完整藏文原文 · 德格版页 当前仅加载第 38 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
ཚིམ་པར་བྱ་བའི་སྦྱིན་པའི་ཚུལ་མཐའ་ཡས་པ་ཐུགས་སུ་ཆུད་པས་སེམས་ཅན་གྱི་བསམ་པ་ཇི་ལྟ་བ་བཞིན་དུ་ཡོངས་སུ་ཚིམ་པར་བྱ་བར་མངོན་པར་བསྒྲུབ་པའི་དངོས་པོ་ཐམས་ཅད་གཏང་བ་དང་། ཡོངས་སུ་གཏང་བ་དང་། སྦྱིན་པར་བྱ་བ་དང་། འགྲོ་བ་ཐམས་
D44.038.0162a01.01ཅད་ཀྱི་འདུ་བྱེད་ཀྱི་སྡུག་བསྔལ་རྒྱུན་མི་ཆད་པ་ལས་ཡོངས་སུ་བསྐྱབ་པའི་ཚུལ་དུ་བྱ་བ་རྣམས། སེམས་ཅན་ཐམས་ཅད་ལ་ལན་ལ་རེ་བ་མི་མངའ་བ་དང་། འགྲོ་བ་ཐམས་ཅད་ལ་མཉམ་པ་ཉིད་དུ་བྱུང་བའི་དགོངས་པ་མངའ་བས། འགྲོ་བ་ཐམས་ཅད་ཀྱི་སེམས་རིན་པོ་ཆེ་
D44.038.0162a02.01ཡོངས་སུ་སྦྱོང་བ་མཛད་ཅིང་སངས་རྒྱས་ཐམས་ཅད་ཀྱི་དགེ་བའི་རྩ་བ་རྒྱ་མཚོ་གཅིག་ཏུ་གྱུར་པ་ལས་བྱུང་བའི་ཡོངས་སུ་བསྡུ་བའི་ཚུལ། འགྲོ་བ་ཐམས་ཅད་ཀྱི་བསམ་པ་ཇི་ལྟ་བ་བཞིན་དུ་ཡོ་བྱད་ཀྱི་ཆར་དབབ་པ། འགྲོ་བ་ཐམས་ཅད་ལ་ཐམས་ཅད་མཁྱེན་པའི་བསོད་ནམས་
D44.038.0162a03.01རྒྱ་མཚོའི་ཤུགས་རྣམ་པར་འཕེལ་བར་མཛད་པས་དགོངས་པའི་སྐད་ཅིག་རེ་རེ་ལ་སེམས་ཅན་མ་ལུས་པ་ཐམས་ཅད་ཡོངས་སུ་སྨྱིན་པར་བྱ་བ་དང་། གདུལ་བ་གཅིག་ནས་གཅིག་ཏུ་བརྒྱུད་པ་རྣམ་པར་དག་པར་བྱ་བའི་ཕྱིར་མངོན་པར་བསྒྲུབ་པར་མཛད་པ་དང་།
D44.038.0162a04.01དགོངས་པའི་སྐད་ཅིག་རེ་རེ་ལ་ཞིང་གཅིག་ནས་གཅིག་ཏུ་བརྒྱུད་པ་མ་ལུས་པ་ཐམས་ཅད་སངས་རྒྱས་ཀྱི་ཞིང་ཉེ་བར་ཉོན་མོངས་པ་མེད་ཅིང་བླ་ན་མེད་པའི་རྒྱན་རྣམ་པར་དག་པས་རྣམ་པར་ཀླུབ་ཅིང་རབ་ཏུ་བརྒྱན་པ་ཡོངས་སུ་རྫོགས་པར་བྱ་བ་དང་། དགོངས་པའི་སྐད་ཅིག་
D44.038.0162a05.01རེ་རེ་ལ་ཆོས་ཀྱི་ཚུལ་རྒྱ་མཚོ་ལུས་པ་ཐམས་ཅད་རྒྱས་པར་དགང་བ་རྣམ་པར་དག་པར་བྱ་བ་དང་དགོངས་པའི་སྐད་ཅིག་རེ་རེ་ལ་ནམ་མཁའི་དབྱིངས་ཀྱི་གཏོས་མ་ལུས་པ་ཐམས་ཅད་རྒྱས་པར་དགང་བའི་ཡེ་ཤེས་ཀྱི་ཚུལ་ཡོངས་སུ་རྫོགས་པར་བྱ་བ་དང་། དགོངས་པའི་སྐད་ཅིག་
D44.038.0162a06.01རེ་རེ་ལ་སེམས་ཅན་དང་དུས་མ་ལུས་པ་ཐམས་ཅད་ལ་འཇུག་ཅིང་ཡེ་ཤེས་ཀྱི་ཚུལ་རྣམ་པར་དག་པར་བྱ་བ་དང་། དགོངས་པའི་སྐད་ཅིག་རེ་རེ་ལ་འགྲོ་བ་མ་ལུས་པ་ཐམས་ཅད་རྣམ་པར་འདུལ་བའི་ཡེ་ཤེས་ཀྱི་ཚུལ་སྣང་བ་རབ་ཏུ་ཐོབ་པར་བྱ་བ་དང་། དགོངས་པའི་སྐད་
D44.038.0162a07.01