完整藏文原文 · 德格版页 当前仅加载第 38 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ལ་མི་བདེ་མ་མཆིས་དད་པར་བགྱིད། །ཁྱོད་ཀྱིས་རྟག་པར་བདག་གི་ཁྱིམ་ཐབ་མཛོད། །ཁྱོད་ཀྱིས་ཚེ་རབས་གྲངས་མེད་ཐམས་ཅད་དུ། །བདག་ལ་ཐུགས་བརྟན་ཐུགས་ཀྱིས་མངའ་མཛད་དེ། །ལན་ལག་ཤ་གཏུབས་གཞན་ལ་
D44.038.0242a01.01སྩལ་བར་མཛོད། །ཁྱོད་ཀྱི་ཆོས་ལ་བདག་ཀྱང་བརྟན་གཞག་གསོལ། །བདག་གི་ལས་ནི་སླད་ན་མ་ལས་པར། །སྐྱེས་བུ་ལྷ་ཡི་སྲས་པོ་ཁྱོད་ལ་དབུལ། །བསྐལ་པ་རྒྱ་མཚོར་སྤྱོད་པ་མཛད་པའི་ཚེ། །སྐྱེ་བོ་སློང་བ་རྣམས་ལ་དགྱེས་པར་གསོལ། །
D44.038.0242a02.01སེམས་ཅན་ཀུན་ལ་ཐུགས་རྗེ་མཐའ་ཡས་པ། །བསྐྱེད་དེ་སེམས་ཅན་རྒྱ་མཆོ་བསྡུ་སླད་དུ། །བྱང་ཆུབ་དམ་པ་མཆོག་ཏུ་ཁྱོད་བཞུགས་པས། །དེ་སླད་བདག་ཀྱང་ཐུགས་རྗེས་གཟུང་བ་མཛོད། །ལོགས་སྤྱོད་དོན་དང་ནོར་གྱི་དོན་མ་ལགས། །འདོད་སྤྱོད་དགའ་བ་
D44.038.0242a03.01བསྐྱེད་པའི་དོན་སླད་དུ། །སེམས་ཅན་མཆོག་ཁྱོད་ཁྱོར་འཚལ་མ་ལགས་ཀྱི། །ཁྱོད་དང་སྦྱོང་པ་འཐུན་པར་སྤྱད་སླད་དུའོ། །སྤྱན་གསལ་མཛེས་ཤིང་བྱམས་པའི་ཐུགས་མངའ་བ། །ཁྱོད་ནི་འཇིག་རྟེན་གཟིགས་པ་ཅི་ཚུལ་ལགས། །ཐུགས་རྗེ་
D44.038.0242a04.01ཆེ་ཡི་འདོད་ཆགས་ཐུགས་མི་མངའ། དེ་ལ་ཐུབ་དབང་འགྱུར་བ་གདོན་མི་འཚལ། །ཁྱོད་ཀྱི་ཞབས་ཀྱིས་བཅགས་པའི་ས་རྣམས་ཀྱང་། །དྲི་མེད་རིན་ཆེན་འོད་དུ་གནས་པ་ལས། །ཁམས་གསུམ་ཀུན་ཏུ་འཁོར་ལོས་སྒྱུར་བར་ཡང་། །
D44.038.0242a05.01མཚན་རབ་ཡོངས་ཀྱིས་བརྒྱན་བྱོན་གདོན་མི་འཚལ། །བདག་གིས་གཡར་ལམ་མཐོང་བ་དགུང་ཞིག་ལ། །ཆོས་བཟང་སྤྲིན་འོད་བྱང་ཆུབ་སྙིང་པོ་ཡི། །ཤིང་དབང་དྲུང་ན་དེ་བཞིན་གཤེགས་པ་བཞུགས། །སངས་རྒྱས་སྲས་མང་དུ་མས་མདུན་
D44.038.0242a06.01དུ་བདར། །རྒྱལ་པའི་དབང་པོ་སྐུ་མཆོག་ཉི་མ་དེ། །འཛམ་བུ་ཆུ་ཀླུང་རིན་ཆེན་འཚེར་བ་འདྲ། །གཡར་ལམ་མཐོང་བར་ཕྱག་གིས་བདག་མགོ་བྱུག །དེ་ནས་སང་ནས་གློ་བ་རབ་ཏུ་དགའ། །དགའ་བའི་འོད་ཅེས་བགྱི་བ་རྣམ་དག་ལུས། །
D44.038.0242a07.01