完整藏文原文 · 德格版页 当前仅加载第 38 函德格 267a 版页；藏文 NFD、目录标记与异常页序保留在来源切片中，重复版页行以稳定序号区分。
འཛམ་བུའི་གླིང་ན་བྱང་ཆུབ་སེམས་དཔའ་ཁོང་ན་ཡོངས་སུ་འཛིན་པ་དེ་བཞིན་དུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་གླིང་བཞི་པ་ཐམས་ཅད་ཀྱི་འཛམ་བུའི་གླིང་དག་ན་ཡང་རྣམ་པར་འཕྲུལ་པའི་རྒྱན་གྱི་ཚུལ་འདི་ཉིད་ཀྱིས་ཡོངས་སུ་འཛིན་པར་
D44.038.0267a01.01བྱེད་དེ། བྱང་ཆུབ་སེམས་དཔའི་རྣམ་པར་ཐར་བ་སྨོན་ལམ་ཆེན་པོའི་ཡེ་ཤེས་སྒྱུ་མའི་རྣམ་པ་འདི་ཉིད་ཤིན་ཏུ་བསྒོམས་པའི་ཕྱིར་ཁོ་མོའི་ལུས་འདི་གཉིས་སུ་གྱུར་པའང་མེད། མི་གཉིས་པའང་མེད། གཅིག་ལ་གནས་པ་ཡང་མེད། མང་པོ་ལ་གནས་པ་ཡང་མེད་དོ། །རིགས་
D44.038.0267a02.01ཀྱི་བུ་ཇི་ལྟར་ཁོ་མོ་བཅོམ་ལྡན་འདས་རྣམ་པར་སྣང་མཛད་འདིའི་ཡུམ་དུ་གྱུར་པ་དེ་བཞིན་དུ་སྔོན་གྱི་དེ་བཞིན་གཤེགས་པ་མཐའ་དང་དབུས་མེད་པ་དག་གི་ཡང་ཡུམ་དུ་གྱུར་ཏོ། །ལ་ལ་ཞིག་ཏུ་བྱང་ཆུབ་སེམས་དཔའ་པད་མོའི་སྦུབས་ནས་རྫུས་ཏེ་སྐྱེ་བ་ཞིག་ཏུ་གྱུར་
D44.038.0267a03.01ན་ཡང་པད་མོའི་ཚལ་གྱི་ལྷ་མོར་གྱུར་ཅིང་ཁོ་མོ་བྱང་ཆུབ་སེམས་དཔའ་ལེན་ཏེ། འཇིག་རྟེན་རྣམས་ཀྱིས་ཀྱང་ཁོ་མོ་ནི་བྱང་ཆུབ་སེམས་དཔའི་ཡུམ་ཡིན་པར་ཤེས་སོ། །ལ་ལ་ཞིག་ཏུ་ཐུ་བར་སྐྱེ་བར་གྱུར་ན་ཡང་དེ་དག་ཏུ་ཡང་ཁོ་མོས་ཐུ་བར་བླངས་ཏེ། བྱང་ཆུབ་
D44.038.0267a04.01སེམས་དཔའི་ཡུམ་དུ་གྱུར་ཏོ། །ལ་ལ་ཞིག་ཏུ་སངས་རྒྱས་ཀྱི་ཞིང་དུ་དེ་བཞིན་འབྱུང་བར་གྱུར་ན་ཡང་དེ་དག་ཏུ་འང་ཁོ་མོ་སྙིང་པོ་བྱང་ཆུབ་ཀྱི་ལྷ་མོར་གནས་གནས་སོ། །རིགས་ཀྱི་བུ་ཐབས་ཀྱི་སྒོ་ཇི་སྙེད་ཅིག་གིས་བྱང་ཆུབ་སེམས་དཔའི་སྲིད་པའི་ཐ་མ་བ་འཇིག་རྟེན་དུ་
D44.038.0267a05.01འབྱུང་བ་ཡོངས་སུ་སྟོན་པ་དེ་སྙེད་ཀྱི་ཐབས་ཀྱི་སྒོས་ཁོ་མོ་བྱང་ཆུབ་སེམས་དཔའི་ཡུམ་དུ་གྱུར་ཏེ། རིགས་ཀྱི་བུ་ཁོ་མོ་འཇིག་རྟེན་གྱི་ཁམས་འདི་ན་བཅོམ་ལྡན་འདས་རྣམ་པར་སྣང་མཛད་ཀྱི་བྱང་ཆུབ་སེམས་དཔའི་སྐྱེ་བའི་རྣམ་པར་འཕྲུལ་པ་ཡོངས་སུ་བསྟན་པ་དག་ཏུ་
D44.038.0267a06.01ཡུམ་དུ་གྱུར་པ། དེ་བཞིན་དུ་བཅོམ་ལྡན་འདས་དེ་བཞིན་གཤེགས་པ་ལོག་པ་དད་སེལ་དང་། གསེར་ཐུབ་དང་བསོད་སྐྱབས་ཀྱི་ཡུམ་དུ་ཡང་གྱུར་ཏོ། །དེ་བཞིན་དུ་མ་བྱོན་པའི་དེ་བཞིན་གཤེགས་པ་བསྐལ་བ་བཟང་པོ་བ་རྣམས་ཀྱི་ཡང་ཡུམ་དུ་འགྱུར་ཏེ།
D44.038.0267a07.01