完整藏文原文 · 德格版页 当前仅加载第 38 函德格 343a 版页；藏文 NFD、目录标记与异常页序保留在来源切片中，重复版页行以稳定序号区分。
ཐབས་རྣམ་པ་འདི་ལྟ་བུས་སེམས་ཅན་བསམ་པའི་ཚུལ་ཇི་ལྟ་བུ་དང་ལྡན་པ་དང་། རྣམ་པ་ཇི་ལྟ་བུར་འདུལ་བ་རྣམས་ཡོངས་སུ་སྨྱིན་པར་བྱ་བ་དང་། གདུལ་བ་བྱེད་ཅིང་ཁང་པ་བརྩེགས་པ་ཆེན་པོ་རྣམ་པར་སྣང་མཛད་ཀྱི་
D44.038.0343a01.01རྒྱན་གྱིས་བརྒྱན་པའི་སྙིང་པོ་འདི་ན་འདུག་གོ །འདི་ནས་ང་ཤི་འཕོས་ནས་ཀྱང་བསམ་པའི་ཚུལ་ཇི་ལྟ་བ་བཞིན་དུ་སེམས་ཅན་རྣམས་ཀྱི་རྗེས་སུ་འབྲང་བར་བྱ་བ་དང་། དགའ་ལྡན་གྱི་རིགས་སུ་གཏོགས་པའི་ལྷའི་བུ་སྐལ་བ་མཉམ་པར་སྤྱོད་སྤྱོད་
D44.038.0343a02.01པ་རྣམས་ཡོངས་སུ་སྨྱིན་པར་བྱ་བ་དང་། འདོད་པའི་ཁམས་ནས་ཡོངས་སུ་འདས་པ་ཐམས་ཅད་ལ་འང་བྱང་ཆུབ་སེམས་དཔའི་བསོད་ནམས་དང་ཡེ་ཤེས་དང་། སྤྲུལ་པའི་རྒྱན་ཡོངས་སུ་བསྟན་པ་དང་། འདོད་པའི་དགའ་བའི་སྲེད་པ་ལས་
D44.038.0343a03.01རྣམ་པར་བཟློག་པ་དང་། འདུ་བྱེད་ཐམས་ཅད་{མྱི་,མི་}རྟག་པ་ཉིད་དུ་བསྟན་པ་དང་། ལྷར་སྐྱེས་པ་ཐམས་ཅད་ཀྱང་མཐར་གུད་པར་གྱུར་པ་ཡོངས་སུ་བསྟན་པ་དང་། ཡེ་ཤེས་ཆེན་པོའི་ཆོས་ཀྱི་སྒོ་འཆི་འཕོའི་རྣམ་པ་ཞེས་བ་བ་ཚེ་གཅིག་གིས་
D44.038.0343a04.01ཐོགས་པའི་བྱང་ཆུབ་སེམས་དཔའ་རྣམས་དང་ཡང་དག་པར་བགྲོ་བར་བྱ་བ་དང་། ལྷན་ཅིག་ཡོངས་སུ་སྨིན་པར་གྱུར་པ་རྣམས་དེར་སྐྱེ་བར་ཡོངས་སུ་བསྡུ་བར་བྱ་བ་དང་། དེ་བཞིན་གཤེགས་པ་ཤཱཀྱ་ཐུབ་པས་བཀྱེ་བའི་འདུལ་བའི་པད་མོ་རྣམས་ཀྱང་
D44.038.0343a05.01ཁ་དབྱེ་བའི་ཕྱིར་དགའ་ལྡན་གྱི་གནས་སུ་སྐྱེ་བ་ཡོངས་སུ་སྟོན་ཏེ། དུས་ལ་བབ་པ་ལ་བསམ་པ་ཡོངས་སུ་རྫོགས་ནས་ནི་ཐམས་ཅད་མཁྱེན་པ་ཉིད་ཀྱང་ཐོབ་པར་བྱེད་ཀྱིས། ངས་བྱང་ཆུབ་ཐོབ་ནས་ཀྱང་རིགས་ཀྱི་བུ་ཁྱོད་དང་། འཇམ་
D44.038.0343a06.01དཔལ་གཞོན་ནུར་གྱུར་པར་བཅས་པས་ད་དུང་ཡང་མཐོང་བར་འགྱུར་རོ། །སོང་རིགས་ཀྱི་བུ་ད་དུང་ཡང་འཇམ་དཔལ་གཞོན་ནུར་གྱུར་པའི་གན་དུ་སོང་ལ་ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱོད་པ་ལ་བསླབ་པར་བྱ་བ་དང་།
D44.038.0343a07.01