完整藏文原文 · 德格版页 当前仅加载第 38 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
ཁ་ན་མ་ཐོ་བ་ཆེན་པོའི་ལས་ལ་སྤྱོད་པ་ཡིད་ཀྱི་ཡོངས་སུ་རྟོག་པ་ཤིན་ཏུ་གཏུམ་པ་དང་ལྡན་པ། སེམས་ཅན་ཕ་རོལ་གྱི་སྲོག་གཅད་པ་ལ་ཞུགས་པ། སེམས་ཅན་ཕ་རོལ་ཤིན་ཏུ་མནར་བ་ལ་བརྩོན་པ། ཚེ་ཕྱི་མ་ལ་ལྟ་བ་{མྱེད་,མེད་}པ། ངན་སོང་གི་གཡང་
D44.038.0025a01.01སའི་གད་ཀ་ན་འདུག་པ་ཞིག་ན། འདི་ལས་ཅིག་བྱང་ཆུབ་སེམས་དཔའི་སྤྱོད་པའང་ཐོས་པར་འགྱུར་རམ་སྙམ་སྟེ། དེ་དེ་ལྟར་སེམས་ཤིང་ཡིད་ལ་བྱེད་དེ། སེམས་ཅན་ཐམས་ཅད་ཡོངས་སུ་བསྐྱབ་པ་ལ་མངོན་པར་བརྩོན་པ། སྙིང་རྗེ་ཆེན་པོ་སྐྱེས་པའི་སེམས་དང་ལྡན་པ་
D44.038.0025a02.01དེ་ལ་སྟེང་གི་ནམ་མཁའི་དབྱིངས་ལས་ལྷ་མང་པོས་བོས་པ། རིགས་ཀྱི་བུ་དྲང་སྲོང་རྒྱལ་བའི་དྲོད་ཀྱི་སྐྱེ་མཆེད་ཀྱི་དགེ་བའི་བཤེས་གཉེན་གྱི་གདམས་ངག་ཏུ་བྱ་བ་མི་དྲན་ནམ། དེས་གྱེན་དུ་ནམ་མཁའི་དབྱིངས་ལ་བལྟས་ནས། དྲན་ནོ་ཞེས་བརྗོད་དོ། །ལྷ་རྣམས་ཀྱིས་སྨྲས་པ།
D44.038.0025a03.01རིགས་ཀྱི་བུ་ཁྱོད་དགེ་བའི་བཤེས་གཉེན་གྱི་གདམས་ངག་ལ་དེ་ལྟར་ཐེ་ཚོམ་མ་བསྐྱེད་ཅིག །རིགས་ཀྱི་བུ་དགེ་བའི་བཤེས་གཉེན་རྣམས་ནི་ཡང་དག་པ་མ་ནོར་བར་སྟོན་གྱི་ལོག་པ་མ་ཡིན་ནོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐབས་མཁས་པས་སྤྱོད་པའི་
D44.038.0025a04.01ཡེ་ཤེས་ནི་བསམ་གྱིས་མི་ཁྱབ་བོ། །སེམས་ཅན་ཡོངས་སུ་སྡུད་པའི་ཡེ་ཤེས་ནི་བསམ་གྱིས་མི་ཁྱབ་བོ། །སེམས་ཅན་ལ་ཕན་འདོགས་པའི་ཡེ་ཤེས་བསམ་གྱིས་མི་ཁྱབ་བོ། །སེམས་ཅན་ཚར་གཅོད་པའི་ཡེ་ཤེས་བསམ་གྱིས་མི་ཁྱབ་བོ། །སེམས་ཅན་གཟེངས་བསྟོད་
D44.038.0025a05.01པའི་ཡེ་ཤེས་བསམ་གྱིས་མི་ཁྱབ་བོ། །སེམས་ཅན་ཡོངས་སུ་སྦྱོང་བའི་ཡེ་ཤེས་བསམ་གྱིས་མི་ཁྱབ་བོ། །སེམས་ཅན་ཡོངས་སུ་སྐྱོང་བའི་ཡེ་ཤེས་བསམ་གྱིས་མི་ཁྱབ་བོ། །སེམས་ཅན་འཛུདཔའི་ཡེ་ཤེས་བསམ་གྱིས་མི་ཁྱབ་བོ། །སེམས་ཅན་ཡོངས་སུ་
D44.038.0025a06.01སྨིན་པར་བྱེད་པའི་ཡེ་ཤེས་བསམ་གྱིས་མི་ཁྱབ་བོ། སེམས་ཅན་འདུལ་བའི་ཡེ་ཤེས་བསམ་གྱིས་མི་ཁྱབ་བོ། །སོང་རིགས་ཀྱི་བུ་དེ་ལ་བྱང་ཆུབ་སེམས་དཔའི་སྤྱོད་པ་དྲིས་ཤིག་ཅེས་ནས། ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}ལྷའི་ངག་མཉན་ཏེ། རྒྱལ་
D44.038.0025a07.01