་ཐམས་ཅད་ལ་དབང་བསྒྱུར་རོ། །དེ་བཞིན་དུ་ཐམས་ཅད་མཁྱེན་པ་ཉིད་དུ་སེམས་བསྐྱེད་པའི་ནན་ཏན་གྱི་ཀླུའི་དཀྱིལ་འཁོར་གྲུབ་པའི་བྱང་ཆུབ་སེམས་དཔའ་སྦྲུལ་འདུལ་བ་ཡང་ཉོན་མོངས་པའི་ཀླུ་དང་། སྦྲུལ་ཐམས་ཅད་ལ་དབང་བསྒྱུར་རོ། །
D44.038.0316a01.01རིགས་ཀྱི་བུ་འདི་ལྟ་སྟེ་དཔེར་ན། དཔའ་བོ་ལག་ཆ་དང་ལྡན་པ་ནི་དགྲའི་འཁོར་གྱིས་ཚུགས་པར་དཀའོ། །དེ་བཞིན་དུ་ཐམས་ཅད་མཁྱེན་པ་ཉིད་དུ་སེམས་བསྐྱེད་པའི་ལག་ཆ་དང་ལྡན་པའི་བྱང་ཆུབ་སེམས་དཔའ་ཐམས་ཅད་ཀྱང་ཉོན་མོངས་པའི་དགྲའི་དཀྱིལ་འཁོར་ཐམས་ཅད་
D44.038.0316a02.01ཀྱིས་ཐུབ་པར་དཀའོ། །རིགས་ཀྱི་བུ་འདི་ལྟ་སྟེ་དཔེར་ན། ལྷ་རྫས་ཀྱི་ཙན་དན་སྦྲུལ་གྱི་སྙིང་པོའི་ཕྱེ་མ་སྲང་གཅིག་གིས་ནི་སྟོང་གི་འཇིག་རྟེན་གྱི་ཁམས་དྲི་ཞིམ་པོས་རྒྱས་པར་འགེངས་ཏེ་དེ་ཞོ་གཅིག་ཙམ་ལ་ཡང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིན་
D44.038.0316a03.01པོ་ཆེས་ཡོངས་སུ་གང་བ་རིན་དུ་མི་ཆོག་གོ །དེ་བཞིན་དུ་ཐམས་ཅད་མཁྱེན་པ་ཉིད་དུ་སེམས་བསྐྱེད་པ་ལྷ་རྫས་ཀྱི་ཙན་དན་སྦྲུལ་གྱི་སྙིང་པོས་ལྷག་པའི་བསམ་པ་གཅིག་ལ་གནས་པའི་ཁམས་ཀྱང་ཆོས་ཀྱི་དབྱིངས་ཐམས་ཅད་ཡོན་ཏན་གྱི་དྲི་ཞིམ་པོར་རྒྱས་པར་
D44.038.0316a04.01འགེངས་ཏེ་སློབ་པ་དང་མི་སློབ་པ་དང་། རང་སངས་རྒྱས་ཐམས་ཅད་ཀྱི་སེམས་ཀྱང་ཟིལ་གྱིས་གནོན་ཏོ། །རིགས་ཀྱི་བུ་འདི་ལྟ་སྟེ་དཔེར་ན། ཙན་དན་རིན་པོ་ཆེ་ཆེན་པོ་ཁ་བའི་ཙན་དན་ཞེས་བྱ་བ་ནི་གདུང་བ་ཐམས་ཅད་རབ་ཏུ་ཞི་བར་བྱེད་དེ། ལུས་
D44.038.0316a05.01ཐམས་ཅད་ཀྱང་རབ་ཏུ་བསལ་བར་བྱེད་དོ། །དེ་བཞིན་དུ་ཐམས་ཅད་མཁྱེན་པ་ཉིད་དུ་སེམས་བསྐྱེད་པའི་ཁ་བའི་ཙན་དན་རིན་པོ་ཆེ་ཡང་ཉོན་མོངས་པའི་ཀུན་ཏུ་རྟོག་པ་དང་། འདོད་ཆགས་དང་ཞེ་སྡང་དང་གཏི་མུག་གིས་གདུང་བ་ཐམས་ཅད་ཀྱང་རབ་ཏུ་
D44.038.0316a06.01སེལ་ཏོ། །ཡེ་ཤེས་ཀྱི་ལུས་ཀྱང་རབ་ཏུ་སིམ་པར་བྱེད་དོ། །རིགས་ཀྱི་བུ་འདི་ལྟ་སྟེ་དཔེར་ན། རིའི་རྒྱལ་པོ་རི་རབ་ཀྱི་དྲུང་དུ་ཇི་སྙེད་ཅིག་ཉེ་བར་འདོད་པ་དེ་དག་ཐམས་ཅད་གསེར་གྱི་ཁ་དོག་གཅིག་ཏུ་འགྱུར་རོ། །དེ་བཞིན་དུ་གང་སུ་ཡང་
D44.038.0316a07.01