sangs rgyas phal po che zhes bya ba shin tu rgyas pa chen po'i mdo/
当前为德格木刻版 255b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 255b
- 可引用原文
- 7 行
- 全文规模
- 全经 21606 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 38 函 · 德格 255b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཞིང་རྣམས་རྒྱ་མཚོ་དག །ཚད་མེད་རྣམས་སུ་ཐ་དད་གསལ་བར་མཐོང་། །ཆོས་ཀྱི་གསུང་གིས་འགྲོ་བ་གདུལ་དོན་དུ། །བརྩོན་བའི་རྒྱལ་བ་དེ་ཉིད་བཞུགས་པ་མཐོང་། །བསྐལ་པར་སྤྱོད་པ་ཡངས་པ་སྤྱོད་པའི་ཚེ། །སྐུ་ཡི་ཕྲིན་ལས་ཁོ་མོས་དེ་མ་ཤེས། །གསུང་དང་ཐུགས་མིན་དེ་གཉིས་ཕྲིན་ལས་མིན། །རྫུ་འཕྲུལ་རྣམ་འཕྲུལ་ཐ་དད་ཚུལ་མ་ཤེས། །དེ་ནས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}ཤཱཀྱའི་བུ་མོ་གོ་བའི་རྐང་པ་གཉིས་ལ་སྤྱི་བོས་ཕྱག་འཚལ་ཏེ། ཤཱཀྱའི་བུ་མོ་གོ་བ་ལ་ལན་བརྒྱ་སྟོང་དུ་མར་གཡས་ཕྱོགས་
སུ་བསྐོར་བ་བྱས་ནས། ཡང་དང་ཡང་བལྟས་ཏེ། ཤཱཀྱའི་བུ་མོ་གོ་བའི་དྲུང་ནས་སོང་ངོ་།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་བཅུ་དྲུག་པ། །དེ་ནས་ཚོང་དཔོན་གྱི་བུ་ནོར་{བཟངས་,བཟང་}ལྷ་མོ་སྒྱུ་མའི་གན་དུ་འགྲོ་བར་མངོན་དུ་བལྟས་ནས། སངས་རྒྱས་ཀྱི་སྤྱོད་ཡུལ་གྱི་རྒྱུད་ཀྱི་ཡེ་ཤེས་ལ་ཞུགས་པ་དེས་འདི་སྙམ་དུ་བསམས་སོ། །བདག་གི་དགེ་བའི་བཤེས་གཉེན་འཇིག་རྟེན་ཐམས་ཅད་ལས་གྱེན་དུ་འཕགས་པའི་སྐྱེ་མཆེད་དྲུག་དང་ལྡན་པ། གནས་མེད་པ་ལ་རབ་ཏུ་གནས་པ། ཆགས་པ་ཐམས་ཅད་ལས་ཡང་དག་པར་འདས་པའི་ལུས་དང་ལྡན་པ།
ཆགས་པ་མེད་པར་འགྲོ་བའི་ལམ་དུ་ཞུགས་པ་ཆོས་ཀྱི་ལུས་ཤིན་ཏུ་རྣམ་པར་དག་པ། ལུས་ཀྱི་ལས་སྒྱུ་མས་ལེགས་པར་སྤྲུལ་པའི་ལུས་དང་ལྡན་པ། ཡེ་ཤེས་སྒྱུ་མའི་རྣམ་པས་འཇིག་རྟེན་ན་རྣམ་པར་སྤྱོད་པ། སྨོན་ལམ་སྒྱུ་མའི་གཟུགས་དང་ལུས་སུ་ལྡན་པ།སངས་རྒྱས་ཀྱི་བྱིན་གྱི་རླབས་ཡིད་ཀྱི་རང་བཞིན་གྱི་ལུས་དང་ལྡན་པ། མ་སྐྱེས་མ་འགགས་པའི་ལུས་དང་ལྡན་པ། འོངས་པ་མེད་པའི་ལུས་དང་ལྡན་པ། བདེན་པ་མེད་པ་དང་། {བརྫུན་,རྫུན་}པ་མེད་པའི་ལུས་དང་ལྡན་པ། མ་འཕོས་མ་ཞིག་པའི་ལུས་དང་ལྡན་པ།
མ་བྱུང་མི་འཇིག་པའི་ལུས་དང་ལྡན་པ། མཚན་ཉིད་མེད་པར་མཚན་ཉིད་གཅིག་པའི་ལུས་དང་ལྡན་པ། གཉིས་ལ་ཆགས་པ་དང་བྲལ་བའི་ལུས་དང་ལྡན་པ། ཀུན་གཞི་མེད་པ་ལ་གནས་པའི་ལུས་དང་ལྡན་པ། མི་ཟད་ཅིང་ཉམས་པ་མེད་པའི་ལུས་དང་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D44
- 德格版页
- 255b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0044 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。